NAHUMA 1:4 - Ka Baibala Hemolele

⁴ Pāpā aku nō ia i ke kai, a hoʻomaloʻo ihola ia mea, A hoʻomaloʻo iho i nā muliwai a pau; Ua mae ʻo Basana, a me Karemela; A ua mae ka pua o Lebanona.

NAHUMA 1:4 Iomraidhean Croise

KA BUKE MUA A MOSE, I KAPA ʻIA KINOHI 8:1

¶ Hoʻomanaʻo ihola ʻo Iēhova iā Noa, a me nā mea ola a pau, a me nā holoholona a pau me ia i loko o ka hale lana; hoʻohuaʻi maila ke Akua i ka makani ma luna o ka honua, a emi ihola ka wai.

KA BUKE ʻALUA A SAMUʻELA 22:16

“A laila ua ʻikea nā kaha o ke kai, Ua hōʻike ʻia mai nō hoʻi nā kumu o ka honua, I ka pāpā ʻana mai o Iēhova, I ka nou ʻana mai o ka hanu o kona mau puka ihu.

KA BUKE NO IOBA 38:11

“A ua ʻī aku, ‘Ma ʻaneʻi ʻoe e hele mai ai, ʻaʻole aku; Ma ʻaneʻi hoʻi e hoʻopale ʻia kou mau nalu kiʻekiʻe!’

KA BUKE O NĀ HALELŪ 104:7

I kou pāpā ʻana, holo nō lākou; I ka leo o kou hekili, ʻauheʻe akula lākou.

KA BUKE O NĀ HALELŪ 106:9

Pāpā maila ʻo ia i ke Kai ʻUla, a maloʻo ihola ia; Alakaʻi aʻela ʻo ia iā lākou ma ka hohonu me he nāhelehele lā.

KA BUKE O NĀ HALELŪ 114:3

¶ ʻIke maila ke kai, a holo akula; A huli hope ʻo Ioredane.

KA BUKE O NĀ HALELŪ 114:5

He aha kāu, e ke kai, i holo aku ai ʻoe? E Ioredane hoʻi, i hoʻohuli ʻia ai ʻoe i hope?

KA BUKE O NĀ HALELŪ 18:16

¶ Ua kiʻi maila ʻo ia mai luna mai, ua lawe aʻe hoʻi iaʻu, Ua unuhi akula ʻo ia iaʻu mai loko o nā wai nui.

KA BUKE O NĀ HALELŪ 74:15

Hoʻokaʻawale aʻela ʻoe i ke kumu wai me ka muliwai; Hoʻomaloʻo ihola ʻoe i nā waikahe ikaika.

KA WĀNANA A ʻISAIA 33:9

Ua uē ka ʻāina, ua kanikau hoʻi; Ua hilahila ʻo Lebanona, ua mae wale; Ua like ʻo Sārona me ka wao nahele; Lūlū iho ʻo Basana, a me Karemela i nā lau.

KA WĀNANA A ʻISAIA 42:15

“E ʻānai aku au i nā kuahiwi, a me nā puʻu, A e hoʻomaloʻo aku nō au i ko lākou lau nahele a pau; E hoʻolilo wau i ko lākou muliwai i wahi maloʻo, A e hoʻomaloʻo nō hoʻi au i ko lākou loko.

KA WĀNANA A ʻISAIA 44:27

“Ka Mea i ʻōlelo i ka hohonu, ‘E maloʻo ʻoe,’ A e hoʻomaloʻo nō wau i kou mau muliwai.

KA WĀNANA A ʻISAIA 51:10

ʻAʻole anei ʻoe ka Mea nāna i hoʻomaloʻo i ke kai? I nā wai hoʻi o ka hohonu nui? A hoʻolilo hoʻi i nā wahi hohonu o ke kai, I alanui e hele ai ka poʻe i hoʻōla pānaʻi ʻia?

KA WĀNANA A ʻEZEKIʻELA 30:12

“E hoʻomaloʻo aku au i nā Muliwai, A e kūʻai lilo aku i ka ʻāina i loko o ka lima o ka poʻe hewa; A e hoʻoneoneo aku au i ka ʻāina A me ko laila a pau Ma ka lima o nā malihini; naʻu na Iēhova i ʻōlelo aku.”

KA WĀNANA A ʻEZEKIʻELA 38:20

“E haʻalulu hoʻi ma kou alo nā iʻa o ke kai, nā manu hoʻi o ka lewa, nā holoholona hoʻi o ke kula, a me nā mea kolo a pau e kolo ana ma ka lepo, a me nā kānaka a pau e noho ana ma luna o ka honua, a e hoʻohiolo ʻia nā mauna i lalo, a e hiolo nō nā ala piʻi, a e hiolo nō nā pā a pau i lalo i ka lepo.

ʻAMOSA 1:2

A ʻī akula ia, “E uō mai ʻo Iēhova mai Ziona mai, A e hoʻopuka mai i kona leo mai Ierusalema mai; E uē nō nā wahi noho o nā kahu hipa, A e maloʻo ka piko o Karemela.”

ʻAMOSA 5:8

¶ E ʻimi i ka mea nāna i hana iā Peleiade a me ʻOriona, A hoʻolilo i ka malu o ka make i mālamalama, A hoʻopouli i ke ao a lilo i pō; Ka Mea e hoʻopiʻi ana i nā wai o ka moana, A ninini iho iā lākou ma luna o ka ʻili o ka honua: ʻO Iēhova kona inoa.

KA ʻEUANELIO I KĀKAU ʻIA AI E MATAIO 8:26

ʻĪ maila ʻo ia iā lākou, “He aha kā ʻoukou e makaʻu ai, e ka poʻe paulele kāpekepeke?” Kū aʻela ia i luna, pāpā akula ia i ka makani a me ka loko, a mālie loa ihola.

KA BUKE A IOSUA 3:16

a laila, kū mālie nō nā wai i kahe ma luna mai, a piʻi akula, a lilo i puʻu lōʻihi loa a hiki wale aku i ke kūlanakauhale i ʻAdama, e pili ana i Zaretana; a ʻo ka wai i kahe ma ke kai o ka pāpū, ʻo ia hoʻi ka Moana Kai, moku ihola ia a maloʻo; a hele akula nā kānaka i kēlā kapa, ma ke alo o Ieriko.