KA BUKE ʻAHĀ A MOSE, I KAPA ʻIA NĀ HELU 1:53 - Ka Baibala Hemolele

⁵³ “Akā, ʻo nā Levi, e hoʻomoana lākou ma ka halelewa o ke Kānāwai a puni, i kau ʻole mai ai ka inaina ma luna iho o ke anaina kanaka o nā mamo a ʻIseraʻela; a na nā Levi e mālama i ka ʻoihana o ka halelewa o ke Kānāwai.”

KA BUKE ʻAHĀ A MOSE, I KAPA ʻIA NĀ HELU 1:53 Iomraidhean Croise

KA BUKE MUA O KA ʻOIHANA ALIʻI 23:32

i mālama ai lākou i ke kauoha no ka halelewa o ke anaina, a me ke kauoha no kahi hoʻāno, a me ke kauoha no nā keiki a ʻAʻarona ko lākou poʻe hoahānau, ma ka ʻoihana o ka hale o Iēhova.

KA BUKE ʻALUA O KA ʻOIHANA ALIʻI 13:10

“Akā, ʻo mākou nei, ʻo Iēhova, ʻo ia ko mākou Akua, ʻaʻole mākou i haʻalele iā ia; a ʻo nā kāhuna, ka poʻe kauā na Iēhova, ʻo ka poʻe mamo lākou a ʻAʻarona, a ʻo nā Levi, e hana ana lākou i kā lākou ʻoihana iho.

KA BUKE ʻALUA O KA ʻOIHANA ALIʻI 13:11

“Kukuni lākou i kēlā kakahiaka i kēia kakahiaka, i kēlā ahiahi i kēia ahiahi, i nā mōhai kuni na Iēhova, a me nā mea poni ʻala; a hoʻonoho lākou ma luna o ka papa ʻaina maʻemaʻe i ka berena hōʻike, a me ka ipukukui gula e ʻaʻā ana kona mau manamana i kēlā ahiahi kēia ahiahi; no ka mea, e mālama ana mākou i ka ʻoihana na Iēhova, ko mākou Akua; akā, ʻo ʻoukou lā, ua haʻalele iā ia.

KA WĀNANA A IEREMIA 23:15

“No laila, penei ka ʻōlelo ʻana mai a Iēhova o nā kaua, no nā kāula; ‘Aia hoʻi, e hānai aku au iā lākou i ka lāʻau ʻawaʻawa, A e hoʻohāinu aku au iā lākou i ka wai o ke au; No ka mea, mai nā kāula o Ierusalema aku I hele aku ai ka ʻaiā, a i ka ʻāina a pau.’”

KA WĀNANA A IEREMIA 5:31

“Wānana wahaheʻe mai nā kāula, A ma o lākou lā i noho aliʻi ai nā kāhuna; A ua makemake koʻu poʻe kānaka ia mea; A pehea hoʻi ʻoukou e hana ai i ka hopena o ia mea?

KA BUKE ʻAKOLU A MOSE, I KAPA ʻIA ʻOIHANA KAHUNA 10:6

ʻŌlelo akula hoʻi ʻo Mose iā ʻAʻarona, a me ʻEleazara, a me ʻItamara, kāna mau keiki, “Mai wehe aʻe i ko ʻoukou mau poʻo, ʻaʻole hoʻi e uhae i ko ʻoukou mau kapa, o make ʻoukou, a kau mai ka inaina ma luna o ka poʻe kānaka a pau; akā, e uē ko ʻoukou poʻe hoahānau, ka ʻohana a pau o ʻIseraʻela, i ka ʻaʻā ʻana a Iēhova i kuni iho ai.

KA BUKE ʻAHĀ A MOSE, I KAPA ʻIA NĀ HELU 1:50

“Akā, e hoʻonoho ʻoe i nā Levi ma luna o ka halelewa o ke Kānāwai, a ma luna hoʻi o nā ipu a pau o loko, a ʻo nā mea a pau o ia wahi: e halihali lākou i ka halelewa, a me kāna mau ipu a pau; a e lawelawe lākou nāna, a e hoʻomoana lākou a puni ka halelewa.

KA BUKE ʻAHĀ A MOSE, I KAPA ʻIA NĀ HELU 1:54

A hana ihola nā mamo a ʻIseraʻela e like me nā mea a pau a Iēhova i kauoha mai ai iā Mose, pēlā lākou i hana ai.

KA BUKE ʻAHĀ A MOSE, I KAPA ʻIA NĀ HELU 16:46

ʻĪ akula ʻo Mose iā ʻAʻarona, “E lawe ʻoe i wahi ipu kuni ʻala, a e hahao i ke ahi ma loko mai luna mai o ke kuahu, e kau hoʻi i ka mea ʻala ma luna, a e hele koke aku i ke anaina kanaka, a e hoʻokalahala no lākou; no ka mea, ua hele akula ka inaina mai o Iēhova aku; ua hoʻomaka ʻia ke ahulau.”

KA BUKE ʻAHĀ A MOSE, I KAPA ʻIA NĀ HELU 16:9

he mea ʻuʻuku anei iā ʻoukou, i hoʻokaʻawale aʻe ke Akua o kā ʻIseraʻela iā ʻoukou mai ke anaina kanaka o kā ʻIseraʻela mai, e hoʻokokoke aku iā ʻoukou i ona lā, e hana i ka hana ma ka halelewa o Iēhova, a e kū i mua o ke anaina kanaka, e lawelawe na lākou?

KA BUKE ʻAHĀ A MOSE, I KAPA ʻIA NĀ HELU 17:7

A waiho akula ʻo Mose i nā koʻokoʻo i mua o Iēhova, ma loko o ka halelewa o ke kānāwai.

KA BUKE ʻAHĀ A MOSE, I KAPA ʻIA NĀ HELU 2:17

¶ “A laila e neʻeneʻe aku ka halelewa o ke anaina, me ka poʻe hoʻomoana o nā Levi, i waenakonu o ka poʻe hoʻomoana; e like me ko lākou hoʻomoana ʻana, pēlā nō lākou e neʻeneʻe aku ai, ʻo kēlā kanaka kēia kanaka ma kona wahi ma ko lākou hae.

KA BUKE ʻAHĀ A MOSE, I KAPA ʻIA NĀ HELU 3:23

A e hoʻomoana nā ʻohana o kā Geresona ma hope o ka halelewa ma ka ʻaoʻao komohana.

KA BUKE ʻAHĀ A MOSE, I KAPA ʻIA NĀ HELU 3:29

E hoʻomoana nā ʻohana a nā keiki a Kohata ma ka ʻaoʻao hema o ka halelewa.

KA BUKE ʻAHĀ A MOSE, I KAPA ʻIA NĀ HELU 3:35

A ʻo ka luna o ko ka hale o ka makua nāna nā ʻohana o Merari, ʻo ia ʻo Zuriʻela ke keiki a ʻAbihaila; e hoʻomoana lākou ma ka ʻaoʻao ʻākau o ka halelewa.

KA BUKE ʻAHĀ A MOSE, I KAPA ʻIA NĀ HELU 3:38

¶ Akā, ʻo ka poʻe hoʻomoana ma ke alo o ka halelewa, ma ka ʻaoʻao hikina, i mua o ka halelewa anaina ma ka hikina, ʻo ia ʻo Mose a me ʻAʻarona a me kāna mau keiki, i mea e mālama ai i ke keʻena kapu, no ka ʻoihana a nā mamo a ʻIseraʻela; a ʻo ke kanaka ʻē ke hele mai a kokoke, e make nō ia.

KA BUKE ʻAHĀ A MOSE, I KAPA ʻIA NĀ HELU 31:30

“A no loko mai o ka hapalua no nā mamo a ʻIseraʻela, kāu e lawe aku ai i hoʻokahi hapa kanalima o nā kānaka, ʻo nā bipi, ʻo nā hoki, ʻo nā hipa, a ʻo nā holoholona a pau, a e hāʻawi aku ia mau mea na nā Levi, na ka poʻe e mālama ana i ka ukana o ka halelewa no Iēhova.”

KA BUKE ʻAHĀ A MOSE, I KAPA ʻIA NĀ HELU 31:47

a lawe akula ʻo Mose i hoʻokahi hapa kanalima, no loko mai o ka hapalua a nā mamo a ʻIseraʻela, i nā kānaka a me nā holoholona, a hāʻawi aku iā lākou na ka poʻe Levi, ka poʻe i mālama i ka ukana o ka halelewa o Iēhova; e like me kā Iēhova i kauoha mai iā Mose.

KA BUKE ʻAHĀ A MOSE, I KAPA ʻIA NĀ HELU 8:19

“A ua hāʻawi aku au i nā Levi i haʻawina no ʻAʻarona a no kāna mau keiki, mai waena o nā mamo a ʻIseraʻela, e hana i ka hana a ka poʻe mamo a ʻIseraʻela ma ka halelewa anaina, a e hoʻokalahala no nā mamo a ʻIseraʻela, i ʻole e luku ʻia nā mamo a ʻIseraʻela, i ka wā e hele mai ai nā mamo a ʻIseraʻela a kokoke i ke keʻena kapu.”

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 4:2

e haʻi aku ʻoe i ka ʻōlelo; e hoʻoikaika i kēlā manawa a i kēia manawa; e hoʻākāka aku, e pāpā aku, e paipai aku, me ke ahonui wale, a me ke aʻo ʻana aku.

KA BUKE MUA A SAMUʻELA 6:19

¶ A luku mai ia i nā kānaka o Bete Semesa; no ka mea, ua nānā lākou i loko o ka pahu o Iēhova, luku mai ia i nā kānaka, he kanalima nō tausani, a he kanahiku kānaka ia. Auē nā kānaka, no kā Iēhova pepehi ʻana mai i nā kānaka me ka luku nui.