KA ʻEUANELIO I KĀKAU ʻIA AI E MAREKO 2:2 - Ka Baibala Hemolele

² A hoʻākoakoa koke ʻia maila nā kānaka he nui loa, ʻaʻole loa he wahi kaʻawale iki, ʻaʻole nō hoʻi ma ka ʻīpuka, a haʻi maila ia i ka ʻōlelo iā lākou.

KA ʻEUANELIO I KĀKAU ʻIA AI E MAREKO 2:2 Iomraidhean Croise

KA BUKE O NĀ HALELŪ 40:9

¶ Ua haʻi aku au i ka pono i ke anaina nui; Eia hoʻi, ʻaʻole au i hoʻopaʻa i kuʻu mau lehelehe, E Iēhova, ua ʻike nō hoʻi ʻoe.

KA ʻEUANELIO I KĀKAU ʻIA AI E MATAIO 5:2

ʻOaka aʻela kona waha, aʻo maila ʻo ia iā lākou, ʻī maila,

KA ʻEUANELIO I KĀKAU ʻIA AI E MAREKO 1:14

¶ Ma hope iho o ka paʻa ʻana o Ioane i loko o ka hale paʻahao, hele maila Iesū i Galilaia, me ka haʻi ʻana mai i ka ʻeuanelio no ke aupuni o ke Akua;

KA ʻEUANELIO I KĀKAU ʻIA AI E MAREKO 1:33

ʻĀkoakoa maila ko ke kūlanakauhale a pau ma ka ʻīpuka.

KA ʻEUANELIO I KĀKAU ʻIA AI E MAREKO 1:37

A loaʻa maila ʻo ia iā lākou, ʻī akula lākou iā ia, “Ke ʻimi nei nā kānaka a pau iā ʻoe.”

KA ʻEUANELIO I KĀKAU ʻIA AI E MAREKO 1:45

A hiki aku ua kanaka lā i waho, hoʻolaha aʻela ia, a hoʻokaulana loa ia mea; no laila, i ʻole ai e hiki iā Iesū ke komo maopopo i loko o ke kūlanakauhale, i waho aku nō ia i nā wahi mehameha; a hele akula ko kēlā wahi, ko kēia wahi i ona lā.

KA ʻEUANELIO I KĀKAU ʻIA AI E MAREKO 2:1

¶ A ma hope iho o ia mau lā, hele hou akula nō ʻo Iesū i Kaperenauma, a lohe ʻia aʻela kona noho ʻana i loko o ka hale.

KA ʻEUANELIO I KĀKAU ʻIA AI E MAREKO 2:13

¶ Hele hou akula ia ma kapa o ka moana wai; a hele maila nā kānaka a pau i ona lā, a aʻo maila ʻo ia iā lākou.

KA ʻEUANELIO I KĀKAU ʻIA AI E MAREKO 6:34

A hele aʻela Iesū i waho, ʻike maila ia i ka ʻaha kanaka he nui loa, haʻehaʻe ihola kona aloha iā lākou; no ka mea, ua like lākou me nā hipa kahu ʻole, a hoʻomaka ia e aʻo mai iā lākou i nā mea he nui.

KA ʻEUANELIO I KĀKAU ʻIA AI E LUKA 12:1

¶ Ia manawa, ka ʻākoakoa lehulehu loa ʻana mai o ka ʻaha kanaka, a hehi kekahi ma luna o kekahi, ʻōlelo mua maila ia i kāna mau haumāna, “I nui ko ʻoukou mālama iā ʻoukou iho i ka mea hū a ka poʻe Parisaio; ʻo ka hoʻokamani nō ia.

KA ʻEUANELIO I KĀKAU ʻIA AI E LUKA 5:17

¶ Eia kekahi, i kekahi lā, i kāna aʻo ʻana, e noho kokoke ana nā Parisaio a me nā kumu aʻo kānāwai, nā mea i hele mai, mai nā kūlanakauhale a pau ma Galilaia a me Iudea mai, a mai Ierusalema mai hoʻi; a i laila ka mana o ka Haku e hoʻōla iā lākou.

KA ʻEUANELIO I KĀKAU ʻIA AI E LUKA 8:1

¶ Eia kekahi, ma ia hope iho kaʻahele aʻela ʻo ia i nā kūlanakauhale a me nā kauhale a pau, e haʻi ana a e hōʻike ana i ka ʻōlelo maikaʻi no ke aupuni o ke Akua; me ia pū nō hoʻi ka poʻe ʻumikumamālua;

KA ʻEUANELIO I KĀKAU ʻIA AI E LUKA 8:11

“Eia hoʻi ua ʻōlelo nane nei. ʻO ka hua, ʻo ia ka ʻōlelo a ke Akua.

NĀ ʻOIHANA A KA POʻE LUNAʻŌLELO 11:19

¶ No laila, ʻo ka poʻe i hoʻopuehu ʻia i ka hoʻomaʻau ʻana i puka mai no Setepano, hele nō lākou a hiki i Poinike, a i Kupero, a i ʻAnetioka, e haʻi aku ana i ka ʻōlelo i nā Iudaio wale nō.

NĀ ʻOIHANA A KA POʻE LUNAʻŌLELO 14:25

Haʻi maila lāua i ka ʻōlelo ma Perege a iho aʻela i ʻAtalia.

NĀ ʻOIHANA A KA POʻE LUNAʻŌLELO 16:6

¶ A hele lākou ma Perugia, a me ka ʻāina ʻo Galatia, pāpā maila ka ʻUhane Hemolele iā lākou, mai haʻi aku i ka ʻōlelo ma ʻĀsia;

NĀ ʻOIHANA A KA POʻE LUNAʻŌLELO 8:25

¶ No laila, a hōʻike lāua me ka haʻi mai i ka ʻōlelo a ka Haku, hoʻi maila lāua i Ierusalema, e haʻi ana i ka ʻeuanelio i nā kauhale he nui loa o ka poʻe Samaria.

ʻO KA ʻEPISETOLE A PAULO KA LUNAʻŌLELO I KO ROMA 10:8

He aha hoʻi kāna i ʻōlelo mai nei? “«Ua kokoke i ou lā ka ʻōlelo, aia i loko o kou waha a me kou naʻau».” ʻO ia ka ʻōlelo a ka manaʻoʻiʻo a kākou e haʻi aku nei;

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 4:2

e haʻi aku ʻoe i ka ʻōlelo; e hoʻoikaika i kēlā manawa a i kēia manawa; e hoʻākāka aku, e pāpā aku, e paipai aku, me ke ahonui wale, a me ke aʻo ʻana aku.