MIKA 5:2 - Ka Baibala Hemolele

² “A ʻo ʻoe, Betelehema ʻEperata, Ka mea ʻuʻuku i waena o nā tausani o Iuda, Mai loko mai ou e hele mai ai i oʻu nei, Ka mea e aliʻi ana i loko o kā ʻIseraʻela; Ma mua mai kona puka ʻana, mai ka manawa kahiko loa mai.”

MIKA 5:2 Iomraidhean Croise

KA BUKE MUA A MOSE, I KAPA ʻIA KINOHI 35:16

¶ Hele akula lākou mai Betela aku, a ua kokoke e hiki i ʻEperata, haʻakōhi ihola ʻo Rāhela, a puʻua iho i ka hānau keiki ʻana.

KA BUKE MUA A MOSE, I KAPA ʻIA KINOHI 35:19

Make ihola ʻo Rāhela, a kanu ʻia ʻo ia ma ke alanui e hele ai i ʻEperata, ʻo ia ʻo Betelehema.

KA BUKE MUA A MOSE, I KAPA ʻIA KINOHI 48:7

“I koʻu hele ʻana mai, mai Padana mai, make aʻela ʻo Rāhela ma koʻu ʻaoʻao, ma ka ʻāina ʻo Kanaʻana, ma ke ala, kokoke e hiki aku i ʻEperata, a kanu ihola au iā ia ma laila ma ke ala ma ʻEperata, ʻo ia hoʻi ʻo Betelehema.”

KA BUKE MUA A MOSE, I KAPA ʻIA KINOHI 49:10

“ʻAʻole e lilo aku ke koʻokoʻo aliʻi mai o Iuda aku, ʻAʻole hoʻi ka mea wehewehe kānāwai mai waena aku o kona mau wāwae, A hiki mai ai ʻo Silo; A iā ia ke ʻākoakoa ʻana aʻe o nā kānaka.

KA BUKE MUA O KA ʻOIHANA ALIʻI 2:54

ʻO nā keiki kāne a Salema: ʻo Betelehema, a me ka poʻe Netopati, ʻo ʻAtarota o Beta Ioaba, ʻo Hatesihamenuti, a ʻo ka poʻe Zori.

KA BUKE MUA O KA ʻOIHANA ALIʻI 4:4

A ʻo Penuʻela ka makua kāne o Gedora, a ʻo ʻEzera ka makua kāne a Husa. ʻO lāua nā keiki kāne a Hura, a ka hānau mua na ʻEperata, na ka makua kāne o Betelehema.

KA BUKE MUA O KA ʻOIHANA ALIʻI 5:2

no ka mea, ua ʻoi aku o Iuda ma luna o kona poʻe hoahānau, a nāna mai ke aliʻi nui; akā, no Iosepa ko ka hānau mua);

KA BUKE O NĀ HALELŪ 132:6

¶ Aia hoʻi, ua lohe nō kākou ia ma ʻEperata; Ua loaʻa iā kākou ia ma Pāpūululāʻau.

KA BUKE O NĀ HALELŪ 90:2

Ma mua aku o ka hānau ʻana o nā mauna, A me kou hoʻomaka ʻana i ka honua a me ke ao nei, ʻO ʻoe nō ke Akua, mai kahiko loa mai, a mau loa aku nō.

KA BUKE ʻALUA A MOSE, I KAPA ʻIA PUKA ʻANA 18:21

“Eia hoʻi kekahi, e hoʻomākaukau ʻoe i poʻe maiau o nā kānaka, he poʻe makaʻu i ke Akua, he poʻe kānaka ʻoiaʻiʻo, a huhū i ka waiwai ʻālunu; a e hoʻonoho iā lākou ma luna o kānaka, i luna lākou no nā tausani, i luna nō hoʻi no nā haneri, a i luna no nā kanalima, a i luna no nā ʻumi.

KA BUKE ʻALUA A MOSE, I KAPA ʻIA PUKA ʻANA 18:25

Wae akula ʻo Mose i kānaka maiau o kā ʻIseraʻela a pau, a hoʻolilo ihola iā lākou i mau poʻo ma luna o kānaka, nā luna no nā tausani, nā luna no nā haneri, nā luna no nā kanalima, a me nā luna no nā ʻumi.

KA WĀNANA A ʻISAIA 11:1

¶ E kupu mai nō ka lālā mai loko mai o ke kumu o Iese, A e hua nui mai hoʻi kekahi ʻohā o kāna aʻa.

KA WĀNANA A ʻISAIA 53:2

E ulu mai nō ʻo ia i mua ona me he ʻohā lā, E like hoʻi me ke aʻa kupu mai loko mai o ka lepo maloʻo, ʻAʻole ona maikaʻi o ke kino, ʻaʻole ona hanohano; A iā kākou e ʻike aku ai iā ia, ʻaʻole ona helehelena maikaʻi i makemake aku ai kākou iā ia.

KA WĀNANA A ʻISAIA 55:4

“Aia hoʻi, ua hāʻawi aku au iā ia i mea hōʻike no nā kānaka, I alakaʻi hoʻi, a i luna no nā lāhui kanaka.

KA WĀNANA A ʻISAIA 7:14

“No laila, na ka Haku ponoʻī nō e hāʻawi mai iā ʻoukou i hōʻailona; aia hoʻi! E hāpai ana nō kekahi wahine puʻupaʻa, a e hānau mai hoʻi ia i keiki, a e kapa aku nō ʻo ia i kona inoa, ʻo ʻImanuʻela.

KA WĀNANA A IEREMIA 30:21

‘A no lākou iho auaneʻi ko lākou poʻe luna, A e laha aku nō ko lākou kiaʻāina mai loko aku o lākou; A e lawe mai nō wau iā ia a kokoke, A e hoʻokokoke mai nō ʻo ia iaʻu; No ka mea, ʻo wai kēia i hoʻoikaika i kona naʻau e hoʻokokoke mai iaʻu?’ wahi a Iēhova.

HOSEA 6:3

“A laila e ʻike kākou, ke hahai kākou e ʻike iā Iēhova; Ua mākaukau kona hele ʻana aku, e like me ka wanaʻao; A e hele mai ia iā kākou e like me ka ua; E like me ke kuāua mua, a me ke kuāua hope ma luna o ka honua.”

ʻAMOSA 9:11

¶ “I kēlā lā e kūkulu au i ka halelewa o Dāvida i wāwahi ʻia, A e hoʻopaʻa i kona wahi hiolo; A e hoʻokū hou au i kona mau mea i heleleʻi ʻia, A hana aku ia e like me nā lā ma mua;

MIKA 4:10

“E haʻalulu, a e kuakoko, E ke kaikamahine o Ziona, Me he wahine hānau lā; No ka mea, ʻānō e hele aku ʻoe mai ke kūlanakauhale aku, A e noho ʻoe ma ke kula, A e hele aku ʻoe a Babulona; A ma laila e hoʻopakele ʻia ʻoe; Ma laila e hoʻōla mai ai ʻo Iēhova iā ʻoe Mai ka lima mai o ko ʻoukou poʻe ʻenemi.

ZEKARIA 13:7

¶ “E ka pahi kaua, e ala kūʻē ʻoe i kuʻu Kahu Hipa, I ke kanaka Hoa oʻu,” wahi a Iēhova o nā kaua. “E hahau i ke Kahu Hipa, a e hoʻoʻauheʻe ʻia nā hipa; E hoʻohuli aku au i kuʻu lima ma luna o ka poʻe liʻiliʻi.

ZEKARIA 9:9

E hauʻoli nui, e ke kaikamahine o Ziona, E hoʻōho ʻoliʻoli, e ke kaikamahine o Ierusalema; Aia hoʻi, e hele mai ana kou aliʻi i ou lā; He hoʻopono, a he hoʻōla nō kona; He akahai nō, a e noho ana ma luna o ka hoki, ʻo ke keiki hoʻi a ka hoki.

KA ʻEUANELIO I KĀKAU ʻIA AI E MATAIO 2:1

¶ A hānau ʻia ʻo Iesū ma Betelehema i Iudea, i ke kau iā Herode ke aliʻi, aia hoʻi, hele maila nā māgoi mai ka ʻĀina Hikina mai a Ierusalema,

KA ʻEUANELIO I KĀKAU ʻIA AI E MATAIO 2:6

‘«ʻO ʻoe, e Betelehema, i ka ʻāina ʻo Iuda, ʻAʻole nō ʻoe ka mea ʻuʻuku loa i waena o ko Iuda poʻe aliʻi; No ka mea, mai loko mai ou e hele mai ana kekahi Aliʻi, Nāna e hoʻomalu i koʻu poʻe kānaka o kā ʻIseraʻela».’”

KA ʻEUANELIO I KĀKAU ʻIA AI E MATAIO 28:18

Hele maila ʻo Iesū, ʻōlelo maila iā lākou, ʻī maila, “Ua hāʻawi ʻia mai iaʻu ka mana a pau ma ka lani a ma ka honua nei.

KA ʻEUANELIO I KĀKAU ʻIA AI E LUKA 23:2

A hoʻohewa akula lākou iā ia, ʻī akula, “Ua ʻike mākou iā ia nei e hoʻohuli hewa ana i kānaka, e pāpā ana i ka hoʻokupu iā Kaisara, e ʻōlelo ana, ʻO ia iho nō ka Mesia, ke Aliʻi.”

KA ʻEUANELIO I KĀKAU ʻIA AI E LUKA 23:38

He palapala hoʻi ma luna ona, he Helene, he Roma, a he Hebera ka ʻōlelo i kākau ʻia ai ia, “ʻO IA NEI KE ALIʻI O KA POʻE IUDAIO.”

KA ʻEUANELIO I KĀKAU ʻIA AI E IOANE 7:42

“ʻAʻole anei i ʻī mai ka Palapala Hemolele, na nā mamo a Dāvida mai ka Mesia, a no Betelehema mai, ke kūlanakauhale o Dāvida?”

KA BUKE ʻALIMA A MOSE, I KAPA ʻIA KĀNĀWAI LUA 1:15

“A lawe akula au i nā luna o ko ʻoukou mau ʻohana, i nā kānaka naʻauao, a ʻike ʻia, a hoʻolilo ihola iā lākou i poʻo ma luna o ʻoukou, i luna no nā tausani, i luna no nā haneri, i luna no nā kanalima, a i luna no nā ʻumi, i aliʻi no ko ʻoukou mau ʻohana.

ʻO KA ʻEPISETOLE A PAULO KA LUNAʻŌLELO I KO KOLOSA 1:17

ʻO ia hoʻi ka mua o nā mea a pau, a ma ona lā nō hoʻi i mau ai nā mea a pau.

ʻO KA ʻEPISETOLE A PAULO KA LUNAʻŌLELO I KO HEBERA 13:8

ʻO Iesū Kristo, he ʻoia mau nō ia, i nehinei, a i kēia lā nō, a i ka wā pau ʻole.

ʻO KA ʻEPISETOLE A PAULO KA LUNAʻŌLELO I KO HEBERA 7:14

Ua akāka nō ka puka ʻana o ka Haku, mai loko mai o Iuda, ka ʻohana i ʻōlelo ʻole ʻia ai no ka ʻoihana kahuna e Mose.

ʻO KA ʻEPISETOLE HOʻOLAHA MUA A IOANE 1:1

¶ ʻO ka mea mai kinohi mai, ka mea a mākou i lohe ai, ka mea a ko mākou mau maka i ʻike ai, ka mea a mākou i manaʻo ai, a i lawelawe ai nō hoʻi me ko mākou mau lima, no ka Logou o ke Ola;

KA HŌʻIKE ʻANA A IOANE KA HAIPULE 19:16

A ma kona ʻaʻahu a ma kona ʻūhā ua palapala ʻia ka inoa, “KE ALIʻI O NĀ ALIʻI, A ME KA HAKU O NĀ HAKU.”

KA HŌʻIKE ʻANA A IOANE KA HAIPULE 2:8

¶ “E palapala aku ʻoe i ka ʻānela o ka ʻekalesia ma Semurena: Ke ʻī mai nei ka Mea Mua, a me ka Mea Hope, ʻo ka Mea i make, a i ola hou, me nei:

KA HŌʻIKE ʻANA A IOANE KA HAIPULE 21:6

ʻĪ hou mai ia iaʻu, “Ua pau; ʻo wau nō ka ʻAlepa a me ka ʻOmega, ke Kumu a me ka Wēlau. ʻO ka mea make wai, e hāʻawi wale aku au nāna i ka wai puna o ke ola.

KA BUKE NO NĀ LUNA KĀNĀWAI 17:7

¶ He kanaka ʻōpiopio, mai loko mai ʻo Betelehema Iuda, no ka ʻohana a Iuda, he mamo na Levi, a noho nō ia ma laila.

KA BUKE NO RUTA 1:1

¶ Aia i ka wā i noho ai nā luna kānāwai i aliʻi, wī ihola ka ʻāina, a hele akula kekahi kanaka no Betelehema Iuda, e noho ma ka ʻāina i Moaba, ʻo ia a me kāna wahine, a me kāna mau keiki kāne ʻelua.

KA BUKE NO RUTA 4:11

ʻĪ maila nā kānaka a pau, ma ka puka pā, a me nā lunakahiko, “He poʻe ʻike mākou. Na Iēhova nō e hoʻolilo mai i ka wahine i hele mai i loko o kou hale e like me Rāhela a me Lea, na lāua ʻelua i kūkulu i ka hale o kā ʻIseraʻela, a e waiwai hoʻi ʻoe ma ʻEperata, a e kaulana nō kou inoa ma Betelehema.

KA BUKE MUA A SAMUʻELA 10:19

“A ua hoʻowahāwahā ʻoukou i ko ʻoukou Akua i kēia lā, ʻo ia kai hoʻōla iā ʻoukou i nā mea ʻino a pau a me nā pōpilikia o ʻoukou; ua ʻī aku ʻoukou iā ia, ‘E hoʻonoho i aliʻi ma luna o mākou.’ No ia mea, e hōʻike ʻoukou iā ʻoukou iho i mua o Iēhova ma ko ʻoukou mau hanauna, a ma ko ʻoukou mau tausani.”

KA BUKE MUA A SAMUʻELA 17:12

¶ A ʻo Dāvida, ʻo ia ke keiki a ua kanaka lā no ʻEperata no Betelehema o Iuda, ʻo Iese kona inoa; a ʻewalu āna keiki; a i ka wā iā Saula, ua ʻelemakule ia i waena o kānaka.

KA BUKE MUA A SAMUʻELA 17:18

“A e lawe ʻoe i kēia mau paʻi waiūpaʻa he ʻumi na ka luna tausani, a e ʻike ʻoe i ka pono o kou mau hoahānau, a e lawe mai i ko lākou mea hōʻoiaʻiʻo.”

KA BUKE MUA A SAMUʻELA 23:23

“E nānā hoʻi ʻoukou, a ʻike i nā wahi peʻe a pau āna e peʻe ai, a hoʻi hou mai i oʻu nei me ka ʻoiaʻiʻo, a e hele pū au me ʻoukou; a inā e noho ana ʻo ia ma ka ʻāina, e ʻimi au iā ia ma waena o nā tausani a pau o kā Iuda.”

KA BUKE MUA A SAMUʻELA 8:12

“A e hoʻonoho nō ia nona i nā luna tausani a me nā luna kanalima, a no ka mahi i kāna mahi ʻana, a no ke ʻoki ʻana i kāna ʻai, a no ka hana ʻana i kāna mea kaua, a me nā mea o kona mau hale kaʻa.