MIKA 5:5 - Ka Baibala Hemolele

⁵ A ʻo ia ka Mea e maluhia ai, I ka manawa e hele mai ai ko ʻAsuria, ma ko kākou ʻāina; A i ka wā e hele ai ia i loko o ko kākou mau hale aliʻi, A laila, e hoʻokūʻē kākou iā ia i nā kahu hipa ʻehiku, A me nā aliʻi, nā kānaka ʻewalu.

MIKA 5:5 Iomraidhean Croise

KA BUKE NO IOBA 5:19

“I loko o nā pilikia ʻeono e hoʻopakele mai ʻo ia iā ʻoe; A i loko o ka hiku hoʻi, ʻaʻole e hoʻopā mai ka ʻino iā ʻoe.

KA BUKE O NĀ HALELŪ 72:7

E mohala aʻe ka poʻe pono i kona mau lā, A me ka pōmaikaʻi nui a e ʻole loa ka mahina.

NĀ ʻŌLELO AKAMAI A SOLOMONA 30:18

¶ ʻEkolu mau mea kupanaha loa iaʻu, ʻEhā hoʻi, ʻaʻole au i ʻike iho.

NĀ ʻŌLELO AKAMAI A SOLOMONA 30:29

¶ ʻEkolu mau mea, i maikaʻi ka hele ʻana, ʻEhā hoʻi i maikaʻi ke hele aʻe.

NĀ ʻŌLELO AKAMAI A SOLOMONA 6:16

¶ ʻO kēia mau mea ʻeono, he mau mea e inaina mai ai ʻo Iēhova; ʻEhiku hoʻi e hoʻopailua ai ʻo kona naʻau.

KE KAHUNA 11:2

E puʻunaue aku na nā mea ʻehiku, a me nā mea ʻewalu paha; no ka mea, ʻaʻole ʻoe i ʻike i ka hewa e hiki mai ana ma luna o ka honua.

KA WĀNANA A ʻISAIA 14:25

“E luku ʻia auaneʻi ko ʻAsuria ma kuʻu ʻāina, e hahi nō wau iā ia ma luna o koʻu kuahiwi; e lawe ʻia kāna ʻauamo mai o lākou aku, e hāʻule hoʻi kona mea kaumaha mai luna mai o ko lākou poʻohiwi.

KA WĀNANA A ʻISAIA 44:28

“Ka Mea ʻōlelo no Kuro, ‘ʻO ia kaʻu kahu hipa, Nāna nō e hana i koʻu makemake a pau.’ Ka mea i ʻōlelo iā Ierusalema, ‘E hana hou ʻia nō ʻoe,’ A i ka luakini hoʻi, ‘E hoʻokumu ʻia hoʻi ʻoe.’”

KA WĀNANA A ʻISAIA 59:19

A e makaʻu nō lākou i ka inoa ʻo Iēhova, mai ke komohana mai, A i kona nani hoʻi, mai ka puka ʻana a ka lā mai; I ka wā e komo mai ai ia e like me ke kahawai hāiki, Na ka ʻUhane o Iēhova e kau ana i ka hae kūʻē.

KA WĀNANA A ʻISAIA 65:8

¶ Ke ʻōlelo mai nei ʻo Iēhova penei, E like me ka waina hou i loaʻa ma loko o ka huhui waina, A ʻōlelo kekahi, ‘Mai kiola ia; no ka mea, ma loko ona ka mea e pōmaikaʻi ai,’ Pēlā nō wau e hana ai no kaʻu poʻe kauā, I ʻole ai au e luku iā lākou a pau.

KA WĀNANA A ʻISAIA 7:14

“No laila, na ka Haku ponoʻī nō e hāʻawi mai iā ʻoukou i hōʻailona; aia hoʻi! E hāpai ana nō kekahi wahine puʻupaʻa, a e hānau mai hoʻi ia i keiki, a e kapa aku nō ʻo ia i kona inoa, ʻo ʻImanuʻela.

KA WĀNANA A IEREMIA 33:15

‘Ia mau lā, a ia manawa, naʻu nō e hoʻoulu no Dāvida i ka Lālā o ka pono; a nāna nō e hana i ka hoʻopono, a me ka pololei ma ka ʻāina.

ʻAMOSA 1:3

¶ Penei kā Iēhova i ʻōlelo ai, “No nā hala ʻekolu o Damaseko, a me ka hā, ʻaʻole au e hoʻololi aʻe i kona hoʻopaʻi ʻia; No ka mea, ua hehi lākou i ko Gileada me ka mea hao e hehi palaoa ai.

ʻAMOSA 1:6

¶ Ke ʻōlelo mai nei ʻo Iēhova, penei, “No nā hala ʻekolu o Gaza, a me ka hā, ʻaʻole au e hoʻololi aʻe i kona hoʻopaʻi ʻia; No ko lākou lawe pio ʻana i ka poʻe pio a pau, A hāʻawi aku iā lākou i kā ʻEdoma.

ZEKARIA 10:11

“A e hele aku ia ma waena o ke kai me ka pilikia, Akā, e hahau ia i nā ʻale o ke kai, A e hoʻomaloʻo ia i nā wahi hohonu a pau o ka Muliwai; E hoʻohiolo ʻia ke kiʻekiʻe o ʻAsuria, A e lawe ʻia aku ke koʻokoʻo mōʻī o ʻAigupita.

ZEKARIA 10:3

“Hoʻā ʻia akula kuʻu inaina i nā kahu hipa, A e hoʻopaʻi auaneʻi au i ka poʻe kao kāne. No ka mea, na Iēhova o nā kaua e ʻike mai i kona ʻohana, i ka ʻohana a Iuda; A e hoʻolike iā lākou me kona lio maikaʻi i loko o ke kaua.

ZEKARIA 12:6

“Ia lā lā, e hoʻolilo au i nā luna o kā Iuda e like me ke kapuahi i waena o ka wahie, a e like hoʻi me ka lama ahi i loko o ka pūʻā pili; a e hoʻopau auaneʻi lākou i nā kānaka a pau e puni ana ma ka ʻākau a ma ka hema; a e hoʻonoho hou ʻia ʻo Ierusalema ma kona wahi, ma Ierusalema.

ZEKARIA 9:10

E hoʻopau auaneʻi hoʻi au i nā hale kaʻa mai ko ʻEperaima aku, A me ka lio mai Ierusalema aku; E hōʻoki ʻia hoʻi ke kakaka kaua; A e haʻi aku auaneʻi ʻo ia i ka maluhia i nā lāhui kanaka; A mai kekahi kai a hiki i kēlā kai kona aupuni, A mai ka Muliwai aku a hiki i nā palena o ka honua.

ZEKARIA 9:13

No ka mea, e lena auaneʻi au i kā Iuda noʻu, E lena hoʻi au i kā ʻEperaima e like me ke kakaka, A laila e hōʻeuʻeu aʻe hoʻi au i kāu mau keiki, e Ziona; E kūʻē i kāu mau keiki, e Iavana, A e hoʻolilo au iā ʻoe e like me ka pahi kaua a ke kanaka koa.

KA ʻEUANELIO I KĀKAU ʻIA AI E LUKA 2:14

“E hoʻonani ʻia ke Akua ma nā lani kiʻekiʻe loa, A he malu hoʻi ma ka honua; he aloha nō i kānaka.”

KA ʻEUANELIO I KĀKAU ʻIA AI E IOANE 14:27

“He aloha kaʻu e waiho aku ai iā ʻoukou, ʻo kuʻu aloha kaʻu e hāʻawi aku ai iā ʻoukou; ʻaʻole like me ka hāʻawi ʻana o ko ke ao nei, kaʻu hāʻawi ʻana aku iā ʻoukou. Mai hoʻokaumaha ʻia ko ʻoukou naʻau, a mai makaʻu hoʻi.

KA ʻEUANELIO I KĀKAU ʻIA AI E IOANE 16:33

“Ua ʻōlelo aku au iā ʻoukou i kēia mau mea, i loaʻa ai iā ʻoukou ka maluhia i loko oʻu. I loko o ke ao nei e loaʻa iā ʻoukou ka pōpilikia; akā, e hoʻolana ʻoukou; ua lanakila wau ma luna o ke ao nei.”

KA HŌʻIKE ʻANA A IOANE KA HAIPULE 17:14

“E kaua aku lākou nei i ke Keiki Hipa, a e lanakila mai ke Keiki Hipa ma luna o lākou; no ka mea, ʻo ia ka Haku o nā haku, a me ke Aliʻi o nā aliʻi; a ʻo ka poʻe pū me ia, ua hea ʻia mai lākou, a ua wae ʻia hoʻi, a ua paulele pono.”

KA HŌʻIKE ʻANA A IOANE KA HAIPULE 19:14

Hahai maila iā ia ka poʻe kaua o ka lani ma nā lio keʻokeʻo, a ua ʻaʻahu ʻia i ka lole nani keʻokeʻo aʻiaʻi.