KA BUKE ʻAHĀ A MOSE, I KAPA ʻIA NĀ HELU 10:9 - Ka Baibala Hemolele

⁹ “Inā paha e hele ʻoukou i ke kaua ma ko ʻoukou ʻāina, e kūʻē i ka poʻe ʻenemi hoʻoluhi mai iā ʻoukou; a laila ʻoukou e puhi ai i ka pū waikaua ma nā pū; a e hoʻomanaʻo ʻia auaneʻi ʻoukou i mua o Iēhova ʻo ko ʻoukou Akua, a e hoʻōla ʻia ʻoukou i ko ʻoukou poʻe ʻenemi.

KA BUKE ʻAHĀ A MOSE, I KAPA ʻIA NĀ HELU 10:9 Iomraidhean Croise

KA BUKE MUA A MOSE, I KAPA ʻIA KINOHI 8:1

¶ Hoʻomanaʻo ihola ʻo Iēhova iā Noa, a me nā mea ola a pau, a me nā holoholona a pau me ia i loko o ka hale lana; hoʻohuaʻi maila ke Akua i ka makani ma luna o ka honua, a emi ihola ka wai.

KA BUKE ʻALUA O KA ʻOIHANA ALIʻI 13:12

“Eia hoʻi me mākou ke Akua i luna no mākou, a ʻo kona mau kāhuna nō hoʻi me nā mea kani e hoʻopūʻiwa iā ʻoukou. E nā mamo a ʻIseraʻela, mai kaua aku ʻoukou iā Iēhova i ke Akua o ko ʻoukou poʻe kūpuna; no ka mea, ʻaʻole pono iki ʻoukou pēlā!”

KA BUKE ʻALUA O KA ʻOIHANA ALIʻI 13:14

A ʻike kā Iuda, aia nō ke kaua ma mua o lākou a ma hope kekahi, kāhea aku lākou iā Iēhova, a hoʻokani ka poʻe kāhuna i nā pū.

KA BUKE O NĀ HALELŪ 106:4

¶ E hoʻomanaʻo mai ʻoe iaʻu, e Iēhova, Me aʻu e aloha ai i kou poʻe kānaka; E hāʻawi mai nō hoʻi iaʻu i kou hoʻōla ʻana.

KA BUKE O NĀ HALELŪ 106:42

Hoʻokaumaha mai nō hoʻi ko lākou poʻe ʻenemi iā lākou, A hoʻohaʻahaʻa ʻia mai nō hoʻi ma lalo iho o ko lākou lima.

KA BUKE O NĀ HALELŪ 136:23

¶ I ka Mea hoʻomanaʻo iā kākou, iā kākou i hoʻohaʻahaʻa ʻia ai, No ka mea, ua mau loa kona lokomaikaʻi;

KA WĀNANA A ʻISAIA 18:3

E ka poʻe a pau e noho lā ma ka honua, A me nā mea a pau e noho ana ma ke ao nei, A hāpai ʻia ka hae ma nā mauna, e nānā ʻoukou, A kani ka pū, e hoʻolohe hoʻi.

KA WĀNANA A ʻISAIA 58:1

¶ “E kāhea nui aku, mai ʻuʻumi, E hoʻokiʻekiʻe i kou leo me he pū lā, E hōʻike i koʻu poʻe kānaka i ko lākou hewa, A i ko ka hale o Iakoba i ko lākou hala.

KA WĀNANA A IEREMIA 4:19

¶ ʻO kuʻu ʻōpū, ʻo kuʻu ʻōpū! Ua hoʻokaʻawili ʻia au ma kuʻu naʻau; Ke kani nei koʻu naʻau i loko oʻu. ʻAʻole au e noho ʻekemu ʻole; No ka mea, ua lohe ʻoe, e kuʻu ʻuhane, I ke kani ʻana o ka pū, A me ka hoʻōho o ke kaua.

KA WĀNANA A IEREMIA 4:21

Pehea lā ka lōʻihi o koʻu ʻike ʻana i ka hae, A lohe hoʻi i ke kani ʻana o ka pū?

KA WĀNANA A IEREMIA 4:5

¶ E haʻi aku ʻoukou ma loko o kā Iuda, a e kala aku hoʻi ma Ierusalema; a e ʻī aku, “E puhi ʻoukou i ka pū ma ka ʻāina; E kala aku, e hoʻonui i ka leo, A e ʻī aku, ‘E hoʻākoakoa ʻoukou, A e komo aku kākou i loko o nā kūlanakauhale i paʻa i ka pā.’

KA WĀNANA A IEREMIA 49:2

“No laila, aia hoʻi, e hiki mai auaneʻi nā lā,” wahi a Iēhova, “Naʻu nō e hana aku, a e lohe ʻia ka hoʻōho kaua ma Raba o kā ʻAmona; A e lilo ia i puʻu neoneo, A e puhi ʻia kāna mau kaikamāhine i ke ahi. A laila, e lilo ʻo ʻIseraʻela i hoʻoilina no ka poʻe i noho hoʻoilina nona,” wahi a Iēhova.

KA WĀNANA A IEREMIA 6:1

¶ “E nā mamo a Beniamina, E hoʻākoakoa ʻoukou e holo aku ma waho o Ierusalema; A e puhi i ka pū ma Tekoa, A e kau hoʻi i ka hōʻailona o ke ahi ma Beta Hakerema. No ka mea, ʻaneʻane mai ka hewa, a me ka make nui, Mai ke kūkulu ʻākau mai.

KA WĀNANA A IEREMIA 6:17

“A hoʻonoho ihola au i poʻe kiaʻi ma luna o ʻoukou, nāna i ʻōlelo, ‘E hoʻolohe ʻoukou i ke kani ʻana o ka pū.’ Akā, ʻōlelo maila lākou, ‘ʻAʻole mākou e hoʻolohe.’

KA WĀNANA A ʻEZEKIʻELA 7:14

¶ ‘E pupuhi ʻoukou i ka pū, e hoʻomākaukau ai i nā mea a pau; ʻaʻole naʻe he mea hele i ke kaua; no ka mea, ma luna o ko laila lehulehu ʻokoʻa kuʻu inaina.

HOSEA 5:8

¶ E puhi ʻoukou i ka pū kani ma Gibea, I ka pū hoʻi ma Rama; E kāhea nui aku ma Beta ʻAvena ma hope ou, e Beniamina.

KA BUKE ʻAKOLU A MOSE, I KAPA ʻIA ʻOIHANA KAHUNA 23:24

“E ʻōlelo aku ʻoe i nā mamo a ʻIseraʻela, penei, ‘I ka hiku o ka malama, i ka lā mua o ka malama, he Sābati ko ʻoukou, he lā laʻa e hoʻokani ai i nā pū, he hōʻuluʻulu hoʻāno.

ʻAMOSA 3:6

E puhi ʻia anei ka pū ma ke kūlanakauhale, a pīhoihoi ʻole nā kānaka? He ʻino anei ma loko o ke kūlanakauhale, ʻaʻole na Iēhova ia i hana?

ZEPANIA 1:16

He lā o ka pū kani a me ka hoʻokani ʻana, E kūʻē i nā kūlanakauhale i puni i ka pā, A ma nā hale kiaʻi kiʻekiʻe.

KA BUKE ʻAHĀ A MOSE, I KAPA ʻIA NĀ HELU 31:6

Hoʻouna akula ʻo Mose iā lākou i ke kaua, i hoʻokahi tausani o ka ʻohana hoʻokahi, iā lākou a me Pinehasa ke keiki a ʻEleazara ke kahuna, me nā mea hoʻāno, a me nā pū e puhi aku ai ma kona lima, i ke kaua.

ʻO KA ʻEPISETOLE MUA A PAULO KA LUNAʻŌLELO I KO KORINETO 14:8

Inā i kani maopopo ʻole ka pū, ʻo wai lā ka mea hoʻomākaukau iā ia iho no ke kaua?

KA BUKE ʻALIMA A MOSE, I KAPA ʻIA KĀNĀWAI LUA 20:1

¶ “Aia hele ʻoe e kaua aku i kou poʻe ʻenemi, a ʻike aku i nā lio a me nā hale kaʻa, a i nā kānaka he nui aku i kou, mai makaʻu iā lākou; no ka mea, me ʻoe nō ʻo Iēhova ʻo kou Akua, nāna ʻoe i lawe mai nei mai ka ʻāina ʻo ʻAigupita mai.

KA BUKE A IOSUA 6:5

“A hiki i ka wā e puhi lōʻihi ai lākou i ke kiwi hipa, a lohe ʻoukou i ke kani ʻana o ua mau pū nei, a laila, e hoʻōho nā kānaka a pau i ka hoʻōho nui. A laila e hiolo loa i lalo ka pā o ua kūlanakauhale lā, a e piʻi nō kēlā kanaka kēia kanaka ma kona alo iho.”

KA BUKE NO NĀ LUNA KĀNĀWAI 10:12

“Hoʻokaumaha mai nō hoʻi ʻo ko Zidona iā ʻoukou, a me kā ʻAmeleka, a me kā Maona, a hea mai ʻoukou iaʻu, a hoʻōla mai au iā ʻoukou, mai ko lākou lima mai.

KA BUKE NO NĀ LUNA KĀNĀWAI 10:8

Ia kau, hōʻino maila lākou, a hoʻokaumaha loa i nā mamo a ʻIseraʻela, he ʻumikumamāwalu makahiki, i nā mamo a pau a ʻIseraʻela, ma ia ʻaoʻao o Ioredane, ma ka ʻāina o kā ʻAmora, ʻo ia hoʻi ma Gileada.

KA BUKE NO NĀ LUNA KĀNĀWAI 2:18

A i ka wā i hoʻāla mai ai ʻo Iēhova i nā luna kānāwai no lākou, a laila, noho pū ʻo Iēhova me ka luna kānāwai, a hoʻōla nō ia iā lākou, mai ka lima aʻe o ko lākou poʻe ʻenemi, i nā lā a pau o ia luna kānāwai; no ka mea, minamina ʻo Iēhova, no ko lākou kaniʻuhū ʻana i ka hoʻopilikia ʻia, a me ka hoʻokaumaha ʻia mai.

KA BUKE NO NĀ LUNA KĀNĀWAI 3:27

A hiki akula ia, puhi ihola ia i ka pū ma nā mauna ʻo ʻEperaima, a iho pū akula nā mamo a ʻIseraʻela me ia, mai ka mauna mai, a ʻo ia ma ko lākou alo.

KA BUKE NO NĀ LUNA KĀNĀWAI 6:34

Uhi maila ka ʻUhane o Iēhova ma luna o Gideona, a puhi ihola ia i ka pū, a ʻākoakoa maila ka ʻAbiezera ma muli ona.

KA BUKE NO NĀ LUNA KĀNĀWAI 6:9

hoʻopakele aʻe au iā ʻoukou, mai ka lima aʻe o ko ʻAigupita, a mai ka lima aku o ka poʻe a pau i hoʻoluhi hewa mai iā ʻoukou, a kipaku akula au iā lākou, mai ko ʻoukou alo aku, a hāʻawi akula au i ko lākou ʻāina no ʻoukou.

KA BUKE MUA A SAMUʻELA 10:18

ʻĪ akula i nā mamo a ʻIseraʻela, “Pēnēia ka ʻōlelo a Iēhova ke Akua o kā ʻIseraʻela, ‘Ua lawe mai nei au i kā ʻIseraʻela mai ʻAigupita mai, a ua hoʻopakele iā ʻoukou i ka lima o ko ʻAigupita, a i ka lima o ko nā aupuni a pau, a me ka poʻe i hoʻoluhi iā ʻoukou.’