MIKA 7:16 - Ka Baibala Hemolele

¹⁶ E ʻike mai nā lāhui kanaka, A e hilahila nō ko lākou ikaika a pau; A e kau lākou i ka lima ma luna o ka waha, E kuli hoʻi ko lākou mau pepeiao.

MIKA 7:16 Iomraidhean Croise

KA BUKE NO IOBA 21:5

“E nānā ʻoukou iaʻu a e pīhoihoi, A e kau ʻoukou i ka lima ma luna o ka waha.

KA BUKE NO IOBA 40:4

“Aia hoʻi, ua ʻinoʻino wau; He aha kaʻu e ʻekemu aku ai iā ʻoe? E kau aku au i kuʻu lima ma luna o kuʻu waha.

KA BUKE O NĀ HALELŪ 126:2

A laila, piha nō ko kākou waha i ka ʻakaʻaka, A me ko kākou alelo i ka hauʻoli; A laila, ʻōlelo nō lākou i waena o ko nā ʻāina ʻē, “Nani nā mea a Iēhova i hana mai ai no lākou lā.”

NĀ ʻŌLELO AKAMAI A SOLOMONA 30:32

¶ Inā he lapuwale ʻoe i kou hoʻokiʻekiʻe ʻana, Inā paha he manaʻo ʻino kou, e kau ana ka lima ma ka waha.

KA WĀNANA A ʻISAIA 26:11

¶ Ua hāpai ʻia kou lima, e Iēhova, ʻAʻole naʻe lākou i nānā; E ʻike nō naʻe lākou me ka hilahila, I kou aloha nui i nā kānaka ou, E ʻoiaʻiʻo nō, e ʻai nō ke ahi i kou poʻe ʻenemi.

KA WĀNANA A ʻISAIA 52:15

Pēlā nō ʻo ia e pīpī ai i nā lāhui kanaka, he nui loa; E hoʻopaʻa nā aliʻi i ko lākou waha i mua ona; No ka mea, e ʻike auaneʻi lākou i ka mea i haʻi ʻole ʻia iā lākou, A e noʻonoʻo pono lākou i ka mea a lākou i lohe ʻole ai.

KA WĀNANA A ʻISAIA 66:18

“A e ʻike auaneʻi au i kā lākou hana, a me ko lākou manaʻo; no ka mea, e hoʻākoakoa ʻia ko nā ʻāina a pau, a me ka poʻe ʻōlelo ʻē, a e hele mai nō lākou, a e ʻike i koʻu nani.

KA WĀNANA A ʻEZEKIʻELA 38:23

“Pēlā e hoʻonui ai au iaʻu iho, a e hoʻāno iho ai iaʻu iho; a e ʻike ʻia mai au e nā lāhui kanaka he nui; a e ʻike lākou ʻo wau nō Iēhova.”’

MIKA 3:7

A laila, e hilahila nā mea ʻike, A e pilihua ka poʻe wānana; A e uhi lākou a pau i ko lākou lehelehe; No ka mea, ʻaʻole ke Akua i hōʻike mai.

MIKA 5:8

A lilo ke koena o Iakoba I waena o ko nā ʻāina ʻē, I waena o nā lāhui kanaka he nui, E like me ka liona i waena o nā holoholona o ka ulu lāʻau, E like me ka liona ʻōpio i waena o ka ʻohana hipa; No ka mea, i kona hele ʻana aʻe, Hehi iho i lalo, a e haehae wale, ʻAʻohe mea nāna e hoʻopakele.

HAGAI 2:22

‘A e hoʻokahuli au i ka noho aliʻi o nā aupuni, a e hoʻolilo au i ka ikaika o nā aupuni kanaka ʻē i mea ʻole; e hoʻokahuli hoʻi au i nā hale kaʻa a me ka poʻe holo ma loko; a e hāʻule iho auaneʻi nā lio a me nā hoʻoholo lio, ʻo kēlā mea kēia mea o lākou, i ka pahi kaua a kona hoahānau.’

ZEKARIA 12:9

Eia hoʻi kekahi ia lā, e ʻimi auaneʻi au e hoʻopau ai i nā lāhui kanaka a pau, e hele kūʻē mai ana iā Ierusalema.

ʻO KA ʻEPISETOLE A PAULO KA LUNAʻŌLELO I KO ROMA 3:19

¶ Ua ʻike nō kākou, ʻo nā mea a ke Kānāwai i ʻōlelo mai ai, ua ʻōlelo nō ia i ka poʻe ma lalo o ke kānāwai; i paʻa nā waha a pau, a i lilo hoʻi ko ke ao nei a pau i hewa i mua o ke Akua.

KA HŌʻIKE ʻANA A IOANE KA HAIPULE 11:18

“Ua huhū akula ko nā ʻāina, a ua hiki mai kou inaina, a me ka manawa o ka poʻe make, i hoʻokolokolo ʻia lākou, a i hāʻawi ʻia nō hoʻi ka uku no kāu poʻe kauā, no ka poʻe kāula, a me ka poʻe haipule, a me ka poʻe i makaʻu i kou inoa, no ka poʻe liʻiliʻi, a no ka poʻe nui; i luku mai ʻoe i ka poʻe nāna i luku i ko ka honua.”