MIKA 7:2 - Ka Baibala Hemolele

² Ua nalo ka mea lokomaikaʻi mai ka ʻāina aku; ʻAʻohe mea pono i waena o nā kānaka; Ke hoʻohālua nei lākou a pau no ke koko; Hoʻohei iho lākou, ʻo kēlā mea kēia mea i kona hoahānau, i ka ʻupena.

MIKA 7:2 Iomraidhean Croise

KA BUKE O NĀ HALELŪ 10:9

Kali malū ihola ia me he liona lā i loko o kona lua; Moemoe malū ia e hopu i ka mea ʻilihune; Ua hoʻohei nō ʻo ia iā ia i kona alakaʻi ʻana iā ia i loko o kāna ʻupena.

KA BUKE O NĀ HALELŪ 12:1

¶ E kōkua mai, e Iēhova; no ka mea, ua oki ke kanaka lokomaikaʻi; Ua pau hoʻi ka poʻe hoʻopono i waena o nā keiki a kānaka.

KA BUKE O NĀ HALELŪ 12:2

Ke kamaʻilio nei kekahi i kekahi i ka mea lapuwale, Me nā lehelehe malimali a me ka naʻau lua e ʻōlelo nei lākou.

KA BUKE O NĀ HALELŪ 57:6

Ua hoʻomākaukau lākou i ka ʻupena no koʻu mau kapuaʻi; Ua kūlou iho koʻu ʻuhane; Ua ʻeli lākou i ka lua ma mua oʻu, A i waenakonu ona i hāʻule ai lākou. Sila.

NĀ ʻŌLELO AKAMAI A SOLOMONA 1:11

Inā lākou e ʻōlelo mai, “Ē, e hele pū kākou, E hoʻohālua no ke koko, E hoʻohālua wale i ka mea hala ʻole;

NĀ ʻŌLELO AKAMAI A SOLOMONA 12:6

ʻO ka ʻōlelo a ka poʻe hewa, he hoʻohālua ia i ke koko; Akā, ʻo ka waha o ka poʻe pololei, ʻo ia kā lākou e hoʻopakele aku.

KA WĀNANA A ʻISAIA 3:5

E hoʻokaumaha ʻia nā kānaka, kekahi e kekahi, A me ke kanaka hoʻi e kona hoa; A e hoʻokiʻekiʻe nō ka mea ʻōpiopio ma luna o ka mea kahiko, A me ka mea i hoʻowahāwahā ʻia ma luna o ka mea hanohano.

KA WĀNANA A ʻISAIA 57:1

¶ Make nō ke kanaka pono, ʻaʻohe naʻe kanaka i hoʻomanaʻo ia mea; Ua lawe ʻia akula nā kānaka lokomaikaʻi, ʻAʻole naʻe kanaka i noʻonoʻo, Ua lawe ʻia aku ka mea i pono, mai ke alo aku o ka hewa.

KA WĀNANA A ʻISAIA 59:7

Holo nō ko lākou wāwae i ka hewa, A hoʻowikiwiki lākou i ka hoʻokahe koko hala ʻole; ʻO ko lākou mau kūkā, he mau kūkā no ka hewa; Aia nō ka luku, a me ka make ma ko lākou kuamoʻo.

KA WĀNANA A ʻISAIA 9:19

Ua hoʻā ʻia ka ʻāina, no ka ukiuki o Iēhova o nā kaua, A ua lilo hoʻi nā kānaka i wahie no ke ahi; ʻAʻohe kanaka i aloha i kona hoa.

KA WĀNANA A IEREMIA 16:16

¶ “Aia hoʻi, e kiʻi aku nō wau i nā lawaiʻa he nui,” wahi a Iēhova, “a e loaʻa iā lākou nā Iudaio ma ka lawaiʻa ʻana; a ma hope iho, e kiʻi aku nō wau i nā mea ʻimi a nui, a na lākou nō e ʻimi i nā Iudaio, mai nā mauna mai a pau, a mai nā puʻu mai a pau, a mai nā lua o nā pōhaku mai.

KA WĀNANA A IEREMIA 5:16

“ʻO ko lākou ʻaʻa pua, he lua kupapaʻu hāmama ia, He poʻe kānaka ikaika lākou a pau.

KA WĀNANA A IEREMIA 5:26

‘Ua loaʻa nō nā mea hewa i waena o koʻu poʻe kānaka; Kiaʻi malū lākou, e like me ke kūlou ʻana o ka mea hoʻopahele manu; Kau nō lākou i ka ʻūpiki, A paʻa nō nā kānaka iā lākou.

KA WĀNANA A IEREMIA 8:6

“Hoʻolohe akula au, a lohe, ʻAʻole lākou i ʻōlelo pololei; ʻAʻohe kanaka i mihi i kona hewa, Me ka ʻōlelo iho, ‘He aha kaʻu i hana ai?’ Huli nō kēlā mea kēia mea i kona ʻaoʻao, E like me ka lio i holo ʻino i loko o ke kaua.

KE KANIKAU A IEREMIA 4:18

Hoʻohālua lākou i ko mākou hele ʻana, I ʻole ai mākou e hele ma nā alanui; Ua kokoke ko mākou hope, ua piha ko mākou mau lā; no ka mea, ua hiki mai ko mākou hope.

KA WĀNANA A ʻEZEKIʻELA 22:12

“Ma loko ou ua lawe lākou i nā kīpē e hoʻokahe i ke koko; ua lawe ʻoe i ke kuala a me ka uku paneʻe, a ua loaʻa iā ʻoe me ka makeʻe, ʻo kā kou mau hoalauna, ma ka hoʻoluhi hewa, a ua hoʻopoina mai iaʻu,” wahi a Iēhova ka Haku.

KA WĀNANA A ʻEZEKIʻELA 24:6

¶ ‘No laila, ke ʻī mai nei Iēhova ka Haku penei: “Auē ke kūlanakauhale koko, Ka ipu baila o kona lepohao ma loko, ʻAʻole hoʻi i puka aku kona lepo mai loko aku ona! E lawe mai ia i waho pākahi nā ʻāpana, ʻAʻole e hāʻule ka pōhaku pū ma luna ona.

HOSEA 5:1

¶ E hoʻolohe ʻoukou i kēia, e nā kāhuna, E hāliu mai ʻoukou, e ko ka hale o kā ʻIseraʻela, A e lohe nā pepeiao, e ko ka hale o ke aliʻi; No ka mea, no ʻoukou ka hoʻohewa, No ka mea, ua lilo ʻoukou i pahele ma Mizepa, A i ʻupena hohola hoʻi ma luna o Tabora.

HOSEA 6:9

E like me ka poʻe hao wale e hoʻohālua ana i ke kanaka; Pēlā nō ka poʻe kāhuna i pepehi wale ma ke ala o Sekema; No ka mea, ke hana nei lākou i ka mea ʻino.

MIKA 2:8

“ʻĀnō iho nei ua kūʻē mai kuʻu poʻe kānaka me he ʻenemi lā; Ke kāʻili nei ʻoukou i ka ʻaʻahu, A me ka lole komo o ka poʻe e hele maluhia ana, Me he poʻe lā e hoʻi ana, mai ke kaua mai.

MIKA 3:10

Ua kūkulu lākou iā Ziona me ke koko, A iā Ierusalema me ka hewa.

MIKA 3:2

“Ke inaina nei ʻoukou i ka maikaʻi, a makemake i ka hewa; Ke lole nei i ko lākou ʻili mai o lākou aku, A me ka haehae i ko lākou ʻiʻo mai ko lākou mau iwi aku;

ZEKARIA 11:6

“No ka mea, ʻaʻole au e minamina hou i ka poʻe kānaka o kēia ʻāina,” wahi a Iēhova; “aia hoʻi, e hoʻolilo auaneʻi au i kēlā kanaka i kēia kanaka i loko o ka lima o kona hoa, a i loko o ka lima o kona aliʻi; a e pepehi lākou i ko ka ʻāina, ʻaʻole hoʻi au e hoʻopakele aʻe mai loko aku o ko lākou lima.”

NĀ ʻOIHANA A KA POʻE LUNAʻŌLELO 24:9

ʻAe maila nā Iudaio, ʻī maila, “ʻOiaʻiʻo nō kēia mau mea.”

KA BUKE MUA A SAMUʻELA 24:11

“E nānā ʻoe, e kuʻu makua kāne, e nānā hoʻi i ka lepa o kou ʻaʻahu ma kuʻu lima; no ka mea, i kuʻu ʻoki ʻana i ka lepa o kou ʻaʻahu, ʻaʻole hoʻi i pepehi iā ʻoe, e nānā hoʻi, e ʻike ʻoe, ʻaʻole he hewa, ʻaʻole hoʻi he lawehala i loko o kuʻu lima, ʻaʻole nō au i hana hewa aku iā ʻoe; akā, ke ʻimi mai nei ʻoe i kuʻu ola e lawe aku ia.

KA BUKE MUA A SAMUʻELA 26:20

“ʻĀnō hoʻi, mai hoʻokahe ʻia kuʻu koko ma ka honua i mua i ke alo o Iēhova; no ka mea, ua hele mai nei ke aliʻi o kā ʻIseraʻela e ʻimi i ʻuku lele, e like me kekahi e ʻimi ai i ka manu ma nā mauna.”