KA ʻEUANELIO I KĀKAU ʻIA AI E MAREKO 4:7 - Ka Baibala Hemolele

⁷ “A heleleʻi aʻela kekahi ma waena o nā kākalaioa; kupu maila nā kākalaioa, a kāhihi ihola ia mea; no laila, ʻaʻole i hua mai ka hua.

KA ʻEUANELIO I KĀKAU ʻIA AI E MAREKO 4:7 Iomraidhean Croise

KA WĀNANA A IEREMIA 4:3

¶ No ka mea, penei ka ʻōlelo ʻana mai a Iēhova i nā kānaka o kā Iuda, a me ko Ierusalema, “E waele ʻoukou i ko ʻoukou mahina ʻai, Mai kanu ʻoukou i waena o nā kākalaioa.

KA ʻEUANELIO I KĀKAU ʻIA AI E MATAIO 13:22

“ʻO ka mea i lūlū ʻia ma kahi kākalaioa, ʻo ia ka mea i lohe i ka ʻōlelo; a na ka manaʻo ʻana i nā mea o kēia ao, a me ka hoʻopunipuni ʻana o ka waiwai e kinai iho ka ʻōlelo, a lilo ia i mea hua ʻole.

KA ʻEUANELIO I KĀKAU ʻIA AI E MATAIO 13:7

“Akā heleleʻi ihola kekahi ma kahi kākalaioa, kupu aʻela ke kākalaioa a kāhihi akula ia mea.

KA ʻEUANELIO I KĀKAU ʻIA AI E MATAIO 13:8

“Akā heleleʻi ihola hoʻi kekahi ma ka lepo maikaʻi, a hua maila i ka hua, he pāhaneri kā kekahi, he pākanaono kā kekahi, a he pākanakolu kā kekahi.

KA ʻEUANELIO I KĀKAU ʻIA AI E MAREKO 4:6

“A puka mai ka lā, mae ihola ia, a maloʻo akula, no ke aʻa ʻole.

KA ʻEUANELIO I KĀKAU ʻIA AI E MAREKO 4:8

“Heleleʻi ihola kekahi ma kahi lepo maikaʻi, a puʻu maila i ka hua, i kupu a māhuahua, a hua mai, pākanakolu, a pākanaono kekahi, a pāhaneri kekahi.”

KA ʻEUANELIO I KĀKAU ʻIA AI E LUKA 12:15

A ʻōlelo maila ʻo ia iā lākou, “E manaʻo, a e mālama iā ʻoukou iho i ka puni waiwai; no ka mea, ʻaʻole no ka nui o ko ke kanaka waiwai kona ola ʻana.”

KA ʻEUANELIO I KĀKAU ʻIA AI E LUKA 21:34

¶ “E mālama hoʻi ʻoukou iā ʻoukou iho, o kaumaha auaneʻi ko ʻoukou mau naʻau i ka ʻuhaʻuha ʻana, a me ka ʻona ʻana, a me ka manaʻo ʻana ma kēia ao, o kau mai hoʻi ua lā lā ma luna iho o ʻoukou, me ka manaʻo ʻole ʻia aku.

KA ʻEUANELIO I KĀKAU ʻIA AI E LUKA 8:14

“A ʻo ka mea i heleleʻi ma waena o ke kākalaioa, ʻo ia ka poʻe i lohe, a hele lākou, a hihia i nā manaʻo, a me ka waiwai, a me nā leʻaleʻa o nēia ola ʻana, ʻaʻole hoʻi lākou i hoʻohua mai i ka hua a oʻo.

KA ʻEUANELIO I KĀKAU ʻIA AI E LUKA 8:7

“A heleleʻi ihola kekahi i waena o ke kākalaioa; a kupu pū ke kākalaioa, a hihia ihola ia.