KA ʻEUANELIO I KĀKAU ʻIA AI E MAREKO 13:3 - Ka Baibala Hemolele

³ ¶ I kona noho ʻana i luna o ka mauna ʻo ʻOliveta, ma ka hulina alo o ka luakini, nīnau malū akula ʻo Petero, a me Iakobo, a me Ioane, a me ʻAnederea iā ia;

KA ʻEUANELIO I KĀKAU ʻIA AI E MAREKO 13:3 Iomraidhean Croise

KA ʻEUANELIO I KĀKAU ʻIA AI E MATAIO 13:10

¶ Hele maila kāna poʻe haumāna, nīnau akula iā ia, “No ke aha lā ʻoe e ʻōlelo mai ai iā lākou ma nā ʻōlelo nane?”

KA ʻEUANELIO I KĀKAU ʻIA AI E MATAIO 13:36

¶ A laila, haʻalele akula Iesū i ka poʻe kānaka, a hele maila i loko o ka hale. Hele akula nā haumāna i ona lā, ʻī akula, “E hoʻākāka mai ʻoe iā mākou i ka ʻōlelo nane no ka zīzānia ma ka mahina ʻai.”

KA ʻEUANELIO I KĀKAU ʻIA AI E MATAIO 17:1

¶ A hala aʻela nā lā ʻeono, kono aʻela ʻo Iesū iā Petero me Iakobo a me Ioane kona kaikaina, a kaʻi akula iā lākou ma kahi mehameha ma ka mauna kiʻekiʻe.

KA ʻEUANELIO I KĀKAU ʻIA AI E MATAIO 21:1

¶ A kokoke akula lākou i Ierusalema, ua hiki akula i Betepage ma ka Mauna ʻOliveta, a laila, hoʻouna akula ʻo Iesū i nā haumāna ʻelua;

KA ʻEUANELIO I KĀKAU ʻIA AI E MATAIO 24:3

¶ I kona noho ʻana ma luna o ka Mauna ʻOliveta, hele malū akula ka poʻe haumāna i ona lā, ʻī akula, “E haʻi mai ʻoe iā mākou, i ka manawa hea e hiki mai ai ia mau mea? He aha hoʻi ka hōʻailona no kou hiki ʻana mai, a me ka hope o kēia ao?”

KA ʻEUANELIO I KĀKAU ʻIA AI E MAREKO 10:35

¶ Pūneʻe akula i ona lā ʻo Iakobo, a me Ioane, nā keiki a Zebedaio, ʻī akula, “E ke Kumu ē, ke ake nei māua, e hana mai ʻoe na māua i kā māua mea e noi aku ai.”

KA ʻEUANELIO I KĀKAU ʻIA AI E MAREKO 13:4

“E haʻi mai ʻoe iā mākou i ka wā hea e hiki mai ai kēia mau mea, a he aha lā ka ʻōuli o ka hiki ʻana mai o ia mau mea?”

KA ʻEUANELIO I KĀKAU ʻIA AI E MAREKO 14:33

A kaʻi akula ʻo ia iā Petero, a me Iakobo, a me Ioane, i laila ka hoʻomaka ʻana o kona kaumaha a me ka luʻuluʻu loa.

KA ʻEUANELIO I KĀKAU ʻIA AI E MAREKO 4:34

ʻAʻole ia i ʻōlelo iki aku iā lākou ma ka ʻōlelo nane ʻole; a ma kahi mehameha, hoʻākāka aʻela ia i nā mea a pau i kāna poʻe haumāna.

KA ʻEUANELIO I KĀKAU ʻIA AI E MAREKO 5:37

ʻAʻole ia i ʻae mai i kekahi kanaka ʻē aʻe e hahai aku iā ia, ʻo Petero wale nō, a me Iakobo, a me Ioane, ke kaikaina o Iakobo.

KA ʻEUANELIO I KĀKAU ʻIA AI E MAREKO 9:2

¶ A hala aʻela nā lā ʻeono, kono aʻela ʻo Iesū iā Petero, a me Iakobo, a me Ioane, alakaʻi akula iā lākou i kahi mehameha, ma kekahi mauna kiʻekiʻe, hoʻopāhaʻohaʻo ihola ia i mua o lākou.