MIKA 5:3 - Ka Baibala Hemolele

³ No ia hoʻi, e hoʻolilo aku ʻo ia iā lākou, A hiki i ka manawa e hānau ai ka mea e hānau ana; A laila hoʻi, e hoʻi hou mai ke koena o kona mau hoahānau I nā mamo a ʻIseraʻela.

MIKA 5:3 Iomraidhean Croise

KA BUKE MUA NO NĀ ALIʻI 14:16

“A e hoʻokuʻu wale aʻe ʻo ia i kā ʻIseraʻela, no nā hewa o Ieroboama, ka mea i lawehala, a i hoʻolilo i kā ʻIseraʻela e lawehala.”

KA BUKE ʻALUA O KA ʻOIHANA ALIʻI 30:7

“Mai noho ʻoukou e like me ko ʻoukou poʻe mākua, a me ko ʻoukou poʻe hoahānau, ka poʻe i lawehala iā Iēhova ke Akua o ko lākou poʻe kūpuna, a hāʻawi ʻo ia iā lākou e luku ʻia mai, e like me ka mea a ʻoukou e ʻike nei.

KA BUKE O NĀ HALELŪ 67:3

E hoʻoleʻa aku nā kānaka iā ʻoe, e ke Akua; E pau hoʻi nā kānaka i ka hoʻoleʻa aku iā ʻoe.

KA WĀNANA A ʻISAIA 11:11

¶ A hiki aku i kēlā lā, E hohola hou mai ka Haku i kona lima, E hoʻōla i ke koena o kona poʻe kānaka, I ka poʻe e koe ma ʻAsuria, a ma ʻAigupita, a me Paterosa, Ma Kusa a me ʻElama, ma Sinara a me Hamata, A ma nā mokupuni o ke Kai.

KA WĀNANA A ʻISAIA 49:6

ʻĪ maila ia, “He mea ʻuʻuku ia e lilo ʻoe i Kauā naʻu, E hoʻokū mai i nā ʻohana o kā Iakoba, A e hoʻihoʻi i ka poʻe i mālama ʻia o kā ʻIseraʻela; E hāʻawi nō hoʻi au iā ʻoe i mālamalama no ko nā ʻāina ʻē, I lilo ʻoe i mea hoʻōla aku noʻu, ma nā kūkulu o ka honua.”

KA WĀNANA A IEREMIA 23:5

¶ “Aia hoʻi, e hiki mai ana nā lā,” wahi a Iēhova, “E hoʻāla nō wau no Dāvida, i ʻOhā pono, I Aliʻi e noho aupuni, a e pōmaikaʻi auaneʻi, A e hana nō ʻo ia i ka hoʻoponopono, a i ka pololei ma ka honua.

KA WĀNANA A IEREMIA 31:1

¶ “Ia manawa, wahi a Iēhova, ʻo wau auaneʻi ke Akua o nā ʻohana a pau o kā ʻIseraʻela, a ʻo lākou auaneʻi koʻu poʻe kānaka.”

KA WĀNANA A ʻEZEKIʻELA 34:16

“E ʻimi aku au i ka mea i nalowale, a e hoʻihoʻi mai i ka mea i kipaku ʻia aku, a e wahī aku au i ka mea i haʻi, a e hoʻoikaika au i kā ka mea maʻi; akā, e luku au i ka mea momona a me ka ikaika, a e hānai aku au iā lākou me ka hoʻopaʻi ʻana.

HOSEA 11:8

¶ Pehea lā wau e hoʻokuʻu aku ai iā ʻoe, e ʻEperaima? Pehea lā wau e hoʻolilo ai iā ʻoe, e kā ʻIseraʻela? Pehea lā wau e hana aku ai iā ʻoe e like me ʻAdema? Pehea hoʻi wau e hoʻokū ai iā ʻoe e like me Zeboima? Ua huli ʻia koʻu naʻau i loko oʻu, Ua hoʻāla pū ʻia hoʻi kuʻu minamina.

HOSEA 2:14

¶ “No laila, aia hoʻi, e hoʻowalewale au iā ia, a e alakaʻi aku iā ia i ka wao nahele, A e ʻōlelo ʻoluʻolu aku iā ia.

HOSEA 2:9

“No ia mea, e hoʻi hou mai au, a e lawe aku i kaʻu palaoa i kona manawa, A me kaʻu waina hou i kona manawa iho, E lawe aku hoʻi au i koʻu hulu hipa, a me koʻu olonā, nā mea i uhi ai i kona ʻōlohelohe.

ʻAMOSA 5:15

E inaina i ka hewa, a e aloha i ka maikaʻi, A e hoʻokūpaʻa ʻoukou i ka hoʻopono ma ka puka pā; Malia paha e aloha mai ʻo Iēhova, ke Akua o nā kaua, i ke koena o kā Iosepa.

MIKA 4:4

A e noho kēlā kanaka kēia kanaka ma lalo o kona kumu waina, A ma lalo o kona lāʻau fiku, ʻAʻohe mea nāna e hoʻomakaʻu mai; No ka mea, ʻo ka waha o Iēhova o nā kaua, kai ʻōlelo mai.

MIKA 4:7

“A e hoʻolilo au i ka mea ʻoʻopa i koena, A i ka mea i hoʻokuke lōʻihi ʻia aku, i lāhui kanaka ikaika; A e noho aliʻi ʻo Iēhova ma luna o lākou ma ka mauna ʻo Ziona, Mai ia manawa aku, a i ka wā mau loa aku nō.

MIKA 5:7

¶ A ʻo ke koena o Iakoba I waena o nā lāhui kanaka he nui, E like ia me ka hau mai o Iēhova mai, Me ka ua ma luna o ka weuweu, Ka mea kali ʻole no ke kanaka, ʻAʻohe hoʻi e hoʻokaʻulua no ke keiki a ke kanaka.

MIKA 5:8

A lilo ke koena o Iakoba I waena o ko nā ʻāina ʻē, I waena o nā lāhui kanaka he nui, E like me ka liona i waena o nā holoholona o ka ulu lāʻau, E like me ka liona ʻōpio i waena o ka ʻohana hipa; No ka mea, i kona hele ʻana aʻe, Hehi iho i lalo, a e haehae wale, ʻAʻohe mea nāna e hoʻopakele.

MIKA 6:14

“A e ʻai iho ʻoe, ʻaʻole e māʻona; Aia nō i loko ou ka maʻule ana; A e lawe aku ʻoe, ʻaʻole e hoʻopakele, A ʻo ka mea āu e hoʻopakele ai, ʻO ia kaʻu e hāʻawi aku no ka pahi kaua.

MIKA 7:13

Akā, e lilo ka ʻāina i neoneo no ka poʻe e noho ana i loko, A no ka hua o kā lākou mau hana.

ZEKARIA 10:6

“A e hoʻokūpaʻa nō au i ka ʻohana a Iuda, A e hoʻōla au i ka ʻohana a Iosepa, A e hoʻihoʻi hou mai au iā lākou e hoʻonoho iā lākou; No ka mea, ua aloha au iā lākou; A e like auaneʻi lākou me ka poʻe aʻu i hoʻohemo ʻole ai; No ka mea, ʻo wau nō Iēhova ʻo ko lākou Akua, a e hoʻolohe auaneʻi au iā lākou.

KA ʻEUANELIO I KĀKAU ʻIA AI E MATAIO 1:21

“A e hānau mai ʻo ia i Keiki Kāne, a e kapa aku ʻoe i kona inoa ʻo Iesū; no ka mea, e hoʻōla ia i kona poʻe kānaka mai ko lākou hewa.”

KA ʻEUANELIO I KĀKAU ʻIA AI E MATAIO 12:50

“ʻO ka mea i hana i ka makemake o koʻu Makua i ka lani, ʻo ia koʻu kaikaina a me koʻu kaikuahine, a me koʻu makuahine.”

KA ʻEUANELIO I KĀKAU ʻIA AI E MATAIO 25:40

“A e ʻōlelo aku ke Aliʻi iā lākou, me ka ʻī aku, ‘He ʻoiaʻiʻo kaʻu e ʻōlelo aku nei iā ʻoukou, i kā ʻoukou hana ʻana pēlā i kekahi mea liʻiliʻi loa o kēia poʻe hoahānau oʻu, ua hana mai ʻoukou pēlā iaʻu.’

ʻO KA ʻEPISETOLE A PAULO KA LUNAʻŌLELO I KO ROMA 8:29

No ka mea, ʻo ka poʻe āna i ʻike ai ma mua, ʻo lākou kāna i manaʻo ʻē mai ai ma mua e hoʻohālike ʻia me ke ʻano o kāna Keiki, i lilo aʻe ʻo ia i hānau mua i waena o nā hoahānau he lehulehu.