NAHUMA 2:8 - Ka Baibala Hemolele

⁸ ¶ A ua like ʻo Nineva me he kiʻo wai lā, mai ka manawa ma mua mai; Akā, e holo aku nō lākou. “E kū ʻoukou, e kū!” ʻAʻohe mea e nānā i hope.

NAHUMA 2:8 Iomraidhean Croise

KA BUKE MUA A MOSE, I KAPA ʻIA KINOHI 10:11

Ma ia ʻāina aku i hele aku ai ʻo ʻAsura, a kūkulu ihola iā Nineva, a me ke kūlanakauhale ʻo Rehobota a me Kala,

KA WĀNANA A ʻISAIA 13:14

E like ana hoʻi ia me ka dia i hahai ʻia, Me nā hipa hoʻi, ʻaʻohe mea nāna lākou e hōʻiliʻili. E huli nō kēlā mea kēia mea i kona poʻe kānaka iho, E holo nō kēlā mea kēia mea i kona ʻāina iho.

KA WĀNANA A ʻISAIA 38:14

“E like me ka manu ʻū, a me ka manu ʻioʻio, Pēlā nō wau i ʻioʻio ai. Kaniʻuhū nō wau e like me ka manu nūnū; Maʻule hoʻi koʻu mau maka i ka nānā ʻana i luna; E ka Haku, ua pilikia au, e kōkua mai ʻoe iaʻu.

KA WĀNANA A ʻISAIA 47:13

“Ua luhi nō ʻoe i ka nui loa o kou kūkākūkā ʻana; E kū mai ʻānō nā kilo lani, a me nā kilokilo hōkū, a me nā mea haʻi ʻōuli ma ka malama, A e hoʻōla hoʻi iā ʻoe, mai ka mea e hiki mai ana ma luna ou.

KA WĀNANA A ʻISAIA 48:20

¶ Ō haele ʻoukou ma waho o Babulona, E holo ʻoukou, mai ko Kaledea aku, Me ka leo o ke ʻoli, e haʻi aku, e hoʻokaulana i kēia, E hoʻolaha aku a i nā kūkulu o ka honua; E ʻī aku, “Ua hoʻōla pānaʻi ʻo Iēhova i kā Iakoba, kāna kauā.”

KA WĀNANA A ʻISAIA 59:11

Uō nō mākou a pau, e like me nā bea, A kaniʻuhū nui nō hoʻi, e like me nā manu nūnū. Kakali nō mākou i ka hoʻopono, ʻaʻole hoʻi, A i ke ola hoʻi, a ua mamao aku ia mai o mākou aku.

KA WĀNANA A IEREMIA 46:5

“No ke aha lā wau i ʻike aku ai iā lākou ua makaʻu a hoʻi hope? Ua hahau ʻia nā mea ikaika o lākou, A ua heʻe loa, ʻAʻole i nānā i hope; Puni lākou i ka makaʻu,” wahi a Iēhova.

KA WĀNANA A IEREMIA 47:3

“No ka halulu o ka hahi ʻana o nā māiʻuʻu o kona mau lio, A no ka holo ikaika ʻana o kona mau kaʻa kaua, A me ke kani ʻana o kona mau kaʻa, ʻAʻole e nānā i hope nā mākua kāne i nā keiki, No ka nāwaliwali o nā lima.

KA WĀNANA A IEREMIA 50:16

“E hōʻoki aku i ka mea lūlū hua, mai Babulona aku, A me ka mea lawelawe i ka pahi ʻoki palaoa i ka manawa hōʻiliʻili ʻai. E huli nō ke kanaka i kona poʻe iho, mai ka maka aku o ka pahi kaua luku, A e holo nō ke kanaka i kona ʻāina iho.

KA WĀNANA A IEREMIA 51:13

E ka mea e noho lā ma nā wai nui, Ka mea waiwai nui hoʻi, Ua hiki mai kou hope, a me ke ana o kou hao ʻana.

KA WĀNANA A IEREMIA 51:30

Ua haʻalele nā kanaka ikaika o Babulona i ke kaua, Ua noho lākou ma nā puʻu kaua; Ua pio hoʻi ko lākou ikaika, Ua like nō hoʻi lākou me nā wāhine; Ua hoʻopau lākou i ko lākou wahi noho i ke ahi, Ua uhaʻi ʻia kona mau kī kaola.

NAHUMA 1:1

¶ Ka ʻōlelo no Nineva. ʻO ka buke o ka wānana a Nahuma, no ʻElekosa,

NAHUMA 3:17

Ua like kou poʻe aliʻi me nā ʻūhini, A ʻo kou poʻe luna koa e like me nā ʻūhini nui loa, Ka mea e kau ana ma ka pā pōhaku i ka lā anu, A puka mai ka lā, lele aku lākou, ʻAʻole i ʻike ʻia ko lākou wahi.

KA HŌʻIKE ʻANA A IOANE KA HAIPULE 17:1

¶ Hele maila kekahi o nā ʻānela ʻehiku, iā lākou nā hue ʻehiku, a kamaʻilio mai iaʻu, ʻī maila, “Hele mai; naʻu nō e hōʻike aku iā ʻoe i ke ʻāhewa ʻia o ka wahine hoʻokamakama nui e noho ana ma luna o nā wai nui.

KA HŌʻIKE ʻANA A IOANE KA HAIPULE 17:15

ʻĪ maila kēlā iaʻu, “ʻO nā wai āu i ʻike ai, ʻo kahi noho ai a ka wahine hoʻokamakama, ʻo ia nā lāhui kanaka, a me nā lehulehu, a me nā aupuni, a me nā ʻōlelo.