MIKA 6:2 - Ka Baibala Hemolele

² “A hoʻolohe ʻoukou, e nā mauna i ka hoʻopaʻapaʻa o Iēhova, A me ʻoukou nā kumu paʻa o ka honua; No ka mea, he hoʻopaʻapaʻa ko Iēhova me kona poʻe kānaka, A e hoʻopaʻapaʻa nō ia me kā ʻIseraʻela.

MIKA 6:2 Iomraidhean Croise

KA BUKE ʻALUA A SAMUʻELA 22:16

“A laila ua ʻikea nā kaha o ke kai, Ua hōʻike ʻia mai nō hoʻi nā kumu o ka honua, I ka pāpā ʻana mai o Iēhova, I ka nou ʻana mai o ka hanu o kona mau puka ihu.

KA BUKE ʻALUA A SAMUʻELA 22:8

“A laila naue ihola ka honua me ka haʻalulu; Neʻe akula nā kumu o nā lani, A nāueue aʻela hoʻi no kona inaina.

KA BUKE O NĀ HALELŪ 104:5

¶ Ua hoʻopaʻa ʻo ia i ka honua ma luna o kona kumu, I ʻole ia e nāueue, a mau loa aku.

NĀ ʻŌLELO AKAMAI A SOLOMONA 8:29

“I kona kau ʻana i ke kānāwai no ka moana, I ʻole e hū wale aku nā kai ma mua ona; I kona hoʻokumupaʻa ʻana i ka honua;

KA WĀNANA A ʻISAIA 1:18

¶ “E hele mai hoʻi, e kīkē kākou,” wahi a Iēhova; “Inā paha i like ko ʻoukou hewa me nā kapa ʻula, E keʻokeʻo auaneʻi ia me he hau lā; Inā paha i ʻula loa e like me ka mea ʻulaʻula, E like auaneʻi ia me he hulu hipa lā.

KA WĀNANA A ʻISAIA 3:13

¶ Ke kū nei nō ʻo Iēhova e hoʻākāka mai, Ua kū nō ia i luna e hoʻoponopono i nā kānaka.

KA WĀNANA A ʻISAIA 43:26

“E hoʻoʻeuʻeu mai ʻoe i koʻu manaʻo; E hoʻoponopono pū kākou; E haʻi mai hoʻi ʻoe, i hoʻāpono ʻia mai ai ʻoe.

KA WĀNANA A ʻISAIA 5:3

¶ “ʻĀnō hoʻi, e ka poʻe e noho ana ma Ierusalema, A me nā kānaka o kā Iuda, E hoʻoponopono ʻoukou i waena oʻu, a me koʻu pā waina.

KA WĀNANA A IEREMIA 2:9

¶ “No laila, e paio aku au iā ʻoukou,” wahi a Iēhova, “A e paio aku nō hoʻi au i nā keiki a kā ʻoukou keiki.

KA WĀNANA A IEREMIA 25:31

‘E hiki mai nō ka uwalaʻau, mai nā kūkulu mai o ka honua; No ka mea, he paio nō kā Iēhova me ko nā ʻāina, E hoʻoponopono nō ʻo ia ma luna o nā mea ʻiʻo a pau; E hāʻawi nō hoʻi ʻo ia i ka poʻe hewa i ka pahi kaua,’ wahi a Iēhova.”

KA WĀNANA A IEREMIA 31:37

Ke ʻōlelo mai nei ʻo Iēhova penei, “Inā e hiki ke ana ʻia ka lani i luna, A e huli ʻia hoʻi nā kumu o ka honua i lalo, A laila, e haʻalele nō au i nā mamo a pau o kā ʻIseraʻela, No nā mea a pau a lākou i hana ai,” wahi a Iēhova.

HOSEA 12:2

He paio hoʻi ko Iēhova me kā Iuda, A e hoʻopaʻi aku ʻo ia iā Iakoba e like me kona mau ʻaoʻao; E hoʻouku aku kēlā iā ia e like me kāna hana.

HOSEA 12:3

I loko o ka ʻōpū hoʻopaʻa aku ʻo ia i ke kuʻekuʻe wāwae o kona kaikuaʻana, A ma kona ikaika hakakā pū ia me ke Akua.

HOSEA 4:1

¶ E hoʻolohe ʻoukou, e nā mamo a ʻIseraʻela, i ka ʻōlelo a Iēhova; No ka mea, he hakakā ko Iēhova me nā kānaka o ka ʻāina; No ka mea, ʻaʻohe ʻoiaʻiʻo, ʻaʻohe aloha, ʻAʻohe ʻike i ke Akua ma ka ʻāina.

MIKA 6:1

¶ E hoʻolohe mai ʻoukou ʻānō i ka mea a Iēhova i ʻōlelo mai ai; “E kū i luna, e hakakā i mua o nā mauna, A e hoʻolohe nā puʻu i kou leo.

KA BUKE ʻALIMA A MOSE, I KAPA ʻIA KĀNĀWAI LUA 32:22

‘No ka mea, ua hoʻaʻā ʻia ke ahi e kuʻu inaina, A e ʻenaʻena ia a hiki i lalo lilo i ka pō; A e hoʻopau ia i ka honua a me kona hua iho, A e puhi ia i ke ahi i nā kumu mauna.

KA BUKE ʻALIMA A MOSE, I KAPA ʻIA KĀNĀWAI LUA 4:26

ke haʻi aku nei au i kēia lā, he ʻike maka ka lani a me ka honua iā ʻoukou, e make koke ana ʻoukou, mai ka ʻāina aku a ʻoukou e hele aku ma kēlā kapa o Ioredane e noho ai; ʻaʻole e noho lōʻihi ʻoukou ma laila; akā, e luku loa ʻia aku ʻoukou.