MIKA 4:8 - Ka Baibala Hemolele

⁸ “A ʻo ʻoe, e ka hale kiaʻi o ka poʻe holoholona, Ka puʻu o ke kaikamahine a Ziona, E hele mai nō ia i ou lā, ʻO ke aliʻi ʻana ma mua; E hele mai ke aupuni i ke kaikamahine o Ierusalema.

MIKA 4:8 Iomraidhean Croise

KA BUKE MUA A MOSE, I KAPA ʻIA KINOHI 35:21

Hele akula ʻo ʻIseraʻela, a kūkulu ihola i kona halelewa ma ʻō aku o ka hale kiaʻi ʻo ʻEdara.

KA BUKE ʻALUA A SAMUʻELA 5:7

Akā, hoʻopio aʻela ʻo Dāvida i ka pā kaua o Ziona, ʻo ia hoʻi ke kūlanakauhale o Dāvida.

KA BUKE A NEHEMIA 3:25

A ʻo Palala ke keiki a ʻUzai, mai ke alo aku o ka popoiwi, a me ka hale kiaʻi e ʻoiʻoi aku ana ma mua aku o ka hale kiʻekiʻe o ke aliʻi i loko o ka pā o ka hale paʻahao. A ma laila aku ʻo Pedaia ke keiki a Parosa.

KA BUKE O NĀ HALELŪ 24:7

¶ E hāpai aʻe, e nā pani, i ko ʻoukou mau poʻo; E hoʻokiʻekiʻe ʻia aʻe hoʻi ʻoukou, e nā ʻīpuka mau loa; A e komo nō hoʻi ke Aliʻi nani.

KA BUKE O NĀ HALELŪ 48:3

I loko o kona mau hale aliʻi, I ʻike ʻia ai ke Akua he puʻuhonua.

KA BUKE O NĀ HALELŪ 61:3

No ka mea, ua lilo mai ʻoe i pākū noʻu; He hale kaua paʻa i mua o ka ʻenemi.

KE MELE A SOLOMONA 4:4

“ʻO kou ʻāʻī, ua like ia me ka hale kiaʻi o Dāvida, I kūkulu ʻia ai i hale kāhiko kaua. Ua kau lākou ma laila i hoʻokahi tausani pale kaua; He mau pale kaua lākou a pau no ka poʻe koa.

KA WĀNANA A ʻISAIA 1:26

“E hoʻihoʻi hou nō wau i kou mau luna kānāwai, e like me ka wā i kinohi, A me kou poʻe kākāʻōlelo, e like me ka wā kahiko; A ma hope aku o kēia, e kapa ʻia ʻoe, Ke kūlanakauhale o ka pono, Ke kūlanakauhale ʻoiaʻiʻo.”

KA WĀNANA A ʻISAIA 10:32

Hoʻokahi nō lā e koe o kona noho ʻana ma Noba, A e lūlū ia i kona lima e kūʻē i ka mauna o ke kaikamahine o Ziona, I ka puʻu hoʻi o Ierusalema.

KA WĀNANA A ʻISAIA 5:2

Kōhi ihola ia a puni i nā mākālua, A hoʻolei akula i nā pōhaku ona, A ma laila ia i kanu ai i kumu waina maikaʻi, A kūkulu nō hoʻi i hale kiaʻi ma loko, A kālai ihola i lua kaomi waina ma laila; A kakali ihola no ka hua ʻana mai i hua waina, Akā, hua maila ia i ka haʻakea.

KA BUKE NO DANIʻELA 2:44

“Ma nā lā o kēia poʻe aliʻi, e kūkulu mai ai ke Akua o ka lani i aupuni mau loa, ʻaʻole hoʻi e hoʻohiolo ʻia ia aupuni; ʻaʻole naʻe ia e lilo no ka lāhui kanaka ʻē; akā, iā ia nō e weluwelu liʻiliʻi auaneʻi a okaoka loa kēia mau aupuni a pau, a e mau loa aku ana nō ia.

KA BUKE NO DANIʻELA 7:18

‘Akā, ʻo nā haipule o ka Mea Kiʻekiʻe Loa, e lilo iā lākou ke aupuni; a iā lākou no ke aupuni ia ao aku, ia ao aku, a mau loa aku nō.’

ʻOBADIA 1:21

A e piʻi mai nā mea hoʻōla ma ka mauna ʻo Ziona, E hoʻopaʻi i ka mauna o ʻEsau; A e lilo ke aupuni no Iēhova.

MIKA 2:12

¶ “E hoʻākoakoa ʻiʻo ana au i kāu a pau, e Iakoba; E hōʻuluʻulu ʻiʻo ana au i ke koena o kā ʻIseraʻela; E hui pū aku au iā lākou e like me nā hipa a Bozera, E like me ka poʻe hipa i waenakonu o ko lākou pā hipa; E piʻoloke nui lākou no ka nui o nā kānaka.

ZEKARIA 9:10

E hoʻopau auaneʻi hoʻi au i nā hale kaʻa mai ko ʻEperaima aku, A me ka lio mai Ierusalema aku; E hōʻoki ʻia hoʻi ke kakaka kaua; A e haʻi aku auaneʻi ʻo ia i ka maluhia i nā lāhui kanaka; A mai kekahi kai a hiki i kēlā kai kona aupuni, A mai ka Muliwai aku a hiki i nā palena o ka honua.

ZEKARIA 9:12

E huli aʻe ʻoukou i ka pā kaua, e ka poʻe pio manaʻolana; No ka mea, ke haʻi aku nei au i nēia lā, E uku pālua aku nō au nāu.

ZEKARIA 9:9

E hauʻoli nui, e ke kaikamahine o Ziona, E hoʻōho ʻoliʻoli, e ke kaikamahine o Ierusalema; Aia hoʻi, e hele mai ana kou aliʻi i ou lā; He hoʻopono, a he hoʻōla nō kona; He akahai nō, a e noho ana ma luna o ka hoki, ʻo ke keiki hoʻi a ka hoki.

KA BUKE ʻAHĀ A MOSE, I KAPA ʻIA NĀ HELU 24:19

“Na Iakoba e puka mai auaneʻi ka mea e aliʻi ana, A e luku iho ʻo ia i ke koena o ke kūlanakauhale.”

KA ʻEUANELIO I KĀKAU ʻIA AI E MATAIO 21:33

¶ “E hoʻolohe mai ʻoukou i kekahi ʻōlelo nane hou. «Kanu ihola kekahi mea hale i ka māla waina, hana ihola ia i pā a puni, ʻeli ihola i wahi kaomi waina i loko o laila, kūkulu ihola i hale kiaʻi», hāʻawi akula ia wahi i nā hoaʻāina, a hele akula ia i ka ʻāina ʻē.

KA ʻEUANELIO I KĀKAU ʻIA AI E MAREKO 12:1

¶ A laila, hoʻomaka ʻo ia e ʻōlelo mai iā lākou ma nā ʻōlelo nane. “«Kanu ihola kekahi kanaka i ka māla waina, a hana ihola ia i ka pā a puni, a kōhi i lalo i kahi e kaomi ai i ka waina, kūkulu ihola i ka hale kiaʻi», hāʻawi aʻela i nā hoaʻāina, a hele akula i ka ʻāina ʻē.

ʻO KA ʻEPISETOLE A PAULO KA LUNAʻŌLELO I KO ʻEPESO 1:21

ma luna aʻe o nā aliʻi a pau, ʻo nā mea ikaika, ʻo nā mea mana, nā haku, a me nā inoa a pau i kapa ʻia, ʻaʻole ma kēia ao wale nō, ma kēlā ao e hiki mai ana kekahi.

KA HŌʻIKE ʻANA A IOANE KA HAIPULE 22:5

ʻAʻole pō ma laila, ʻaʻole hoʻi ma ke kukui, a me ka mālamalama o ka lā; no ka mea, na ka Haku na ke Akua nō e hoʻomālamalama iā lākou: a e lilo lākou i mau aliʻi a i ke ao pau ʻole.