MIKA 7:9 - Ka Baibala Hemolele

⁹ ¶ E hoʻomanawanui nō au i ka inaina o Iēhova, No ka mea, ua hana hewa nō au iā ia, A hoʻāpono mai ia i kaʻu mea, a e hoʻopaʻi aku nō ia noʻu; A lawe mai nō ia iaʻu i waho i ka mālamalama, A e ʻike aku au i kona pono.

MIKA 7:9 Iomraidhean Croise

KA BUKE ʻALUA A SAMUʻELA 24:17

ʻŌlelo akula ʻo Dāvida iā Iēhova i kona ʻike ʻana aku i ka ʻānela nāna i luku mai i nā kānaka, ʻī akula, “Eia hoʻi, ua hewa wau, ua hana ʻino nō hoʻi; akā, ʻo kēia poʻe hipa, he aha lā kā lākou i hana aku ai? Ke noi aku nei au iā ʻoe, e kau ʻia mai kou lima ma luna oʻu, a ma luna hoʻi o ka ʻohana a koʻu makua kāne.”

KA BUKE NO IOBA 23:10

“No ka mea, ua ʻike nō ia i ka ʻaoʻao i loko oʻu; Ke hoʻāʻo nei ia iaʻu, a e puka aku auaneʻi au, me he gula lā.

KA BUKE NO IOBA 35:14

“Inā paha e ʻōlelo ʻoe, ʻaʻole ʻoe i ʻike iā ia, I mua ona ka hoʻoponopono; no laila, e kali aku ʻoe iā ia.

KA BUKE O NĀ HALELŪ 119:154

E hoʻoponopono mai ʻoe i koʻu hoʻopiʻi ʻia, a e hoʻōla pānaʻi mai ʻoe iaʻu; E hoʻoikaika mai ʻoe iaʻu, e like me kāu ʻōlelo.

KA BUKE O NĀ HALELŪ 37:6

A e hoʻopuka mai hoʻi ʻo ia i kou pono e like me ka mālamalama, A me kou hoʻoponopono ʻia e like me ka lā kūpono.

KA BUKE O NĀ HALELŪ 43:1

¶ E hoʻopono mai ʻoe iaʻu, e ke Akua, Noʻu nei hoʻi e hakakā ai i ka lāhui kanaka aloha ʻole; E hoʻopakele iaʻu i ke kanaka hoʻopunipuni, me ka hoʻopono ʻole!

KA BUKE O NĀ HALELŪ 7:6

¶ E kū ʻoe i luna, e Iēhova, i kou huhū, E hoʻokiʻekiʻe aʻe iā ʻoe iho no ka hoʻokano o koʻu poʻe ʻenemi; E ala aʻe ʻoe noʻu i ka hoʻokolokolo āu i ʻōlelo mai ai.

KA BUKE O NĀ HALELŪ 94:15

E hiki hou mai nō ka hoʻoponopono ʻana ma ka pololei; A ma laila nō e hahai aku ai ka poʻe a pau i pono ma ka naʻau.

KA WĀNANA A ʻISAIA 42:16

“A e kaʻi aku nō au i ka poʻe makapō, ma ke ala a lākou i ʻike ʻole ai; E alakaʻi nō au iā lākou ma nā kuamoʻo a lākou i ʻike ʻole ai; E hoʻolilo au i ka pouli i mālamalama i mua o lākou, A me nā ala kekeʻe i pololei. E hana nō wau i kēia mau mea no lākou, ʻAʻole hoʻi au e haʻalele iā lākou.”

KA WĀNANA A ʻISAIA 42:7

“E hoʻokaʻakaʻa i nā maka o ka poʻe makapō, E lawe mai hoʻi i ka poʻe pio, mai loko mai o kahi paʻa, A me ka poʻe e noho ana i loko o ka pouli, mai loko mai o ka hale paʻahao.

KA WĀNANA A ʻISAIA 46:13

“Ke lawe aku nei au i koʻu pono a kokoke, ʻAʻole ia e mamao aku, ʻaʻole hoʻi e hoʻokaʻulua iho koʻu hoʻōla; E hāʻawi aku nō au i ke ola ma Ziona, me kā ʻIseraʻela, koʻu mea e nani ai.

KA WĀNANA A ʻISAIA 51:22

Penei ka ʻōlelo ʻana mai a Iēhova, kou Haku, ʻO kou Akua hoʻi, nāna e kōkua i kona poʻe kānaka; “Aia hoʻi, ua lawe au i ke kīʻaha e hīkākā ai, mai kou lima aku, I ke kīʻaha bola hoʻi o koʻu inaina, ʻAʻole ʻoe e inu hou.

KA WĀNANA A ʻISAIA 56:1

¶ Ke ʻī mai nei ʻo Iēhova penei, “E mālama ʻoukou i ka pono, a e hana hoʻi i ka maikaʻi; No ka mea, kokoke nō e hiki mai koʻu ola, A me koʻu pono i ka hōʻike ʻia.

KA WĀNANA A IEREMIA 10:19

¶ Auē au i kuʻu ʻeha! Ua nui loa koʻu hahau ʻia; Akā, ʻī ihola au, “He ʻoiaʻiʻo, he kaumaha kēia, E hoʻomanawanui naʻe au ia.”

KA WĀNANA A IEREMIA 14:7

“E Iēhova, ke hōʻike kūʻē mai nei ko mākou hewa iā mākou; Akā, e hana mai ʻoe no kou inoa iho; No ka mea, ua nui loa ko mākou hoʻi hope ʻana, Ua hana hewa mākou iā ʻoe.

KA WĀNANA A IEREMIA 51:10

Ua hoʻopuka mai ʻo Iēhova i ko kākou pono; E hele mai hoʻi, e haʻi aku kākou ma Ziona i ka hana a Iēhova ko kākou Akua.

KE KANIKAU A IEREMIA 1:18

“ʻO Iēhova, ua hemolele ʻo ia; No ka mea, ua kūʻē aku au i kona waha; Ke noi aku nei au, e hoʻolohe mai, e nā kānaka a pau, E nānā mai hoʻi i koʻu ʻeha; Ua hele akula koʻu poʻe wāhine puʻupaʻa, a me koʻu poʻe kānaka uʻi i loko o ke pio.

KA BUKE ʻAKOLU A MOSE, I KAPA ʻIA ʻOIHANA KAHUNA 26:41

a hele kūʻē hoʻi au iā lākou, a ua lawe aʻe hoʻi iā lākou ma ka ʻāina o ko lākou poʻe ʻenemi; inā hoʻi e hoʻohaʻahaʻa ʻia ko lākou mau naʻau ʻokipoepoe ʻole ʻia, a i laila e ʻae ai lākou i ka hoʻopaʻi ʻana i ko lākou hewa;

MALAKI 3:18

A laila, e huli mai auaneʻi ʻoukou, a e nānā maopopo i waena o ka poʻe pono a ʻo ka poʻe hewa, i waena hoʻi o ka mea mālama i ke Akua, a me ka mea mālama ʻole.

ʻO KA ʻEPISETOLE MUA A PAULO KA LUNAʻŌLELO I KO KORINETO 4:5

No ia mea, mai hoʻohewa ʻē i kekahi mea, a hiki mai ka Haku, nāna nō e hoʻomaopopo mai nā mea i hūnā ʻia o ka pouli, a e hōʻike mai hoʻi nā manaʻo o nā naʻau; a laila e loaʻa mai i kēlā kanaka a i kēia kanaka ka hoʻomaikaʻi ʻia, mai ke Akua mai.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 4:8

ma kēia hope aku, e waiho mai ana noʻu he lei o ka pono, ka mea a ka Haku a ka Luna Kānāwai hoʻopono e hāʻawi mai ai iaʻu i kēlā lā; ʻaʻole hoʻi iaʻu wale nō; akā, i ka poʻe a pau i makemake i kona ʻikea ʻana mai.

KA HŌʻIKE ʻANA A IOANE KA HAIPULE 18:20

“E ka lani, e hauʻoli ʻoe ma luna ona, ʻo ʻoukou hoʻi, e ka poʻe lunaʻōlelo hemolele, a me nā kāula; no ka mea, ua hoʻohewa ke Akua iā ia no ʻoukou.”

KA BUKE MUA A SAMUʻELA 24:15

“ʻO Iēhova ka luna kānāwai, a nāna e hoʻoponopono i waena o kāua, a nāna hoʻi e hoʻoponopono mai i kuʻu mea, a e hoʻopakele mai iaʻu mai kou lima aʻe.”

KA BUKE MUA A SAMUʻELA 25:39

¶ A lohe aʻela ʻo Dāvida, ua make ʻo Nabala, ʻī ihola ia, “E hoʻomaikaʻi ʻia ʻo Iēhova, nāna i hoʻopaʻi aku ma luna o Nabala i kuʻu hōʻino ʻia mai, a nāna i keʻakeʻa mai i kāna kauā i ʻole e hana ʻino; a ua hoʻihoʻi aku ʻo Iēhova i ka hewa o Nabala ma luna o kona poʻo.” A hoʻouna akula ʻo Dāvida, a kamaʻilio me ʻAbigaila e lawe iā ia i wahine nāna.

KA BUKE MUA A SAMUʻELA 26:10

ʻĪ maila hoʻi ʻo Dāvida, “Ma ke ola o Iēhova, e pepehi mai nō ʻo Iēhova iā ia; e hiki mai auaneʻi kona lā e make ai; a e hele paha ia i ke kaua, a e make ʻo ia ma laila.

KA BUKE MUA A SAMUʻELA 3:18

Haʻi akula ʻo Samuʻela iā ia i nā ʻōlelo a pau, ʻaʻole i hūnā iā ia. ʻĪ maila ia, “ʻO ia nō ʻo Iēhova; e hana mai ia i kāna mea i makemake ai.”