KA BUKE ʻAHĀ A MOSE, I KAPA ʻIA NĀ HELU 1:54 - Ka Baibala Hemolele

⁵⁴ A hana ihola nā mamo a ʻIseraʻela e like me nā mea a pau a Iēhova i kauoha mai ai iā Mose, pēlā lākou i hana ai.

KA BUKE ʻAHĀ A MOSE, I KAPA ʻIA NĀ HELU 1:54 Iomraidhean Croise

KA BUKE ʻALUA A MOSE, I KAPA ʻIA PUKA ʻANA 12:28

Hele akula nā mamo a ʻIseraʻela, hana ihola e like me ka mea a Iēhova i kauoha mai ai iā Mose lāua ʻo ʻAʻarona, pēlā lākou i hana ai.

KA BUKE ʻALUA A MOSE, I KAPA ʻIA PUKA ʻANA 39:32

¶ A paʻa ihola ka hana a pau o ka halelewa, ka hale lole hoʻi o ke anaina kanaka. A hana ihola nā mamo a ʻIseraʻela, e like me nā mea a pau a Iēhova i kauoha mai ai iā Mose, pēlā lākou i hana ai.

KA BUKE ʻALUA A MOSE, I KAPA ʻIA PUKA ʻANA 39:43

A mākaʻikaʻi aʻela ʻo Mose i ka hana a pau, aia hoʻi, ua hana lākou ia e like me kā Iēhova i kauoha mai ai, pēlā nō lākou i hana ai. A hoʻomaikaʻi aʻela ʻo Mose iā lākou.

KA BUKE ʻALUA A MOSE, I KAPA ʻIA PUKA ʻANA 40:16

Pēlā ʻo Mose i hana ai: e like me nā mea a pau a Iēhova i kauoha mai ai iā ia, pēlā nō ia i hana ai.

KA BUKE ʻALUA A MOSE, I KAPA ʻIA PUKA ʻANA 40:32

A iā lākou i komo ai i loko o ka hale lole o ke anaina kanaka, a iā lākou i hoʻokokoke ai i ke kuahu, holoi nō lākou; me kā Iēhova i kauoha mai ai iā Mose.

KA BUKE ʻAHĀ A MOSE, I KAPA ʻIA NĀ HELU 1:19

E like me kā Iēhova i kauoha mai ai iā Mose, pēlā nō ʻo ia i helu ai iā lākou ma ka wao nahele ʻo Sinai.

KA BUKE ʻAHĀ A MOSE, I KAPA ʻIA NĀ HELU 1:53

“Akā, ʻo nā Levi, e hoʻomoana lākou ma ka halelewa o ke Kānāwai a puni, i kau ʻole mai ai ka inaina ma luna iho o ke anaina kanaka o nā mamo a ʻIseraʻela; a na nā Levi e mālama i ka ʻoihana o ka halelewa o ke Kānāwai.”

KA BUKE ʻAHĀ A MOSE, I KAPA ʻIA NĀ HELU 2:1

¶ ʻŌlelo maila ʻo Iēhova iā Mose a iā ʻAʻarona, ʻī maila,

KA BUKE ʻAHĀ A MOSE, I KAPA ʻIA NĀ HELU 2:34

A hana ihola nā mamo a ʻIseraʻela e like me nā mea a pau a Iēhova i kauoha mai ai iā Mose; pēlā lākou i hoʻomoana ai ma ko lākou mau hae, a pēlā hoʻi lākou i hele aku ai, ʻo kēlā mea kēia mea ma muli o ko lākou mau ʻohana, e like me ko ka hale o ko lākou poʻe kūpuna.

KA BUKE ʻAHĀ A MOSE, I KAPA ʻIA NĀ HELU 36:10

¶ E like me kā Iēhova i kauoha mai ai iā Mose, pēlā nō i hana iho ai nā kaikamāhine a Zelopehada.

KA BUKE ʻAHĀ A MOSE, I KAPA ʻIA NĀ HELU 8:20

¶ A ʻo Mose me ʻAʻarona a me ke anaina a pau o nā mamo a ʻIseraʻela, hana akula lākou i nā Levi e like me nā mea a pau a Iēhova i kauoha mai ai iā Mose no nā Levi; pēlā nō i hana aku ai nā mamo a ʻIseraʻela iā lākou.

KA BUKE ʻAHĀ A MOSE, I KAPA ʻIA NĀ HELU 9:22

Inā hoʻi i noho ke ao ma luna o ka halelewa i nā lā ʻelua, i ka malama paha, a i ka makahiki paha, e kau ana ma laila, noho ihola nā mamo a ʻIseraʻela i loko o ko lākou mau hale lole, ʻaʻole lākou i hele; aia i ka wā i piʻi aʻe ia, hele lākou.

KA BUKE ʻAHĀ A MOSE, I KAPA ʻIA NĀ HELU 9:5

A mālama nō lākou i ka Mōliaola i ka lā ʻumikumamāhā o ka malama mua, i ke ahiahi, ma ka wao nahele ʻo Sinai; e like me nā mea a pau a Iēhova i kauoha mai ai iā Mose, pēlā nā mamo a ʻIseraʻela i hana ai.

KA ʻEUANELIO I KĀKAU ʻIA AI E MATAIO 28:20

e aʻo aku ana iā lākou e mālama i nā mea a pau aʻu i kauoha aku ai iā ʻoukou. Aia hoʻi, ʻo wau nō me ʻoukou i nā manawa a pau, a hiki i ka hopena o kēia ao. ʻĀmene.”

KA BUKE ʻALIMA A MOSE, I KAPA ʻIA KĀNĀWAI LUA 12:32

¶ “ʻO ka mea a pau aʻu e kauoha aku nei iā ʻoukou, ʻo kā ʻoukou ia e mālama pono ai; mai hōʻoi aku, ʻaʻole hoʻi e hoʻēmi iho ia mea.

KA BUKE MUA A SAMUʻELA 15:22

ʻĪ akula ʻo Samuʻela, “Ua like anei ka ʻoluʻolu o Iēhova i nā mōhai kuni, a i nā ʻālana, Me ka hoʻolohe ʻana i ka leo o Iēhova? Aia hoʻi, ua ʻoi aku ka pono o ka hoʻolohe ʻana, ma mua o ka mōhai, A ʻo ka maliu ʻana, ma mua o ka momona o nā hipa kāne.