KA ʻEUANELIO I KĀKAU ʻIA AI E MAREKO 8:2 - Ka Baibala Hemolele

² “Ke aloha aku nei au i ka ʻaha kanaka; no ka mea, ua noho pū iho nei lākou me aʻu, i nā lā ʻekolu, ʻaʻole hoʻi a lākou mea e pāʻina ai.

KA ʻEUANELIO I KĀKAU ʻIA AI E MAREKO 8:2 Iomraidhean Croise

KA BUKE MUA NO NĀ ALIʻI 19:6

Nānā aʻela hoʻi ia, aia hoʻi, kokoke i kona poʻo, he pōpō palaoa i hoʻomoʻa ʻia ma luna o ka lānahu, a he ʻōmole wai. ʻAi ihola ia a inu hoʻi, a moe hou ihola i lalo.

KA BUKE O NĀ HALELŪ 103:13

Me ka makua e aloha ana i kāna keiki, Pēlā nō ʻo Iēhova e aloha ai i ka poʻe e makaʻu aku iā ia.

KA BUKE O NĀ HALELŪ 145:15

Kakali nō nā maka o nā mea a pau iā ʻoe, A hāʻawi mai ʻoe i kā lākou ʻai i ka wā pono.

KA BUKE O NĀ HALELŪ 145:8

¶ He aloha, a he lokomaikaʻi ʻo Iēhova; He lohi ma ka huhū, a nui wale hoʻi kona aloha.

MIKA 7:19

E hoʻi hou mai nō ia, a e aloha mai nō ia iā kākou; A hehi i lalo nō ia i ko kākou mau hewa; A e hoʻolei aku ʻoe i ko lākou hewa a pau I loko o ka hohonu o ke kai.

KA ʻEUANELIO I KĀKAU ʻIA AI E MATAIO 14:14

A pae akula Iesū, ʻike akula ia i nā kānaka he nui loa, haʻehaʻe ke aloha iā lākou, a hoʻōla ihola ia i ko lākou poʻe maʻi.

KA ʻEUANELIO I KĀKAU ʻIA AI E MATAIO 20:34

Aloha akula ʻo Iesū, hoʻopā akula i ko lāua mau maka; ʻike koke aʻela ko lāua mau maka, a hahai akula lāua iā ia.

KA ʻEUANELIO I KĀKAU ʻIA AI E MATAIO 9:36

A ʻike maila ia i ka ʻaha kanaka, hū aʻela kona aloha iā lākou; no ka mea, ua māluhiluhi lākou, ua ʻauana hoʻi e like me nā hipa kahu ʻole.

KA ʻEUANELIO I KĀKAU ʻIA AI E MAREKO 1:41

Haʻehaʻe aʻela ko Iesū aloha, ʻō akula kona lima, a hoʻopā akula iā ia, ʻī aʻela, “Ua makemake au, e huikala ʻia ʻoe.”

KA ʻEUANELIO I KĀKAU ʻIA AI E MAREKO 5:19

ʻAʻole Iesū i ʻae, ʻī maila nō naʻe iā ia, “E hoʻi ʻoe i kou hale, i kou poʻe hoahānau, e haʻi aku iā lākou i nā mea nui a ka Haku i hana ai nou, a me kona lokomaikaʻi iā ʻoe.”

KA ʻEUANELIO I KĀKAU ʻIA AI E MAREKO 6:32

Holo kaʻawale akula lākou ma ka moku, a i kahi mehameha.

KA ʻEUANELIO I KĀKAU ʻIA AI E MAREKO 6:34

A hele aʻela Iesū i waho, ʻike maila ia i ka ʻaha kanaka he nui loa, haʻehaʻe ihola kona aloha iā lākou; no ka mea, ua like lākou me nā hipa kahu ʻole, a hoʻomaka ia e aʻo mai iā lākou i nā mea he nui.

KA ʻEUANELIO I KĀKAU ʻIA AI E MAREKO 8:3

“Inā e hoʻokuʻu aku au iā lākou i ko lākou hale me ka pōloli, e māʻuleʻule nō lākou ma ke alanui; no ka mea, mai kahi lōʻihi ka hele ʻana mai o kekahi poʻe o lākou.”

KA ʻEUANELIO I KĀKAU ʻIA AI E MAREKO 9:22

“Ua hoʻolei pinepine ʻia ʻo ia e ia, i loko o ke ahi, a i loko o ka wai, i make ia; akā hoʻi, inā e hiki iā ʻoe, e aloha mai ʻoe iā māua, a e kōkua mai hoʻi!”

KA ʻEUANELIO I KĀKAU ʻIA AI E LUKA 15:20

“A ʻeu aʻela ia a hele mai i kona makua kāne; a iā ia i kahi lōʻihi aku, ʻike akula kona makua kāne iā ia, hū aʻela kona aloha, holo akula ia, ʻapo akula i kona ʻāʻī, a honi akula iā ia.

KA ʻEUANELIO I KĀKAU ʻIA AI E LUKA 7:13

A ʻike ka Haku iā ia, hū aʻela kona aloha iā ia, ʻī maila ʻo ia iā ia, “Mai uē ʻoe.”

ʻO KA ʻEPISETOLE A PAULO KA LUNAʻŌLELO I KO HEBERA 2:17

No laila, ua pono e hoʻohālike loa ʻia ʻo ia me kona poʻe hoahānau, i lilo ai ia i kahuna nui aloha, a me ka hoʻopono ma nā mea no ke Akua, i hiki ai ia ka hoʻomalu ʻana no ka hewa o kānaka.

ʻO KA ʻEPISETOLE A PAULO KA LUNAʻŌLELO I KO HEBERA 4:15

No ka mea, ʻaʻole iā kākou ke Kahuna i aloha ʻole mai i ko kākou nāwaliwali; akā, ʻo kekahi i hoʻowalewale ʻia aku i nā mea a pau me kākou lā i hoʻowalewale ʻia mai ai, ʻaʻole hoʻi ona hala.

ʻO KA ʻEPISETOLE A PAULO KA LUNAʻŌLELO I KO HEBERA 5:2

E hiki nō iā ia ke lokomaikaʻi aku i ka poʻe naʻaupō, a me ka poʻe hele hewa; no ka mea, ʻo ia nō kekahi i hoʻopuni ʻia mai e ka nāwaliwali;