MIKA 7:6 - Ka Baibala Hemolele

⁶ No ka mea, hoʻowahāwahā ke keiki kāne i kona makua kāne, Kūʻē mai ke kaikamahine i kona makuwahine, ʻO ka hūnōna wahine i kona makuahūnōwai wahine, ʻO nā ʻenemi o ke kanaka, ʻo nā kānaka nō ia o kona hale iho.

MIKA 7:6 Iomraidhean Croise

KA BUKE MUA A MOSE, I KAPA ʻIA KINOHI 49:4

“He hū wale me he wai lā, ʻaʻole ʻoe e kela aku; No ka mea, piʻi akula ʻoe i ka moe o kou makua kāne; A laila ʻoe i hoʻohaumia iho ai; Piʻi akula ia i kuʻu wahi moe.

KA BUKE ʻALUA A SAMUʻELA 16:11

ʻĪ akula ʻo Dāvida iā ʻAbisai a me kāna poʻe kauā a pau, “Aia hoʻi kaʻu keiki, ka mea i puka aʻe mai loko aku oʻu, ua ʻimi mai kēlā i kuʻu ola; e ʻoiaʻiʻo nō hoʻi kēia mamo a Beniamina. E waiho pēlā, e aho ʻo ia ke kūamuamu mai; no ka mea, ua ʻōlelo mai ʻo Iēhova iā ia.

KA BUKE O NĀ HALELŪ 41:9

ʻOiaʻiʻo, ʻo koʻu hoaaloha aʻu i hilinaʻi aku ai, Ka mea i ʻai i kaʻu berena, ʻO ia kai hāpai kūʻē i kona kuʻekuʻe wāwae iaʻu.

NĀ ʻŌLELO AKAMAI A SOLOMONA 30:11

¶ ʻO kekahi hanauna, hōʻino nō i ka makua kāne, ʻAʻole hoʻi i hoʻomaikaʻi i ka makuahine.

NĀ ʻŌLELO AKAMAI A SOLOMONA 30:17

ʻO ka maka i hoʻowahāwahā i kona makua kāne, A hōʻole hoʻi ʻaʻole e mālama i kona makuahine, E kiko iho ka poʻe koraka o ke awāwa ia mea, A e ʻai iho nō ka poʻe ʻaeto ʻōpiopio.

KA WĀNANA A ʻISAIA 3:5

E hoʻokaumaha ʻia nā kānaka, kekahi e kekahi, A me ke kanaka hoʻi e kona hoa; A e hoʻokiʻekiʻe nō ka mea ʻōpiopio ma luna o ka mea kahiko, A me ka mea i hoʻowahāwahā ʻia ma luna o ka mea hanohano.

KA WĀNANA A ʻISAIA 9:19

Ua hoʻā ʻia ka ʻāina, no ka ukiuki o Iēhova o nā kaua, A ua lilo hoʻi nā kānaka i wahie no ke ahi; ʻAʻohe kanaka i aloha i kona hoa.

KA WĀNANA A IEREMIA 12:6

“No ka mea, ʻo kou poʻe hoahānau, ʻo ko ka hale o kou makua kāne, ʻO ia, ua hana hoʻopunipuni mai lākou iā ʻoe; A ua hea aku ma muli ou me ka leo nui; Mai manaʻoʻiʻo aku iā lākou, Inā paha lākou e ōlelo mai i nā ʻōlelo malimali iā ʻoe.”

KA WĀNANA A IEREMIA 20:10

Lohe nō wau i ka hoʻowahāwahā ʻana o nā mea he nui, “He makaʻu nō ma nā ʻaoʻao a pau.” “E haʻi aku ʻoe, a e haʻi aku nō mākou ia,” wahi a lākou. Ua hoʻomakākiu mai koʻu poʻe makamaka a pau i koʻu hāʻule ʻana, me ka manaʻo iho, “E hoʻowalewale ʻia paha ʻo ia, A lanakila kākou ma luna ona, A e hoʻopaʻi aku kākou iā ia no kākou.”

KA WĀNANA A IEREMIA 9:4

“E makaʻala kēlā mea kēia mea i kona hoalauna, Mai hilinaʻi hoʻi i kekahi hoahānau; No ka mea, e wahaheʻe loa nō kēlā hoahānau, kēia hoahānau; A hele ʻahiʻahi nō nā hoalauna a pau.

KA WĀNANA A ʻEZEKIʻELA 22:7

“ʻO ka makua kāne a me ka makuahine kā lākou i hoʻowahāwahā ai i loko ou; ma ka hoʻoluhi hewa i hana aku ai lākou i ka malihini i loko ou; a ma loko ou i hoʻopilikia ai lākou i nā mea makua ʻole a me nā wāhine kāne make.

ʻOBADIA 1:7

“ʻO nā kānaka a pau o kāu berita, ua hoʻouna aku lākou iā ʻoe a i ka palena; ʻO nā kānaka e kuʻikahi ana me ʻoe, ua wahaheʻe lākou iā ʻoe, a ua lanakila lākou ma luna ou; ʻO ka poʻe e ʻai ana i kāu berena, ua waiho lākou i ka hei ma lalo iho ou; ʻAʻohe naʻauao i loko ona.

KA ʻEUANELIO I KĀKAU ʻIA AI E MATAIO 10:21

“E hāʻawi ana ka hoahānau i ka hoahānau e make, a ʻo ka makua kāne i ke keiki; a e kūʻē nā keiki i nā mākua, e hoʻolilo iā lākou i ka make.

KA ʻEUANELIO I KĀKAU ʻIA AI E MATAIO 26:23

ʻŌlelo maila ia, ʻī maila, “ʻO ka mea e lālau pū ana me aʻu i ka lima ma ke pā, ʻo ia ke kumakaia iaʻu.

KA ʻEUANELIO I KĀKAU ʻIA AI E LUKA 12:53

“E kūʻē mai ka makua kāne i ke keiki kāne, a ʻo ke keiki kāne i ka makua kāne; a ʻo ka makuahine i ke kaikamahine, a ʻo ke kaikamahine i ka makuahine; a ʻo ka makuahōnōai wahine i kāna hūnōna wahine, a ʻo ka hūnōna wahine i kona makuahōnōai wahine.”

KA ʻEUANELIO I KĀKAU ʻIA AI E LUKA 21:16

“A e kumakaia ʻia aku nō hoʻi ʻoukou e nā mākua, a me nā hoahānau, a me nā hanauna, a me nā makamaka; a e pepehi mai lākou i kekahi poʻe o ʻoukou a make.

KA ʻEUANELIO I KĀKAU ʻIA AI E IOANE 13:18

“ʻAʻole no ʻoukou a pau kaʻu e ʻōlelo nei; ua ʻike nō au i nā mea aʻu i wae ai; akā, i kō ai ka Palapala Hemolele, ‘«ʻO ka mea e ʻai pū ana i ka berena me aʻu, ua kaʻikaʻi ʻo ia i kona kuʻekuʻe wāwae iaʻu».’