KA ʻEUANELIO I KĀKAU ʻIA AI E MAREKO 3:2 - Ka Baibala Hemolele

² Hākilo akula lākou iā ia, inā paha e hoʻōla mai ʻo ia iā ia i ka lā Sābati, i hoʻopiʻi aku ai lākou iā ia.

KA ʻEUANELIO I KĀKAU ʻIA AI E MAREKO 3:2 Iomraidhean Croise

KA BUKE O NĀ HALELŪ 37:32

Kiaʻi ka mea hewa i ka mea pono, A ʻimi hoʻi ia e hoʻomake iā ia.

KA WĀNANA A IEREMIA 20:10

Lohe nō wau i ka hoʻowahāwahā ʻana o nā mea he nui, “He makaʻu nō ma nā ʻaoʻao a pau.” “E haʻi aku ʻoe, a e haʻi aku nō mākou ia,” wahi a lākou. Ua hoʻomakākiu mai koʻu poʻe makamaka a pau i koʻu hāʻule ʻana, me ka manaʻo iho, “E hoʻowalewale ʻia paha ʻo ia, A lanakila kākou ma luna ona, A e hoʻopaʻi aku kākou iā ia no kākou.”

KA BUKE NO DANIʻELA 6:4

No ia mea, ʻimi nā luna me nā aliʻi i ka hewa i loko o Daniʻela ma nā mea o ke aupuni; ʻaʻole naʻe i loaʻa ka hala a me ka hewa; no ka mea, ua kūpono kāna, ʻaʻole i loaʻa i loko ona kekahi mea kekeʻe a me ka hewa.

KA ʻEUANELIO I KĀKAU ʻIA AI E MATAIO 12:10

Aia i laila he kanaka, ua maloʻo kona lima; nīnau maila lākou iā ia, i mea e hoʻopiʻi aku ai lākou iā ia, ʻī maila, “He mea pono anei ke hoʻōla aku i ka lā Sābati?”

KA ʻEUANELIO I KĀKAU ʻIA AI E MAREKO 3:3

ʻĪ maila ia i ke kanaka, nona ka lima maloʻo, “E kū mai ʻoe i waenakonu!”

KA ʻEUANELIO I KĀKAU ʻIA AI E LUKA 14:1

¶ Eia kekahi, iā ia i hele ai i ka hale o kekahi aliʻi Parisaio, i ka lā Sābati e ʻai i ka berena, hākilo ihola lākou iā ia.

KA ʻEUANELIO I KĀKAU ʻIA AI E LUKA 20:20

A kiaʻi akula lākou iā ia, a hoʻouna aʻela i nā kiu e hoʻokamani iā lākou iho he mau kānaka pono; e hoʻohihia iā ia i kāna ʻōlelo, e hāʻawi aku lākou iā ia i ka lima a me ka mana o ke kiaʻāina.

KA ʻEUANELIO I KĀKAU ʻIA AI E LUKA 6:7

Hākilo akula iā ia nā kākau ʻōlelo a me nā Parisaio e hoʻōla paha ia i ka lā Sābati, i loaʻa ai iā lākou ka mea e hoʻopiʻi ai iā ia.

KA ʻEUANELIO I KĀKAU ʻIA AI E IOANE 8:6

ʻŌlelo aku lākou i kēia i mea e hoʻāʻo ai iā ia, i loaʻa ai iā lākou ka mea e hoʻāhewa aku ai iā ia. Kūlou ihola ʻo Iesū i lalo, a kahakaha ihola kona lima ma ka lepo.

KA ʻEUANELIO I KĀKAU ʻIA AI E IOANE 9:16

No ia hoʻi, ʻōlelo aʻela kekahi poʻe o nā Parisaio, “ʻAʻole no ke Akua kēia kanaka; no ka mea, ʻaʻole ia i mālama i ka Sābati.” ʻŌlelo maila kekahi poʻe, “Pehea lā e hiki ai i ke kanaka hewa ke hana i nā hana mana me kēia?” A mokuāhana ihola lākou.