MIKA 7:1 - Ka Baibala Hemolele

¹ ¶ Auē iaʻu! No ka mea, ua like au Me ka ʻohi ʻai ʻana o ke kau, e like me nā koena hua waina o ka ʻohi ʻana; ʻAʻohe huhui e ʻai ai; Makemake ihola kuʻu naʻau i ka hua fiku mua.

MIKA 7:1 Iomraidhean Croise

KA BUKE O NĀ HALELŪ 120:5

¶ Auē hoʻi au i koʻu noho malihini ʻana ma Meseka, I koʻu noho ʻana hoʻi ma nā halelewa o Kedara!

NĀ ʻŌLELO AKAMAI A SOLOMONA 20:6

E haʻi aku ka nui o nā kānaka i ko lākou pono iho; ʻO ke kanaka hana ʻoiaʻiʻo, iā wai lā i loaʻa ai ia?

KA WĀNANA A ʻISAIA 17:6

E waiho ʻia nō kekahi koena ʻai nāna, E like me nā ʻoliva i lūlū ʻia, A koe ʻelua, a ʻekolu paha hua ma nā wēlau o nā lālā luna; ʻEhā, a ʻelima paha, ma nā lālā waho hua nui, Wahi a Iēhova ke Akua o kā ʻIseraʻela.

KA WĀNANA A ʻISAIA 24:13

Pēlā nō auaneʻi ma waenakonu o ka ʻāina, Ma waena hoʻi o nā kānaka, E like me ka lāʻau ʻoliva i lūlū ʻia, E like hoʻi me ka hoʻoʻiliʻili hope ʻana, I ka wā i pau ai ka hua waina i ka ʻohi ʻia.

KA WĀNANA A ʻISAIA 24:16

Ua lohe kākou i ke ʻoli ʻana, mai ke kihi o ka honua mai, “He nani ka poʻe i pono!” ʻĪ akula nō hoʻi au, “Kuʻu make ē, kuʻu make ē! Auē hoʻi au! Ke luku nei ka poʻe luku, ʻO ka poʻe luku, ke luku nei, he luku ʻino.”

KA WĀNANA A ʻISAIA 28:4

Ka pua mae wale o kona nani maikaʻi, Ka mea ma ke poʻo o ka pāpū momona, E like auaneʻi ia me ka hua mua o ke kau, ʻO ka mea nānā aku a ʻike ia mea, Moni koke nō ia i ka loaʻa ʻana i kona lima.

KA WĀNANA A ʻISAIA 6:5

A laila, ʻōlelo ihola au, “Auē au! Ua make au; No ka mea, he kanaka lehelehe haumia au, A ke noho nei au i waena o ka lāhui kanaka lehelehe haumia; No ka mea, ua ʻike koʻu mau maka i ke Aliʻi, iā Iēhova o nā kaua.”

KA WĀNANA A IEREMIA 15:10

¶ Auē hoʻi au, e kuʻu makuahine; No ka mea, ua hānau mai ʻoe iaʻu, He kanaka hakakā, he kanaka paio no ko ka honua a pau! ʻAʻole au i hoʻolimalima kālā ma ke kuala, ʻAʻole hoʻi i ʻaiʻē kālā ma ke kuala; Akā, ke hāʻiliʻili mai nei kēlā mea kēia mea o lākou iaʻu.

KA WĀNANA A IEREMIA 24:2

Hoʻokahi hīnaʻi fiku maikaʻi loa, e like me nā fiku oʻo mua; a ʻo kēlā hīnaʻi, he fiku ʻinoʻino, ʻaʻole pono ke ʻai ʻia, no ko lākou ʻinoʻino loa.

KA WĀNANA A IEREMIA 4:31

No ka mea, ua lohe nō au i ka leo, e like me ko ka wahine e hānau keiki ana, A i ke kuakoko, e like me ko ka wahine i hānau i kāna hiapo, I ka leo hoʻi o ke kaikamahine o Ziona e kūmākena ana iā ia iho, E hohola ana hoʻi i kona mau lima, me ka ʻōlelo iho, “Auē au ʻānō! No ka mea, ua paupauaho kuʻu ʻuhane No ka poʻe pepehi kanaka!”

KA WĀNANA A IEREMIA 45:3

‘Ua ʻōlelo mai nō ʻoe, “ʻĀnō lā, auē iaʻu! No ka mea, ua hoʻoili mai ʻo Iēhova i ke kaumaha ma luna o koʻu ʻeha. Maʻule nō au i koʻu kaniʻuhū ʻana, ʻaʻole loaʻa iaʻu ka hoʻomaha.”’

KA WĀNANA A IEREMIA 5:1

¶ “E holoholo ʻoukou ma nā alanui o Ierusalema, A e nānā, a e hoʻomaopopo, A e ʻimi ma ko laila wahi ākea, Inā paha e loaʻa iā ʻoukou ke kanaka, Inā he mea hana i ka pono, A ʻimi i ka ʻoiaʻiʻo; A naʻu e kala aku i ka hala ona.

HOSEA 9:10

¶ Ua loaʻa iaʻu kā ʻIseraʻela e like me nā hua waina ma ka wao nahele; Ua ʻike au i ko ʻoukou poʻe kūpuna, e like me ka hua mua ma ka lāʻau fiku i kona hua mua ʻana; Akā, hele akula lākou iā Baʻala Peora, a hoʻokaʻawale iā lākou iho no ka mea hilahila; A ʻo nā mea hoʻowahāwahā ʻia, ua like me ko lākou makemake.

KA BUKE ʻAHĀ A MOSE, I KAPA ʻIA NĀ HELU 18:13

“ʻO nā mea a pau i oʻo mua ma ka ʻāina, a lākou e lawe mai ai na Iēhova, ʻo kāu ia; ʻo ka poʻe a pau i maʻemaʻe ma kou hale, e ʻai lākou ia.