MIKA 7:4 - Ka Baibala Hemolele

⁴ ʻO ka mea maikaʻi o lākou ua like me ka lāʻau ʻoʻoi; A ʻo ka mea pono, ua ʻoiʻoi ia ma mua o ka pā lāʻau ʻoiʻoi. ʻO ka lā o kou poʻe kiaʻi, A ʻo kou hoʻopaʻi ʻana, e hiki mai nō ia; ʻĀnō e hiki mai ai ko lākou pōpilikia.

MIKA 7:4 Iomraidhean Croise

KA WĀNANA A ʻISAIA 10:3

Pehea lā ʻoukou e hana ai i ka lā o ka hoʻopaʻi ʻana, Ke hiki mai ka make mai kahi lōʻihi mai? Iā wai ʻoukou e holo ai no ke kōkua ʻia mai? Ma hea ʻoukou e waiho ai i ko ʻoukou waiwai?

KA WĀNANA A ʻISAIA 22:5

No ka mea, he lā haunaele kēia, A me ka hahi ʻana, a me ka pilikia, Na ka Haku, na Iēhova o nā kaua ma ke Awāwa o ka ʻIke ʻana, Ua wāwahi ʻia ka pā, olo aʻela ka pihe a kuahiwi.

KA WĀNANA A ʻISAIA 55:13

“Ma kahi o ke kākalaioa e ulu mai auaneʻi ka lāʻau kaʻa, A ma kahi o ka lāʻau ʻoʻoi, ka hadasa hoʻi; A e lilo ia i mea kaulana no Iēhova, I ʻōuli mau loa nō hoʻi e hōʻoki ʻole ʻia ai.”

KA WĀNANA A IEREMIA 10:15

He lapuwale lākou, he hana na ka wahaheʻe; I ko lākou wā e hoʻopaʻi ʻia mai ai, e make nō lākou.

KA WĀNANA A IEREMIA 11:23

“ʻAʻole hoʻi e koe mai kekahi o lākou; no ka mea, e lawe mai nō wau i ka hewa ma luna o nā kānaka o ʻAnatota, i ka makahiki hoʻi o ko lākou hoʻopaʻi ʻia.”

KA WĀNANA A IEREMIA 46:21

“ʻO kona poʻe paʻaua i waenakonu ona, ua like me nā keiki bipi kūpalu ʻia; No ka mea, ua heʻe lākou, Ua ʻauheʻe pū aku nō; ʻAʻole lākou i kūpaʻa; No ka mea, ua hiki mai ka lā o ko lākou pōʻino ma luna o lākou, ʻO ka manawa hoʻi o ko lākou hoʻopaʻi ʻia.

KA WĀNANA A IEREMIA 8:12

“Ua hilahila anei lākou i kā lākou hana ʻana i ka mea e hoʻopailua ai? ʻOle, ʻaʻole lākou i hilahila iki, ʻAʻole hoʻi i ʻike i ka hoʻopalai maka; No laila lākou e hāʻule ai i waena o ka poʻe hāʻule; A iā lākou e hoʻopaʻi ʻia ai, A laila lākou e kulaʻina ai,” wahi a Iēhova.

KA WĀNANA A ʻEZEKIʻELA 2:6

“A ʻo ʻoe, e ke keiki a ke kanaka, mai makaʻu aku iā lākou, ʻaʻole hoʻi i kā lākou mau ʻōlelo, inā he mau lāʻau ʻoiʻoi a me ke kākalaioa kekahi me ʻoe, a noho ʻoe i waena o nā moʻo huelo ʻawa, mai noho a weliweli ʻoe i kā lākou mau ʻōlelo, ʻaʻole hoʻi i ko lākou mau helehelena, inā nō he ʻohana kipi lākou.

KA WĀNANA A ʻEZEKIʻELA 28:24

“ʻAʻole loa aku hoʻi ka mea ʻoʻoi i ka ʻohana a ʻIseraʻela, ʻaʻole hoʻi ke kākalaioa e kaumaha ai ʻo ka poʻe a pau e hoʻopuni ana iā lākou, ka poʻe e hoʻowahāwahā iā lākou; a e ʻike lākou ʻo wau nō Iēhova ka Haku.”

ʻAMOSA 8:2

A ʻī maila ia, “He aha kāu e ʻike nei, e ʻAmosa?” ʻĪ akula au, “He hīnaʻi hua oʻo.” A laila, ʻī maila ʻo Iēhova iaʻu, “Ua hiki mai ka hope ma luna o kuʻu poʻe kānaka o kā ʻIseraʻela; ʻaʻole au e hele hou aʻe mai o lākou aku.

NAHUMA 1:10

No ka mea, e like me nā lāʻau kukū, Ua hui pū ʻia lākou, A ua ʻona lākou e like me ka poʻe ʻona, E hoʻopau ʻia lākou e like me ka ʻōpala maloʻo loa.

KA ʻEUANELIO I KĀKAU ʻIA AI E LUKA 21:25

¶ “A e ʻike ʻia aku hoʻi nā hōʻailona ma ka lā, a ma ka mahina, a ma nā hōkū; a ma luna o ka honua hoʻi ka pilikia ʻana o nā lāhui kanaka, me ka pilihua; e haʻalulu ana ke kai a me ke kūpikipikiʻō.

ʻO KA ʻEPISETOLE A PAULO KA LUNAʻŌLELO I KO HEBERA 6:8

akā, ʻo kahi i hoʻokupu mai i ke kākalaioa, a me ka nāhelehele ʻoʻoi, he pono ʻole ia, ua kokoke ia i ka hoʻāhewa ʻia mai; a ʻo kona hope ka puhi ʻia i ke ahi.