KA ʻEUANELIO I KĀKAU ʻIA AI E MAREKO 3:5 - Ka Baibala Hemolele

⁵ Nānā aʻela ʻo ia iā lākou me ka inaina; no ka mea, ua minamina ia no ka paʻakikī o ko lākou naʻau. ʻĪ aʻela ia i ua kanaka lā, “E ʻō mai kou lima.” A ʻō maila ia, a laila hoʻōla ʻia ihola ia, e like me kekahi lima.

KA ʻEUANELIO I KĀKAU ʻIA AI E MAREKO 3:5 Iomraidhean Croise

KA BUKE MUA A MOSE, I KAPA ʻIA KINOHI 6:6

A mihi ihola ʻo Iēhova i kāna hana ʻana i nā kānaka ma luna o ka honua, a ua ʻehaʻeha kona naʻau.

KA BUKE MUA NO NĀ ALIʻI 13:6

ʻŌlelo maila hoʻi ke aliʻi, ʻī maila i ke kanaka o ke Akua, “E nonoi aku ʻoe i ka maka o Iēhova kou Akua, a e pule aku noʻu, i hoʻōla hou ʻia mai koʻu lima noʻu.” A nonoi akula ke kanaka o ke Akua iā Iēhova, a ua hoʻōla hou ʻia ko ke aliʻi lima nona, a lilo hoʻi ia e like me ma mua.

KA BUKE A NEHEMIA 13:8

A laila, ʻeha loa ihola au; a kiola akula au ma waho i ka ukana o ka hale o Tobia, mai loko aku o ke keʻena.

KA BUKE O NĀ HALELŪ 95:10

“Hoʻokahi kanahā makahiki o ia hanauna i hōʻehaʻeha mai ai iaʻu, A ʻī ihola au, he poʻe kānaka kēia i lalau ma ka naʻau, ʻAʻole hoʻi lākou i ʻike i koʻu mau ʻaoʻao.

KA ʻEUANELIO I KĀKAU ʻIA AI E MATAIO 12:13

A laila, ʻōlelo akula ia i ua kanaka lā, “E ʻō mai kou lima;” ʻō maila ia, a ola aʻela ia e like me kēlā lima.

KA ʻEUANELIO I KĀKAU ʻIA AI E MAREKO 3:4

A laila, nīnau maila ʻo ia iā lākou, “He mea pono anei ke hana i ka maikaʻi i nā lā Sābati, a ke hana i ka ʻino paha? Ke hoʻōla anei, ke pepehi paha?” Pili pū ihola lākou.

KA ʻEUANELIO I KĀKAU ʻIA AI E LUKA 13:15

ʻŌlelo maila ka Haku iā ia, ʻī maila, “E ka hoʻokamani, ʻaʻole anei kēlā mea kēia mea o ʻoukou i wehe aʻe i kāna bipi kauō, a i kāna hoki paha mai loko aʻe o kahi e hānai ʻia ai a e alakaʻi aku e hoʻohāinu i ka wai?

KA ʻEUANELIO I KĀKAU ʻIA AI E LUKA 17:14

A ʻike maila, ʻī maila ʻo ia iā lākou, “E hele ʻoukou e hōʻike iā ʻoukou iho i nā kāhuna.” Eia kekahi, i ko lākou hele ʻana, hoʻomaʻemaʻe ʻia ai lākou.

KA ʻEUANELIO I KĀKAU ʻIA AI E LUKA 6:10

Nānā aʻela ʻo ia iā lākou a pau, ʻī maila i ua kanaka lā, “E kīkoʻo i kou lima!” A pēlā ia i hana ai, a ola ihola ia lima ona e like me kekahi.

KA ʻEUANELIO I KĀKAU ʻIA AI E IOANE 9:7

a ʻī maila iā ia, “E hele ʻoe, e holoi ma ka wai ʻauʻau ʻo Siloama,” (ma ka hoʻohālike ʻana, “ʻO ka hoʻouna ʻia”); no laila hele akula ia, a holoi ihola, a hoʻi maila e ʻike ana.

ʻO KA ʻEPISETOLE A PAULO KA LUNAʻŌLELO I KO ROMA 11:25

¶ No ka mea, ʻaʻole au makemake e ʻike ʻole ʻoukou, e nā hoahānau, i kēia pohihihi, o akamai ʻoukou i ko ʻoukou manaʻo; ua loaʻa ka moʻowini i kekahi poʻe o kā ʻIseraʻela a hiki i ka manawa e komo mai ai ka nui o ko nā ʻāina ʻē.

ʻO KA ʻEPISETOLE LUA A PAULO KA LUNAʻŌLELO I KO KORINETO 3:14

Akā, ua hoʻopouli ʻia ko lākou naʻau; no ka mea, a hiki i nēia manawa, i ka heluhelu ʻana i ke kauoha kahiko, ua koe nō ka pale, ʻaʻole i wehe ʻia; ua pau nō hoʻi ia mea iā Kristo.

ʻO KA ʻEPISETOLE A PAULO KA LUNAʻŌLELO I KO ʻEPESO 4:18

ua pōʻeleʻele ko lākou manaʻo ʻana, ua mamao loa mai ke ola aku o ke Akua, no ka naʻaupō i loko o lākou, a me ka paʻakikī o ko lākou naʻau;

ʻO KA ʻEPISETOLE A PAULO KA LUNAʻŌLELO I KO ʻEPESO 4:26

«A i huhū ʻoukou, e ao o hewa auaneʻi»; mai hoʻomau i ko ʻoukou inaina a napoʻo ka lā.

ʻO KA ʻEPISETOLE A PAULO KA LUNAʻŌLELO I KO ʻEPESO 4:30

Mai hoʻoʻeha hoʻi i ka ʻUhane Hemolele o ke Akua, nāna ʻoukou i hōʻailona mai no ka lā e hoʻōla ʻia mai ai.

ʻO KA ʻEPISETOLE A PAULO KA LUNAʻŌLELO I KO HEBERA 3:10

“No laila, i huhū aku ai au ia hanauna, ʻĪ akula hoʻi au, ‘Ua lalau mau lākou ma ka naʻau; ʻAʻole hoʻi lākou i hōʻoiaʻiʻo mai i koʻu mau ʻaoʻao.’

ʻO KA ʻEPISETOLE A PAULO KA LUNAʻŌLELO I KO HEBERA 3:17

ʻO wai lā hoʻi ka poʻe āna i huhū mai ai i nā makahiki he kanahā? ʻAʻole anei ʻo ka poʻe i hana hewa, a hāʻule iho ko lākou mau kupapaʻu ma ka wao nahele?

ʻO KA ʻEPISETOLE A PAULO KA LUNAʻŌLELO I KO HEBERA 5:9

A i ka hoʻohemolele ʻia ʻana ona, ua lilo ʻo ia i Ola e ola mau loa ai no ka poʻe a pau i hoʻolohe iā ia.

KA HŌʻIKE ʻANA A IOANE KA HAIPULE 6:16

a hea akula lākou i nā kuahiwi a me nā pōhaku, “E hāʻule mai ʻoukou ma luna iho o mākou, a e uhi mai iā mākou, mai ka maka o ka Mea e noho lā ma ka noho aliʻi, a me ka inaina o ke Keiki Hipa.

KA BUKE NO NĀ LUNA KĀNĀWAI 10:16

Kiola akula lākou i nā akua ʻē, mai o lākou aku, a mālama ihola iā Iēhova; a menemene ihola kona ʻuhane, no ke kaumaha nui o kā ʻIseraʻela.

KA BUKE MUA A SAMUʻELA 20:34

Kū aʻela ʻo Ionatana mai ka papa ʻaina mai me ka huhū wela, ʻaʻole ia i ʻai i ka ʻai i ka lua o ka lā o ka malama, no kona kaumaha iā Dāvida; no ka mea, ua ʻōlelo hōʻino kona makua kāne iā ia.