KA BUKE ʻAHĀ A MOSE, I KAPA ʻIA NĀ HELU 11:11 - Ka Baibala Hemolele

¹¹ ʻĪ akula ʻo Mose iā Iēhova, “No ke aha lā ʻoe i hoʻopilikia mai ai i kāu kauā? No ke aha hoʻi i loaʻa ʻole mai ai iaʻu ka lokomaikaʻi ʻia mai i mua o kou maka, i kau mai ai ʻoe ma luna oʻu i ke kaumaha o kēia poʻe kānaka a pau?

KA BUKE ʻAHĀ A MOSE, I KAPA ʻIA NĀ HELU 11:11 Iomraidhean Croise

KA BUKE NO IOBA 10:2

“E ʻī aku au i ke Akua, ‘Mai hoʻohewa mai ʻoe iaʻu; E hōʻike mai ʻoe i ka mea āu e hakakā mai nei me aʻu.

KA BUKE O NĀ HALELŪ 130:3

Inā ma ka hala ʻoe e haka pono mai ai, e Iēhova, E ka Haku, ʻo wai lā ka mea e kū?

KA BUKE O NĀ HALELŪ 143:2

Mai hoʻokolokolo mai ʻoe i kāu kauā, No ka mea, ʻaʻole e ʻāpono ʻia kekahi mea ola i mua ou.

KA BUKE ʻALUA A MOSE, I KAPA ʻIA PUKA ʻANA 17:4

Uē akula ʻo Mose iā Iēhova, ʻī akula, “Pehea lā kaʻu e hana mai ai i kēia poʻe kānaka? Ua kokoke lākou e hailuku mai iaʻu!”

KA BUKE ʻALUA A MOSE, I KAPA ʻIA PUKA ʻANA 5:22

¶ Hoʻi hou akula ʻo Mose i o Iēhova lā, ʻī akula iā ia, “E ka Haku ē, no ke aha lā ʻoe i hana ʻino mai ai i kēia poʻe kānaka? No ke aha lā ʻoe i hoʻouna mai nei iaʻu?

KA WĀNANA A IEREMIA 15:10

¶ Auē hoʻi au, e kuʻu makuahine; No ka mea, ua hānau mai ʻoe iaʻu, He kanaka hakakā, he kanaka paio no ko ka honua a pau! ʻAʻole au i hoʻolimalima kālā ma ke kuala, ʻAʻole hoʻi i ʻaiʻē kālā ma ke kuala; Akā, ke hāʻiliʻili mai nei kēlā mea kēia mea o lākou iaʻu.

KA WĀNANA A IEREMIA 15:18

No ke aha lā i mau ai koʻu ʻeha, A ola ʻole hoʻi koʻu hahau ʻia, A hōʻole hoʻi i ka hoʻōla ʻia? E lilo anei ʻoe iaʻu e like loa me nā wai hoʻopunipuni, Maʻū ʻole?

MALAKI 3:14

“Ua ʻōlelo ʻoukou, ‘He mea ʻole ka mālama i ke Akua; he aha hoʻi ka pōmaikaʻi ke mālama kākou i ka mea āna i kauoha mai ai, a ke hele hoʻi me ke kapa ʻeleʻele i mua o Iēhova o nā kaua?

KA BUKE ʻAHĀ A MOSE, I KAPA ʻIA NĀ HELU 11:10

¶ A laila lohe aʻela ʻo Mose i nā kānaka e uē ana me kā lākou mau ʻohana, ʻo kēlā kanaka kēia kanaka ma ka puka o kona halelewa; hoʻā nui ʻia ka inaina o Iēhova; a ukiuki ihola hoʻi ʻo Mose.

KA BUKE ʻAHĀ A MOSE, I KAPA ʻIA NĀ HELU 11:15

“A i hana mai ʻoe pēlā iaʻu, ʻeā, ke nonoi aku nei au iā ʻoe, e pepehi mai ʻoe iaʻu a make, inā paha i loaʻa iaʻu ka lokomaikaʻi ʻia mai i mua o kou mau maka, a ʻike ʻole au i kuʻu pōpilikia ʻana!”

ʻO KA ʻEPISETOLE LUA A PAULO KA LUNAʻŌLELO I KO KORINETO 11:28

He ʻokoʻa nā mea ma waho, ua kaumaha loa wau i kēlā lā i kēia lā, i ka mālama nui ʻana i nā ʻekalesia a pau.

KA BUKE ʻALIMA A MOSE, I KAPA ʻIA KĀNĀWAI LUA 1:12

‘Pehea lā e hiki ai iaʻu, ʻo wau wale nō ke halihali i ko ʻoukou kaumaha, a me ko ʻoukou luhi, a me ko ʻoukou hoʻopaʻapaʻa ʻana?