KA BUKE ʻAHĀ A MOSE, I KAPA ʻIA NĀ HELU 11:13 - Ka Baibala Hemolele

¹³ “No hea lā e loaʻa mai ai iaʻu ka ʻiʻo e hāʻawi aku ai na kēia poʻe kānaka a pau? No ka mea, ke uē mai nei lākou iaʻu, me ka ʻōlelo mai, ‘E hāʻawi mai ʻoe na mākou i ʻiʻo, e ʻai iho ai mākou.’

KA BUKE ʻAHĀ A MOSE, I KAPA ʻIA NĀ HELU 11:13 Iomraidhean Croise

KA BUKE ʻALUA NO NĀ ALIʻI 4:43

ʻĪ akula kāna mea lawelawe, “Kā! E waiho anei au i kēia mea i mua o ka haneri kānaka?” ʻĪ hou maila ia, “E hāʻawi aku na nā kānaka, e ʻai ai lākou; no ka mea, ke ʻōlelo mai nei ʻo Iēhova pēnēia, ‘E ʻai lākou, a koe nō.’”

KA BUKE ʻALUA NO NĀ ALIʻI 7:2

A laila kekahi luna kiaʻi no ke aliʻi ka mea āna i hilinaʻi ai ma kona lima, ʻōlelo maila ia i ke kanaka o ke Akua, ʻī maila, “Aia hoʻi, inā e hana mai ʻo Iēhova i nā puka ma ka lani, e hiki mai anei kēia mea?” ʻĪ akula ia, “E ʻike auaneʻi kou mau maka, akā, ʻaʻole ʻoe e ʻai ia mea.”

KA BUKE ʻAHĀ A MOSE, I KAPA ʻIA NĀ HELU 11:20

akā, he malama ʻokoʻa, a puka mai ia i waho ma ko ʻoukou mau puka ihu, a hoʻopailua ʻoukou ia; no ka mea, ua hoʻowahāwahā ʻoukou iā Iēhova e noho ana i waena o ʻoukou, a ua uē ʻoukou i mua ona, me ka ʻī ʻana aʻe, “No ke aha lā kākou i hele mai ai mai ʻAigupita mai?”’”

KA BUKE ʻAHĀ A MOSE, I KAPA ʻIA NĀ HELU 11:21

ʻĪ akula ʻo Mose, “ʻO ka poʻe kānaka aʻu e noho nei i waena, he ʻeono haneri tausani lākou, ka poʻe hele wāwae, a ke ʻōlelo mai nei ʻoe, ‘E hāʻawi nō au i ʻiʻo na lākou e ʻai ai a pau ka malama ʻokoʻa.’

KA BUKE ʻAHĀ A MOSE, I KAPA ʻIA NĀ HELU 11:22

“E kālua ʻia anei nā pūʻā hipa a me nā pūʻā bipi na lākou, i mea e māʻona ai lākou? E hōʻiliʻili ʻia paha anei nā iʻa a pau o ke kai na lākou, i mea e māʻona ai lākou?”

KA ʻEUANELIO I KĀKAU ʻIA AI E MATAIO 15:33

ʻĪ akula kāna poʻe haumāna iā ia, “No hea lā e loaʻa ai iā kākou ka berena ma kēia wahi wao nahele, i māʻona ai ka poʻe nui me nēia?”

KA ʻEUANELIO I KĀKAU ʻIA AI E MAREKO 8:4

ʻĪ akula kāna poʻe haumāna iā ia, “No hea lā e hiki ai i kekahi ke hoʻomāʻona ai iā lākou nei i loko o ka wao nahele?”

KA ʻEUANELIO I KĀKAU ʻIA AI E MAREKO 9:23

ʻĪ maila Iesū iā ia, “A i hiki iā ʻoe ke manaʻoʻiʻo, e hiki nō nā mea a pau loa i ka mea manaʻoʻiʻo.”