MIKA 5:4 - Ka Baibala Hemolele

⁴ A e kū mai nō ia, e hānai ma ka ikaika o Iēhova, Ma ka mana o ka inoa ʻo Iēhova kona Akua; A e noho iho lākou; No ka mea, ʻānō e nui auaneʻi ʻo ia A hiki i nā palena o ka honua.

MIKA 5:4 Iomraidhean Croise

KA BUKE O NĀ HALELŪ 145:12

E hōʻikeʻike aku i kona mau mea nui i nā keiki a kānaka, A me ka nani hanohano o kona aupuni.

KA BUKE O NĀ HALELŪ 22:27

E hoʻomanaʻo iho, a e huli mai nō iā Iēhova, nā welelau a pau o ka honua; E pau nō nā ʻohana o nā lāhui kanaka i ka hoʻomana i mua ou;

KA BUKE O NĀ HALELŪ 72:19

E hoʻonani mau loa ʻia aku kona inoa ʻihi, E hoʻopaʻapū ʻia ka honua a pau i kona nani. ʻĀmene, a ʻĀmene.

KA BUKE O NĀ HALELŪ 72:8

¶ E hoʻomalu aupuni ʻo ia mai ke kai a i ke kai, A mai ka Muliwai hoʻi a i nā welelau o ka honua.

KA BUKE O NĀ HALELŪ 93:1

¶ Ke noho aupuni nei ʻo Iēhova, Ua kāhiko ʻia ʻo ia i ka hanohano; Ua kāhiko ʻia ʻo Iēhova i ka ikaika, Ua kākoʻo nō ʻo ia iā ia iho; Ua hoʻokumupaʻa loa ʻia ke ao nei, ʻAʻole ia e hoʻonāueue ʻia.

KA BUKE O NĀ HALELŪ 98:3

Ua hoʻomanaʻo mai ʻo ia i kona lokomaikaʻi, A me kona ʻoiaʻiʻo i ko ka hale o kā ʻIseraʻela; Ua ʻike nō nā kihi a pau o ka honua I ka hoʻōla ʻana o ko kākou Akua.

KA BUKE ʻALUA A MOSE, I KAPA ʻIA PUKA ʻANA 23:21

“E ao iā ia e hoʻolohe i kona leo, mai hoʻohuhū aku iā ia; no ka mea, ʻaʻole ia e kala mai i kou hewa; aia hoʻi, ma loko ona koʻu inoa.

KA WĀNANA A ʻISAIA 45:22

“E hāliu mai ʻoukou iaʻu a e hoʻōla ʻia nō ʻoukou, E nā kūkulu o ka honua; No ka mea, ʻo wau nō ke Akua, ʻaʻohe mea ʻē aʻe.

KA WĀNANA A ʻISAIA 49:5

¶ ʻĀnō ke ʻōlelo mai nei ʻo Iēhova, Ka Mea i hana mai iaʻu i Kauā nāna, mai ka ʻōpū mai, I mea hoʻi e hoʻihoʻi mai i kā Iakoba iā ia, Inā e hoʻākoakoa ʻole ʻia kā ʻIseraʻela, E nani ʻiʻo nō naʻe au ma nā maka o Iēhova, ʻO koʻu Akua hoʻi ʻo ia koʻu ikaika.

KA WĀNANA A ʻISAIA 52:10

Ua hōʻike ʻo Iēhova i kona lima hemolele i mua o nā maka o nā lāhui kanaka a pau; A e ʻike auaneʻi nā kūkulu a pau o ka honua i ka hoʻōla ʻana o ko kākou Akua.

KA WĀNANA A ʻISAIA 52:13

¶ Aia hoʻi, e pōmaikaʻi ana kaʻu Kauā, E hāpai ʻia nō hoʻi ia, a e hoʻokiʻekiʻe ʻia, A e kiʻekiʻe loa auaneʻi ʻo ia.

KA WĀNANA A ʻISAIA 8:7

“No laila, aia hoʻi! E lawe mai nō ka Haku ma luna o lākou, I nā wai he ikaika a he nui, o ka Muliwai, I ke aliʻi hoʻi o ʻAsuria, a me kona hanohano aliʻi a pau, A e hū nō ia ma waho o kona māno wai a pau, A e kahe hoʻi ma luna o kona mau kapa a pau.

MIKA 7:14

¶ E hānai ʻoe i kou poʻe kānaka me kou koʻokoʻo, Ka poʻe o kou hoʻoilina, Ka poʻe e noho mehameha ana ma ka ulu lāʻau, I waena o Karemela; E ʻai lākou ma Basana, a ma Gileada, E like me ka manawa kahiko.

ZEKARIA 13:7

¶ “E ka pahi kaua, e ala kūʻē ʻoe i kuʻu Kahu Hipa, I ke kanaka Hoa oʻu,” wahi a Iēhova o nā kaua. “E hahau i ke Kahu Hipa, a e hoʻoʻauheʻe ʻia nā hipa; E hoʻohuli aku au i kuʻu lima ma luna o ka poʻe liʻiliʻi.

ZEKARIA 9:10

E hoʻopau auaneʻi hoʻi au i nā hale kaʻa mai ko ʻEperaima aku, A me ka lio mai Ierusalema aku; E hōʻoki ʻia hoʻi ke kakaka kaua; A e haʻi aku auaneʻi ʻo ia i ka maluhia i nā lāhui kanaka; A mai kekahi kai a hiki i kēlā kai kona aupuni, A mai ka Muliwai aku a hiki i nā palena o ka honua.

MALAKI 1:5

A e ʻike auaneʻi ko ʻoukou mau maka, a e ʻōlelo aku ʻoukou, “E hoʻonui ʻia auaneʻi ʻo Iēhova mai ka palena aku o ʻIseraʻela.”

KA ʻEUANELIO I KĀKAU ʻIA AI E MATAIO 16:18

“Ke ʻōlelo aku nei hoʻi au iā ʻoe, ʻo ʻoe nō ʻo Petero, a ma luna o kēia pōhaku e kūkulu ana au i koʻu ʻekalesia, ʻaʻole hoʻi e lanakila mai nā ʻīpuka o ka pō ma luna ona.

KA ʻEUANELIO I KĀKAU ʻIA AI E MATAIO 2:6

‘«ʻO ʻoe, e Betelehema, i ka ʻāina ʻo Iuda, ʻAʻole nō ʻoe ka mea ʻuʻuku loa i waena o ko Iuda poʻe aliʻi; No ka mea, mai loko mai ou e hele mai ana kekahi Aliʻi, Nāna e hoʻomalu i koʻu poʻe kānaka o kā ʻIseraʻela».’”

KA ʻEUANELIO I KĀKAU ʻIA AI E MATAIO 25:31

¶ “Aia hiki mai ke Keiki a ke Kanaka me kona nani, a ʻo nā ʻānela a pau pū me ia; a laila, e noho ihola ma luna o kona noho aliʻi nani.

KA ʻEUANELIO I KĀKAU ʻIA AI E LUKA 1:32

“E nui auaneʻi ʻo ia, a e kapa ʻia aku, ʻo ke Keiki a ka Mea Kiʻekiʻe Loa; a e hāʻawi hoʻi nona ʻo Iēhova ke Akua i ka noho aliʻi o Dāvida ʻo kona makua kāne.

KA ʻEUANELIO I KĀKAU ʻIA AI E IOANE 10:38

“Akā, inā e hana au ia mau mea, a i manaʻoʻiʻo ʻole mai ʻoukou iaʻu, e manaʻoʻiʻo ʻoukou ia mau hana, i ʻike ai ʻoukou, a i manaʻoʻiʻo ai hoʻi, ʻo ka Makua i loko oʻu, a ʻo wau i loko ona.”

KA ʻEUANELIO I KĀKAU ʻIA AI E IOANE 20:17

ʻĪ maila ʻo Iesū iā ia, “Mai hoʻopā mai ʻoe iaʻu; no ka mea, ʻaʻole au i piʻi aku i koʻu Makua; akā, e hele ʻoe i koʻu poʻe hoahānau, e ʻī aku iā lākou, ‘E piʻi ana au i koʻu Makua, a i ko ʻoukou Makua; a i koʻu Akua, a i ko ʻoukou Akua.’”

ʻO KA ʻEPISETOLE A PAULO KA LUNAʻŌLELO I KO ʻEPESO 1:3

¶ E hoʻomaikaʻi ʻia aku ke Akua, ka Makua o ko kākou Haku ʻo Iesū Kristo, nāna kākou i hoʻomaikaʻi mai ma nā mea maikaʻi a pau o ka ʻuhane i nā wahi lani ma o Kristo lā.

ʻO KA ʻEPISETOLE HOʻOLAHA MUA A PETERO 1:5

ka poʻe i mālama ʻia mai e ka mana o ke Akua, ma ka manaʻoʻiʻo, i loaʻa mai ke ola i hoʻomākaukau ʻia no ka hōʻike ʻia mai i ka wā ma hope.

ʻO KA ʻEPISETOLE HOʻOLAHA A IUDA 1:1

¶ Na Iuda he kauā na Iesū Kristo, ʻo ke kaikaina hoʻi o Iakobo, i ka poʻe i huikala ʻia e ke Akua ka Makua, a i mālama ʻia hoʻi e Iesū Kristo, me ka hea ʻia mai:

KA HŌʻIKE ʻANA A IOANE KA HAIPULE 11:15

¶ Puhi aʻela ka ʻānela ʻahiku; a nui loa ihola nā leo ma ka lani, e ʻī mai ana, “Ua lilo ke aupuni o ke ao nei no ko kākou Haku, a no kona Kristo; a ʻo ia ke Aliʻi e mau loa ana i ke ao pau ʻole.”