MIKA 7:10 - Ka Baibala Hemolele

¹⁰ A e ʻike kou ʻenemi ia mea, A e uhi mai ka hilahila i ka mea i ʻōlelo mai ai iaʻu, “ʻAuhea ʻo Iēhova kou Akua?” E ʻike auaneʻi koʻu mau maka iā ia; ʻĀnō e hehi ʻia ʻo ia i lalo, e like me ka lepo o nā alanui.

MIKA 7:10 Iomraidhean Croise

KA BUKE ʻALUA A SAMUʻELA 22:43

“A laila pākuʻikuʻi aku au iā lākou a okaoka me he lepo lā o ka honua; A hehi ihola au iā lākou a like me ka nenelu o ke alanui, A hoʻopēpē ihola au iā lākou.

KA BUKE O NĀ HALELŪ 109:29

E kāhiko ʻia koʻu poʻe ʻenemi i ka hoʻopalai maka, A e uhi nō lākou iā lākou iho i ka hilahila me he holokū lā.

KA BUKE O NĀ HALELŪ 115:2

No ke aha lā i ʻōlelo mai ai ko nā ʻāina ʻē, “ʻAuhea ko lākou Akua?”

KA BUKE O NĀ HALELŪ 18:42

A laila, ua pākuʻikuʻi au iā lākou a okaoka me he lepo lā i mua o ka makani; Ua kiola aku au iā lākou e like me ka lepo ma ke alanui.

KA BUKE O NĀ HALELŪ 35:26

E hoka a e hoʻohilahila pū ʻia nō hoʻi ka poʻe hauʻoli i koʻu pōʻino; E hōʻaʻahu ʻia me ka hilahila a me ka hōʻino ʻia ka poʻe haʻanui kūʻē mai iaʻu.

KA BUKE O NĀ HALELŪ 42:10

Me he pahi kaua lā i loko o koʻu mau iwi, Ke hōʻino mai nei koʻu poʻe ʻenemi iaʻu; I kā lākou ʻōlelo ʻana mai iaʻu i kēlā lā i kēia lā, “ʻAuhea lā kou Akua?”

KA BUKE O NĀ HALELŪ 42:3

Ua lilo koʻu mau waimaka i ʻai naʻu i ke ao a me ka pō, Iā lākou i ʻōlelo mau mai ai iaʻu, “ʻAuhea kou Akua?”

KA BUKE O NĀ HALELŪ 58:10

¶ E hauʻoli ka mea pono i kona ʻike ʻana i ka hoʻopaʻi ʻana; E holoi ʻo ia i kona mau kapuaʻi i ke koko o ka mea hewa.

KA BUKE O NĀ HALELŪ 79:10

No ke aha lā e ʻōlelo mai ai ko nā ʻāina ʻē, “ʻAuhea lā ko lākou Akua?” Inā e ʻike ʻia ʻo ia e ko nā ʻāina ʻē i mua o ko mākou mau maka, E hoʻopaʻi ana i ke koko o kāu poʻe kauā i hoʻokahe ʻia.

KA BUKE O NĀ HALELŪ 92:12

E ulu nō ka poʻe pono e like me ka lāʻau pāma; E māhuahua aʻe nō hoʻi ia, e like me ke kedera ma Lebanona.

KA WĀNANA A ʻISAIA 26:11

¶ Ua hāpai ʻia kou lima, e Iēhova, ʻAʻole naʻe lākou i nānā; E ʻike nō naʻe lākou me ka hilahila, I kou aloha nui i nā kānaka ou, E ʻoiaʻiʻo nō, e ʻai nō ke ahi i kou poʻe ʻenemi.

KA WĀNANA A ʻISAIA 41:25

¶ “Ua hoʻāla aku au i kekahi, mai ka ʻākau mai, a e hele ʻiʻo mai nō ia; E kāhea mai nō ʻo ia i koʻu inoa, mai kahi e puka mai ai ka lā; A e hele mai nō ʻo ia ma luna o nā aliʻi e like me ka lepo, E like hoʻi me ko ka potera hahi ʻana i ka lepo kāwili.”

KA WĀNANA A IEREMIA 49:15

“No ka mea, aia hoʻi, e hoʻolilo nō wau iā ʻoe i mea ʻuʻuku i waena o nā ʻāina, A e hoʻowahāwahā ʻia nō ʻoe e nā kānaka.

KA WĀNANA A IEREMIA 51:24

¶ “A ma luna o Babulona, a ma luna o ka poʻe e noho lā ma Kaledea, e hoʻihoʻi nō wau i ka hewa a pau a lākou i hana ai, ma Ziona, i mua o kou mau maka,” wahi a Iēhova.

KA WĀNANA A IEREMIA 51:51

Ua hoʻohilahila ʻia mākou; no ka mea, ua lohe mākou i ka hoʻowahāwahā; Ua uhi ʻia ko mākou maka i ka hilahila; No ka mea, ua hiki mai nā malihini i loko o nā keʻena kapu o ka hale o Iēhova.

KA WĀNANA A ʻEZEKIʻELA 7:18

‘E kāʻei lākou i ke kapa ʻino, a e uhi mai ka makaʻu iā lākou; a e kau ka hilahila ma luna o nā wahi maka a pau, a me ka ʻōhule ma ko lākou mau poʻo a pau.

KA BUKE NO DANIʻELA 3:15

“Inā hoʻi e noho mākaukau ʻoukou, i ka wā a ʻoukou e lohe ai i ka leo o ka pū, a me ka ʻohe, a me ka lira, a me ka hōkiokio, a me ka dukima, a me ka viola ʻumi, a me nā mea kani a pau, a e moe iho ʻoukou e hoʻomana aku i ke kiʻi gula aʻu i kūkulu ai, ua pono; akā, i ʻole ʻoukou e hoʻomana aku, ia hora nō, e hoʻolei ʻia ai ʻoukou i loko o ka umu ahi e ʻaʻā ana. A ʻo wai lā ke Akua nāna ʻoukou e hoʻopakele mai kuʻu lima aku?”

IOʻELA 2:17

I waena o ka lānai a me ke kuahu e auē iho nā kāhuna, nā lawehana a Iēhova, A e ʻōlelo aku lākou, “E ahonui mai, e Iēhova, i kou poʻe kānaka, A mai hāʻawi aku i kou hoʻoilina i ka hōʻino ʻia mai, I noho aliʻi ai nā lāhui kanaka ʻē ma luna o lākou; No ke aha lā e ʻōlelo aʻe lākou, i waena o nā kānaka, ‘ʻAuhea ko lākou Akua?’”

ʻOBADIA 1:10

¶ “No ka luku ʻana a no ka hana ʻino i kou hoahānau iā Iakoba, e uhi mai ka hilahila iā ʻoe, A e luku loa ʻia aku ʻoe.

ʻOBADIA 1:12

“ʻAʻole naʻe i pono kou nānā ʻana i ka lā o kou hoahānau, I ka lā o kona malihini ʻana; ʻAʻole hoʻi he pono kou hauʻoli ʻana ma luna o nā mamo a Iuda, I ka lā i luku ʻia ai lākou; ʻAʻole pono kāu ʻōlelo hoʻokiʻekiʻe ʻana i ka wā i pilikia ai lākou.

MIKA 4:11

“ʻĀnō hoʻi, ua nui nā lāhui kanaka i ʻākoakoa kūʻē mai iā ʻoe, Ka mea e ʻōlelo ana, ‘E hoʻohaumia ʻia ʻo ia, A e nānā aku ko kākou maka i Ziona.’

MIKA 7:8

Mai hauʻoli ʻoe ma luna oʻu, e koʻu ʻenemi; No ka mea, a i hāʻule iho au, e ala hou aʻe nō; A i noho au i ka pouli, ʻo Iēhova ka mālamalama noʻu.

ZEPANIA 3:15

Ua lawe akula ʻo Iēhova i kou hoʻohewa ʻia ʻana, Ua kipaku akula i kou poʻe ʻenemi; ʻO Iēhova ke Aliʻi o kā ʻIseraʻela, ʻo ia nō i waena ou; ʻAʻole hoʻi ʻoe e ʻike hou i ka hewa.

ZEKARIA 10:5

“A e like auaneʻi lākou me nā koa, E hehi iho ana i ka nenelu o nā alanui i loko o ke kaua; A e hoʻokaua aku lākou; No ka mea, me lākou pū ʻo Iēhova, A e hoʻohoka ʻia ka poʻe hoʻoholo lio.

MALAKI 1:5

A e ʻike auaneʻi ko ʻoukou mau maka, a e ʻōlelo aku ʻoukou, “E hoʻonui ʻia auaneʻi ʻo Iēhova mai ka palena aku o ʻIseraʻela.”

MALAKI 4:3

“A e hehi iho ʻoukou i ka poʻe ʻaiā; a e lilo lākou i lehu ma lalo iho o ko ʻoukou mau wāwae, i ka lā aʻu e hana ai i kēia,” wahi a Iēhova o nā kaua.

KA ʻEUANELIO I KĀKAU ʻIA AI E MATAIO 27:43

“«Ua paulele aku nō ia i ke Akua, a inā makemake mai ke Akua iā ia, e hoʻōla mai kēlā iā ia ʻānō»; no ka mea, ua ʻōlelo mai nō ia, ‘ʻO wau nō ke Keiki a ke Akua.’”

KA BUKE A IOSUA 7:9

“E lohe auaneʻi ko Kanaʻana, a me ka poʻe a pau e noho lā ma ka ʻāina, a e hoʻopuni mai lākou iā mākou, a e hōʻoki loa lākou i ko mākou inoa, mai ka honua aku. Pehea lā ʻoe e hana ai i kou inoa nui?”

KA HŌʻIKE ʻANA A IOANE KA HAIPULE 18:20

“E ka lani, e hauʻoli ʻoe ma luna ona, ʻo ʻoukou hoʻi, e ka poʻe lunaʻōlelo hemolele, a me nā kāula; no ka mea, ua hoʻohewa ke Akua iā ia no ʻoukou.”