NAHUMA 1:3 - Ka Baibala Hemolele

³ Ua hoʻokaʻulua ʻo Iēhova i ka huhū, a he nui ka mana, ʻAʻole loa ia e kala wale aku; Aia nō ke ala o Iēhova, i loko o ka puahiohio, a me ka ʻino, A ʻo nā ao ka lepo o kona mau wāwae.

NAHUMA 1:3 Iomraidhean Croise

KA BUKE ʻALUA A SAMUʻELA 22:10

“Hoʻohaʻahaʻa ihola ʻo ia i nā lani, a iho maila Ma lalo aʻe o kona mau wāwae ka pouli.

KA BUKE A NEHEMIA 9:17

“Hōʻole aku lākou, ʻaʻole e hoʻolohe, ʻAʻole hoʻi lākou i hoʻomanaʻo i kāu mau hana kupanaha Āu i hana ai me lākou. Hōʻoʻoleʻa nō lākou i ko lākou ʻāʻī, A i ko lākou kipi ʻana, Koho ihola lākou i luna, I hoʻi aku ai lākou ma ko lākou hoʻokauā ʻana. Akā, ʻo ʻoe ke Akua, E kala ana i ka hala, He ʻoluʻolu a me ka lokomaikaʻi, He ahonui a me ke aloha nui, No laila, ʻaʻole ʻoe i haʻalele iā lākou.

KA BUKE NO IOBA 10:14

‘Inā e hana hewa au, a laila hoʻomanaʻo mai nō ʻoe iaʻu, ʻAʻole ʻoe e kala mai iaʻu, mai koʻu hewa aku.

KA BUKE NO IOBA 38:1

¶ A laila ʻōlelo mai ʻo Iēhova iā Ioba mai loko mai o ka puahiohio, ʻī maila,

KA BUKE NO IOBA 9:4

“He akamai ia ma ka naʻau, a ua nui ka ikaika; ʻO wai lā ka mea hoʻopaʻakikī kūʻē iā ia, a ua pōmaikaʻi?

KA BUKE O NĀ HALELŪ 103:8

He lokomaikaʻi ʻo Iēhova, he aloha hoʻi, He lohi ka huhū, a ua nui hoʻi ke aloha.

KA BUKE O NĀ HALELŪ 104:3

Ua hana nō ʻo ia i kona mau keʻena kiʻekiʻe ma nā wai; Ua kau aku nō hoʻi i nā ao ma luna i kaʻa mau nona; A ua holoholo me nā ʻēheu o ka makani.

KA BUKE O NĀ HALELŪ 145:8

¶ He aloha, a he lokomaikaʻi ʻo Iēhova; He lohi ma ka huhū, a nui wale hoʻi kona aloha.

KA BUKE O NĀ HALELŪ 147:5

He nui nō ko kākou Haku, a ua nui hoʻi kona ikaika; A he mea hiki ʻole ke haʻi aku i kona ʻike.

KA BUKE O NĀ HALELŪ 50:3

E hele mai ana nō ko kākou Akua, ʻaʻole e noho wale; E ʻai nō hoʻi ke ahi i mua ona, A e ikaika mai ka ʻino a puni ia.

KA BUKE O NĀ HALELŪ 62:11

¶ Hoʻokahi ʻōlelo ʻana a ke Akua; ʻElua koʻu hoʻolohe ʻana i kēia, no ke Akua ka mana.

KA BUKE O NĀ HALELŪ 66:3

E ʻōlelo aku i ke Akua, “Nani kou kupaianaha i kāu hana ʻana!” No ka nui o kou mana e hoʻolohe ai kou mau ʻenemi iā ʻoe.

KA WĀNANA A ʻISAIA 19:1

¶ Ka wānana no ʻAigupita. Aia hoʻi, ke holo lā ʻo Iēhova ma luna o ke ao māmā, A hele mai hoʻi ia i ʻAigupita. E haʻalulu auaneʻi nā akua kiʻi o ʻAigupita i mua o kona alo, E maʻule hoʻi ka naʻau o ko ʻAigupita i loko o lākou.

KA WĀNANA A ʻISAIA 29:6

E hele hoʻohikilele mai ʻo Iēhova o nā kaua iā ʻoe, Me ka hekili a me ke ōlaʻi, Me ka uwalaʻau nui, a me ka puahiohio, Me ka ʻino, a me ka lapalapa ahi e hoʻopau ana.

KA WĀNANA A ʻISAIA 66:15

No ka mea, aia hoʻi, e hele mai nō ʻo Iēhova me ke ahi, A me kona mau kaʻa kaua, e like me ka puahiohio, E hoʻihoʻi mai i kona huhū me ka ukiuki, A me kona pāpā ʻana, me nā lapalapa o ke ahi.

KA WĀNANA A IEREMIA 4:13

“Aia hoʻi, e piʻi mai nō ia e like me nā ao, A e like auaneʻi kona mau kaʻa kaua me ka puahiohio; Ua ʻoi aku ka māmā o kona mau lio ma mua o ko nā ʻaeto. Auē kākou; no ka mea, ua ʻānai ʻia kākou!”

KA BUKE NO DANIʻELA 7:13

¶ “A ʻike akula nō hoʻi au ma ka hihiʻo ʻana i ka pō, Aia hoʻi, kekahi ua like ia me ke Keiki a ke Kanaka E hele mai ana ma nā ao o ka lani, A hele mai nō ia i ka Makamua o nā Lā, A hoʻokokoke lākou iā ia i mua ona.

HOSEA 8:7

No ka mea, ua lūlū lākou i ka makani, A e ʻohi auaneʻi lākou i ka puahiohio; ʻAʻohe kino o ka ʻai e kū ana; ʻAʻole hoʻi e hua mai ka ʻōpuʻu i ka huapalaoa: Inā paha e hua mai, na ka poʻe malihini e hoʻopau ia mea.

IOʻELA 2:13

“A e haehae i ko ʻoukou naʻau, ʻaʻole i ko ʻoukou ʻaʻahu.” A e huli hou aʻe iā Iēhova i ko ʻoukou Akua; No ka mea, he lokomaikaʻi, a he aloha kona, Ua lohi mai ka inaina, A he aloha nui kona, A ua hoʻololi hou ia i ka manaʻo hoʻopaʻi.

IONA 4:2

A pule akula nō ia iā Iēhova, ʻī akula, “Ke noi aku nei au iā ʻoe, e Iēhova, ʻaʻole anei kēia kuʻu ʻōlelo, i kuʻu noho ʻana ma koʻu ʻāina? No laila i holo aku ai au ma mua i Taresisa; no ka mea, ua ʻike nō au he Akua ahonui ʻoe, a me ke aloha, e hākālia ana i ka huhū, a he lokomaikaʻi nui, a me ka haʻalele i ka manaʻo hoʻopaʻi.

ZEKARIA 9:14

A e ʻikea auaneʻi ʻo Iēhova ma luna o lākou, A e lele aku kona pua e like me ka uila; A e hoʻokani ʻo Iēhova ka Haku i ka pū, A e hele aku nō ia i loko o nā makani ʻino o ke kūkulu hema.

KA BUKE ʻAHĀ A MOSE, I KAPA ʻIA NĀ HELU 14:18

‘Ua ahonui ʻo Iēhova, a ua nui kona lokomaikaʻi, e kala ana i ka hewa a me ka lawehala ʻana, ʻaʻole loa hoʻi e hoʻāpono wale mai ana; e hoʻopaʻi ana naʻe i ko ka makua lawehala ma luna o nā keiki a hiki aku i ke kuakahi a me ke kualua.’

KA ʻEUANELIO I KĀKAU ʻIA AI E MATAIO 26:64

ʻŌlelo akula ʻo Iesū, “ʻO ia kāu i ʻōlelo mai. A ke ʻōlelo aku nei hoʻi au iā ʻoukou, ma hope aku nei, e ʻike nō ʻoukou i «ke Keiki a ke Kanaka e noho ana ma ka lima ʻākau o ka Mea Mana, a e hele mai ana ma luna o nā ao o ka lani».”

ʻO KA ʻEPISETOLE HOʻOLAHA A IAKOBO 1:19

¶ No ia mea, e oʻu poʻe hoahānau aloha, e hikiwawe ʻoukou ma ka lohe, e akahele hoʻi ma ka ʻōlelo ʻana aku, a e hoʻolohi hoʻi ma ka inaina aku;

KA HŌʻIKE ʻANA A IOANE KA HAIPULE 1:7

«Aia hoʻi ke hele maila ia me nā ao»; a e ʻike aku nā maka a pau iā ia, a ʻo ka poʻe hoʻi nāna ia i ʻō aku; a iā ia nō e uē ai nā ʻohana a pau o ka honua. ʻO ia, ʻĀmene.