NAHUMA 2:4 - Ka Baibala Hemolele

⁴ A e holo kikī nā hale kaʻa ma nā alanui; Holo lākou ma ʻō ma ʻō, ma nā ala pālahalaha, Like ko lākou ʻike ʻia ʻana me nā lamakū, A holo lākou me he uila lā.

NAHUMA 2:4 Iomraidhean Croise

NĀ ʻŌLELO AKAMAI A SOLOMONA 31:21

ʻAʻole ona makaʻu e anu ko kona hale; No ka mea, pau ko kona hale i ke komo kapa ʻulaʻula.

KA WĀNANA A ʻISAIA 37:24

“Ua hoʻowahāwahā ʻoe i ka Haku ma kāu mau kauā, i ka ʻī ʻana mai, ‘No ka lehulehu o nā kaʻa kaua oʻu, Ua piʻi aku nō wau i kahi kiʻekiʻe o nā mauna, I nā ʻaoʻao hoʻi o Lebanona; E kua aku nō wau i ko laila mau lāʻau kedera kiʻekiʻe, A me ko laila mau lāʻau kaʻa maikaʻi; A e komo aku nō wau i kona wahi kiʻekiʻe, A i ka wēlau o kahi nāhelehele o kona mahina ʻai.

KA WĀNANA A ʻISAIA 66:15

No ka mea, aia hoʻi, e hele mai nō ʻo Iēhova me ke ahi, A me kona mau kaʻa kaua, e like me ka puahiohio, E hoʻihoʻi mai i kona huhū me ka ukiuki, A me kona pāpā ʻana, me nā lapalapa o ke ahi.

KA WĀNANA A IEREMIA 4:13

“Aia hoʻi, e piʻi mai nō ia e like me nā ao, A e like auaneʻi kona mau kaʻa kaua me ka puahiohio; Ua ʻoi aku ka māmā o kona mau lio ma mua o ko nā ʻaeto. Auē kākou; no ka mea, ua ʻānai ʻia kākou!”

KA WĀNANA A IEREMIA 46:9

E piʻi mai, e nā lio, e holo ikaika hoʻi, e nā kaʻa kaua; E hele mai nā kānaka ikaika, ʻO ko ʻAitiopa, a me ko Libua, ka poʻe lawelawe i ka pale kaua, A me kā Luda, ʻo ka poʻe i lawelawe, a lena ke kakaka.

KA WĀNANA A ʻEZEKIʻELA 23:24

‘A e hele kūʻē mai lākou iā ʻoe me nā kaʻa kaua, a me nā kaʻa waiwai, a me nā huila, a me ke anaina kanaka, e hoʻonoho kūʻē iā ʻoe i ka pale kaua, i ka pale umauma, a me ka mahiole a puni; a e hoʻonoho aku au i ka hoʻopaʻi ʻana i mua o lākou, a e hoʻopaʻi aku lākou iā ʻoe ma muli o ko lākou hoʻopaʻi ʻana.

KA WĀNANA A ʻEZEKIʻELA 26:10

‘No ka nui o kona mau lio, e uhi mai ko lākou lepo ma luna ou; i ke kamumu ʻana o nā hoʻoholo lio, a me nā huila, a me nā kaʻa, e haʻalulu ai kou mau pā, i kona komo ʻana aʻe i loko o kou mau ʻīpuka, e like me ke komo ʻana o nā kānaka i ke kūlanakauhale i wāhi ʻia.

KA WĀNANA A ʻEZEKIʻELA 26:7

¶ “No ka mea, ke ʻōlelo mai nei ʻo Iēhova ka Haku, penei, ‘Eia hoʻi, e alakaʻi ana au iā Nebukaneza, ke aliʻi o Babulona, ke aliʻi o nā aliʻi, e kūʻē iā Turo, mai ke kūkulu ʻākau mai, me nā lio, a me nā kaʻa, a me nā hoʻoholo lio, a me nā anaina, a me nā kānaka he nui wale.

KA BUKE NO DANIʻELA 11:40

¶ “A i ka wā ma hope e pahu aku nō ke aliʻi o ka Hema iā ia; a e hele mai nō hoʻi ke aliʻi o ka ʻĀkau me he puahiohio lā, e kūʻē mai iā ia me nā kaʻa kaua, a me nā hoʻoholo lio, a me nā moku he nui loa; a e komo ia i loko o nā ʻāina, a e hālana e hele aku ma kēlā ʻaoʻao.