KA ʻEUANELIO I KĀKAU ʻIA AI E MAREKO 3:7 - Ka Baibala Hemolele

⁷ ¶ Hele akula Iesū i ka moana wai, me kāna poʻe haumāna; he nui nō hoʻi ka poʻe i hahai aku iā ia, no Galilaia a no Iudea.

KA ʻEUANELIO I KĀKAU ʻIA AI E MAREKO 3:7 Iomraidhean Croise

KA ʻEUANELIO I KĀKAU ʻIA AI E MATAIO 10:23

“Aia hana ʻino mai lākou iā ʻoukou i loko o kekahi kūlanakauhale, e holo aku ʻoukou i kekahi; he ʻoiaʻiʻo kaʻu e ʻōlelo aku nei iā ʻoukou, ʻaʻole e pau ʻē nā kūlanakauhale o kā ʻIseraʻela i ke kaʻahele ʻia e ʻoukou, a hiki mai nō ke Keiki a ke Kanaka.

KA ʻEUANELIO I KĀKAU ʻIA AI E MATAIO 12:15

¶ A ʻike ihola ʻo Iesū ia mea, hele akula ia mai ia wahi aku; a he nui ka poʻe kānaka i hahai aku iā ia, hoʻōla ihola ʻo ia iā lākou a pau.

KA ʻEUANELIO I KĀKAU ʻIA AI E MATAIO 12:16

Pāpā maila ʻo ia iā lākou, ʻaʻole lākou e haʻi hōʻike aku iā ia.

KA ʻEUANELIO I KĀKAU ʻIA AI E MATAIO 4:25

He nui loa ka poʻe kānaka i hahai mai iā ia no Galilaia mai, no Dekapoli mai, a no Ierusalema mai, no Iudea mai, a no kēlā kapa mai o Ioredane.

KA ʻEUANELIO I KĀKAU ʻIA AI E MAREKO 1:39

A aʻo maila ia ma ko lākou hale hālāwai ma Galilaia a pau, a mahiki akula hoʻi i nā daimonio.

KA ʻEUANELIO I KĀKAU ʻIA AI E MAREKO 1:45

A hiki aku ua kanaka lā i waho, hoʻolaha aʻela ia, a hoʻokaulana loa ia mea; no laila, i ʻole ai e hiki iā Iesū ke komo maopopo i loko o ke kūlanakauhale, i waho aku nō ia i nā wahi mehameha; a hele akula ko kēlā wahi, ko kēia wahi i ona lā.

KA ʻEUANELIO I KĀKAU ʻIA AI E MAREKO 3:20

¶ A ʻākoakoa hou maila nā kānaka, he nui loa, no ia mea i ʻole ai e hiki iā lākou ke ʻai i ka ʻai.

KA ʻEUANELIO I KĀKAU ʻIA AI E MAREKO 4:1

¶ Hoʻomaka ihola ʻo ia e aʻo hou ma kapa o ka moana wai; a no ka nui loa o ka poʻe i ʻākoakoa mai i ona lā, eʻe akula ia ma luna o kekahi moku, noho ihola ma luna o ka wai, a pau maila ka ʻaha kanaka ma uka, ma kapa o ka moana wai.

KA ʻEUANELIO I KĀKAU ʻIA AI E LUKA 23:5

Koi ikaika akula nō naʻe lākou, e ʻōlelo ana, “Ua hoʻohaunaele ʻo ia nei i kānaka i kāna aʻo ʻana a puni Iudea, mai Galilaia kahi i hoʻomaka ai, a hiki mai i kēia wahi.”

KA ʻEUANELIO I KĀKAU ʻIA AI E LUKA 6:12

¶ Eia kekahi, ia mau lā nō, hele akula ia i ka mauna e pule; hoʻomau ihola ʻo ia i ka pule i ke Akua ia pō a ao.

KA ʻEUANELIO I KĀKAU ʻIA AI E LUKA 6:17

A iho maila ʻo ia me lākou, kū ihola ma kahi pāpū, a ʻo kāna poʻe haumāna, a me nā kānaka he lehulehu no Iudea a pau, no Ierusalema hoʻi, a no kahakai ʻo Turo a me Sidona, hele aku lākou e hoʻolohe iā ia, a e hoʻōla ʻia hoʻi ko lākou mau maʻi;

KA ʻEUANELIO I KĀKAU ʻIA AI E IOANE 7:41

ʻŌlelo maila kekahi poʻe, “ʻO ka Mesia kēia.” Akā, nīnau aʻela kekahi poʻe, “E hele mai anei ka Mesia no Galilaia mai?

KA ʻEUANELIO I KĀKAU ʻIA AI E IOANE 7:52

ʻŌlelo maila lākou iā ia, ʻī maila, “No Galilaia anei ʻoe? E ʻimi, a ʻike ʻoe, ʻaʻohe kāula no loko mai o Galilaia.”

NĀ ʻOIHANA A KA POʻE LUNAʻŌLELO 17:10

¶ Hoʻouna koke aʻela nā hoahānau iā Paulo lāua me Sila i Beroia i ka pō. A hiki lāua i laila, komo aʻela i loko o ka hale hālāwai o ka poʻe Iudaio.

NĀ ʻOIHANA A KA POʻE LUNAʻŌLELO 17:14

A laila hoʻouna koke aʻela nā hoahānau iā Paulo e hele i kai; akā, noho ihola ʻo Sila lāua me Timoteo ma laila.

KA BUKE A IOSUA 20:7

¶ A hoʻokapu ihola lākou iā Kedesa, ma Galilaia ma ka mauna ʻo Napetali, a me Sekema ma ka mauna ʻo ʻEperaima, a me Kiriata ʻAreba, ʻo ia ʻo Heberona ma ka mauna o Iuda.

KA BUKE A IOSUA 21:32

A no loko mai o ka ʻohana a Napetali, ʻo Kedesa ma Galilaia, a me kona wahi e pili ana, i kūlanakauhale puʻuhonua no ka mea pepehi kanaka, ʻo Hamota Dora a me kona wahi e pili ana, ʻo Karetana a me kona wahi e pili ana: ʻekolu kūlanakauhale.