KA ʻEUANELIO I KĀKAU ʻIA AI E MAREKO 4:6 - Ka Baibala Hemolele

⁶ “A puka mai ka lā, mae ihola ia, a maloʻo akula, no ke aʻa ʻole.

KA ʻEUANELIO I KĀKAU ʻIA AI E MAREKO 4:6 Iomraidhean Croise

ʻO KA ʻEPISETOLE HOʻOLAHA A IAKOBO 1:11

No ka mea, i ke kau ʻana mai o ka lā me ka wela nui, ʻaʻole ʻemo a hoʻomaloʻo ihola nō ia i ka nāhelehele, a hāʻule ihola kona pua, a pau aʻela ka nani o kona ʻano; pēlā nō e mae ai ka mea waiwai i kona ʻaoʻao iho.

KA HŌʻIKE ʻANA A IOANE KA HAIPULE 7:16

“ʻAʻole lākou e pōloli hou, ʻaʻole e make wai hou, ʻaʻole e wela hou mai ka lā ma luna o lākou, ʻaʻole hoʻi kekahi mea e wela ai.

ʻO KA ʻEPISETOLE HOʻOLAHA A IUDA 1:12

He mau pūkoʻa ia mau mea ma kā ʻoukou mau ʻahaʻaina aloha, ua ʻahaʻaina hilahila ʻole lākou me ka hānai ʻana iā lākou iho; he mau ao ua ʻole i lele ʻino i ka makani; he mau lāʻau i mae wale, hua ʻole, i pālua ka make ʻana, a i huki ʻia ke aʻa;

ʻO KA ʻEPISETOLE LUA A PAULO KA LUNAʻŌLELO I KO TESALONIKE 2:10

a me kēlā hoʻowalewale ʻana, a me kēia hoʻowalewale ʻana a pau ma ka hewa, i waena o ka poʻe e make ana; no ka mea, ʻaʻole i loaʻa iā lākou ka makemake i ka ʻōlelo ʻoiaʻiʻo, i ola ai lākou.

ʻO KA ʻEPISETOLE A PAULO KA LUNAʻŌLELO I KO KOLOSA 2:7

i hoʻokumu ʻia, a i hoʻokūkulu ʻia i loko ona, a me ka hoʻomau ʻia i ka manaʻoʻiʻo i hōʻike ʻia mai iā ʻoukou, a ma laila e hoʻomāhuahua aʻe ia me ka hoʻomaikaʻi aku.

ʻO KA ʻEPISETOLE A PAULO KA LUNAʻŌLELO I KO ʻEPESO 3:17

i noho ai ʻo Kristo i loko o ko ʻoukou naʻau ma ka manaʻoʻiʻo; i hoʻopaʻa ʻia ʻoukou i ke aʻa a i hoʻokumu ʻia ma ke aloha,

IONA 4:8

A i ka wā i puka mai ai ka lā, hoʻomākaukau ke Akua i makani hikina wela; a kau ka lā ma luna o ke poʻo o Iona, a maʻule ihola ia, a manaʻo ihola i loko ona e make, a ʻī ihola, “Ua ʻoi ka maikaʻi o kuʻu make ma mua o ke ola.”

KA WĀNANA A ʻISAIA 25:4

No ka mea, ua noho ʻoe i puʻuhonua no ka poʻe hune, I puʻuhonua hoʻi no ka mea pōʻino ma loko o kona pilikia, He puʻuhonua no ka ʻino, he malu hoʻi no ka wela, I ka wā e ikaika ai ka makani o ka poʻe hoʻoweliweli e like me ka ʻino ma ka paia.

KE MELE A SOLOMONA 1:6

“Mai nānā mai ʻoukou iaʻu; no ka mea, ua ʻeleʻele au, No ka nānā ʻana mai o ka lā iaʻu. Ua huhū mai iaʻu nā keiki a koʻu makuahine, Ua hoʻolilo mai lākou iaʻu i mea kiaʻi i nā māla waina; Akā hoʻi, ʻo kaʻu māla waina, ʻaʻole au i mālama.

KA ʻEUANELIO I KĀKAU ʻIA AI E MATAIO 13:6

“A puka mai ka lā, mae ihola ia, maloʻo akula no ke aʻa ʻole.

KA ʻEUANELIO I KĀKAU ʻIA AI E MAREKO 4:5

“Heleleʻi ihola kekahi ma kahi pā ʻaʻā, kahi i nui ʻole ai kona lepo; kupu wawe aʻela ia, no ka pāpaʻu o ka lepo.

KA ʻEUANELIO I KĀKAU ʻIA AI E MAREKO 4:7

“A heleleʻi aʻela kekahi ma waena o nā kākalaioa; kupu maila nā kākalaioa, a kāhihi ihola ia mea; no laila, ʻaʻole i hua mai ka hua.