KA ʻEUANELIO I KĀKAU ʻIA AI E MAREKO 10:1 - Ka Baibala Hemolele

¹ ¶ A laila kū aʻela ia i luna, a hele akula ia ma kēlā kapa o Ioredane, a i nā mokuna o Iudea; a ʻākoakoa hou maila nā kānaka i ona lā, aʻo hou maila ʻo ia iā lākou, e like me kāna ʻoihana ma mua.

KA ʻEUANELIO I KĀKAU ʻIA AI E MAREKO 10:1 Iomraidhean Croise

KE KAHUNA 12:9

¶ Eia hoʻi kekahi, i ko ke Kahuna naʻauao ʻana, ua aʻo mau aku ʻo ia i nā kānaka; ua noʻonoʻo ʻo ia, a ʻimi, a hoʻoponopono hoʻi i nā ʻōlelo akamai he nui loa.

KA WĀNANA A IEREMIA 32:33

“A ua huli lākou i ke kua iaʻu, ʻaʻole i ka maka; ʻo wau naʻe ka mea nāna lākou i aʻo aku e ala ana i ka wanaʻao e aʻo aku; ʻaʻole naʻe lākou i hoʻolohe mai, i loaʻa iā lākou ke akamai.

KA ʻEUANELIO I KĀKAU ʻIA AI E MATAIO 26:55

Ia hora nō, ʻōlelo akula Iesū i ka poʻe kānaka, “Ke hele mai nei anei ʻoukou i waho nei me nā pahi kaua a me nā newa e lālau mai iaʻu, e like me ka lālau ʻana i ka pōā? Ua noho pū au me ʻoukou i kēlā lā i kēia lā e aʻo ana i loko o ka luakini, ʻaʻole naʻe ʻoukou i lālau mai iaʻu.

KA ʻEUANELIO I KĀKAU ʻIA AI E MATAIO 4:23

¶ Kaʻahele aʻela ʻo Iesū ma Galilaia a puni, e aʻo mai ana i loko o ko lākou mau hale hālāwai, a e haʻi mai ana i ka ʻeuanelio no ke aupuni, a e hoʻōla ana hoʻi i ka maʻi a me ka nāwaliwali a pau o nā kānaka.

KA ʻEUANELIO I KĀKAU ʻIA AI E MAREKO 1:21

¶ Hele aʻela lākou i Kaperenauma, komo koke aʻela ia i loko o ka hale hālāwai i ka lā Sābati, a aʻo maila.

KA ʻEUANELIO I KĀKAU ʻIA AI E MAREKO 10:2

¶ Hele maila ka poʻe Parisaio i ona lā, me ka hoʻāʻo mai iā ia, ʻī maila, “He mea pono anei i ke kāne ke hōʻoki i kāna wahine?”

KA ʻEUANELIO I KĀKAU ʻIA AI E MAREKO 12:35

¶ ʻŌlelo maila Iesū, ʻī maila, ma kāna aʻo ʻana i loko o ka luakini, “No ke aha lā i ʻōlelo mai ai ka poʻe kākau ʻōlelo, he Keiki na Dāvida ka Mesia?

KA ʻEUANELIO I KĀKAU ʻIA AI E MAREKO 14:49

“Me ʻoukou nō au i noho ai i loko o ka luakini, e aʻo aku ana i kēlā lā i kēia lā, ʻaʻole ʻoukou i hopu mai iaʻu; akā, e hoʻokō ʻia mai nō naʻe ka Palapala Hemolele.”

KA ʻEUANELIO I KĀKAU ʻIA AI E MAREKO 2:13

¶ Hele hou akula ia ma kapa o ka moana wai; a hele maila nā kānaka a pau i ona lā, a aʻo maila ʻo ia iā lākou.

KA ʻEUANELIO I KĀKAU ʻIA AI E MAREKO 4:2

Aʻo nui maila ʻo ia iā lākou ma nā ʻōlelo nane, ʻī maila iā lākou ma kāna aʻo ʻana,

KA ʻEUANELIO I KĀKAU ʻIA AI E MAREKO 6:2

A hiki i ka lā Sābati, hoʻomaka ia e aʻo mai i loko o ka hale hālāwai; a nui loa ka poʻe i lohe, a kāhāhā ka naʻau, ʻī aʻela, “No hea lā ia mau mea a ia nei? He aha hoʻi kēia akamai i hāʻawi ʻia aʻe nāna, a me kēia hana mana i hana ʻia ai e kona mau lima?

KA ʻEUANELIO I KĀKAU ʻIA AI E MAREKO 6:34

A hele aʻela Iesū i waho, ʻike maila ia i ka ʻaha kanaka he nui loa, haʻehaʻe ihola kona aloha iā lākou; no ka mea, ua like lākou me nā hipa kahu ʻole, a hoʻomaka ia e aʻo mai iā lākou i nā mea he nui.

KA ʻEUANELIO I KĀKAU ʻIA AI E MAREKO 6:6

A kāhāhā ihola ia no ko lākou hoʻomaloka ʻana; hele aʻela ia i nā kauhale, e aʻo ana iā lākou.

KA ʻEUANELIO I KĀKAU ʻIA AI E IOANE 10:40

¶ Hele hou akula ia ma kēlā ʻaoʻao o Ioredane, i kahi a Ioane i bapetizo ai i kinohi; a noho ihola i laila.

KA ʻEUANELIO I KĀKAU ʻIA AI E IOANE 11:7

Ma hope iho, ʻōlelo maila ia i nā haumāna, “E hele hou kākou i Iudea.”

KA ʻEUANELIO I KĀKAU ʻIA AI E IOANE 18:20

ʻĪ maila ʻo Iesū iā ia, “Ua ʻōlelo hōʻike aku au i ko ke ao nei; ua aʻo mau aku au i loko o nā hale hālāwai, a i loko o ka luakini, kahi i ʻākoakoa ai nā Iudaio a pau; ʻaʻohe mea aʻu i aʻo aku ai ma kahi malū.