MIKA 7:11 - Ka Baibala Hemolele

¹¹ I ka lā e hana ʻia ai kou mau pā pōhaku, Ia lā e lawe loa ʻia aku ke kānāwai.

MIKA 7:11 Iomraidhean Croise

KA BUKE A NEHEMIA 2:17

¶ A laila, ʻōlelo akula au iā lākou, “Ke ʻike nei ʻoukou i ka pōpilikia i loaʻa iā kākou, ua neoneo ʻo Ierusalema, a ʻo nā puka ona ua pau i ke ahi; ʻauhea ʻoukou; ʻeā, e kūkulu kākou i ka pā o Ierusalema, i ʻole e hōʻino hou iā kākou.”

KA BUKE A NEHEMIA 2:8

a i palapala na ʻAsapa ka mea mālama i ko ke aliʻi ulu lāʻau, i hāʻawi mai ia iaʻu i mau lāʻau e kāpili ai i nā puka o ka pā kiaʻi o ka hale, a no ka pā o ke kūlanakauhale, a no ka hale hoʻi aʻu e komo ai.” A hāʻawi mai nō ke aliʻi iaʻu, ma muli o ka lima lokomaikaʻi o koʻu Akua ma luna oʻu.

KA BUKE A NEHEMIA 4:3

A aia ʻo Tobia, ka ʻAmona, ma kona ʻaoʻao; a ʻī aʻela ia, “ʻO kēia mea a lākou e uhau nei, ʻeā, inā e piʻi kekahi ʻalopeke ma luna iho, e hoʻohiolo nō ia i ko lākou pā pōhaku.”

KA BUKE A NEHEMIA 4:6

A uhau ihola mākou i ka pā; a hui ʻia ka pā a pau a hiki i ka waenakonu ona; no ka mea, he hoihoi ko ka poʻe kānaka e hana.

KA WĀNANA A ʻISAIA 54:11

¶ “E ka mea pōpilikia i hoʻoʻaleʻale ʻia, ʻAʻole hoʻi i aloha ʻia! E hoʻonoho wau i kou mau pōhaku ma loko o ka pena, A e hoʻokumu wau iā ʻoe ma nā pōhaku sapeiro.

KA WĀNANA A ʻISAIA 54:2

“A hoʻākea i kahi o kou halelewa, E hoʻopālahalaha hoʻi lākou i nā pākū o kou wahi e noho ai; Mai ʻauʻa, e hoʻolōʻihi i kou mau kaula, E hoʻopaʻa loa hoʻi i kou mau mākia;

KA WĀNANA A ʻISAIA 58:12

“ʻO ka poʻe mai loko aku ou, na lākou nō e hana hou i nā wahi neoneo kahiko, A e kūkulu hou hoʻi ma luna o nā kumu o nā hanauna he nui loa; A e kapa ʻia nō hoʻi ʻoe, ka mea hana hou i kahi nahā, Ka mea hoʻihoʻi mai i nā alanui, i wahi e noho ai.

KA WĀNANA A ʻISAIA 61:4

¶ E hana hou nō lākou i nā wahi i ʻānai ʻia ma mua, A e hoʻāla hou nō lākou i nā mea i hoʻohiolo kahiko ʻia, A e kūkulu hou lākou i nā kūlanakauhale i wāwahi ʻia, I nā mea neoneo hoʻi o nā hanauna he nui loa.

KA BUKE NO DANIʻELA 9:25

“E ʻike ʻoe, a e noʻonoʻo hoʻi, mai ka puka ʻana mai o ke kauoha e hoʻihoʻi, a e kūkulu iā Ierusalema, a hiki aku i ka Mesia, ke Aliʻi, ʻehiku ia hebedoma, a he kanaono a me kumamālua hebedoma; a laila e kūkulu hou ʻia nā alanui, a me ka pā, i nā manawa pōpilikia nō.