MIKA 4:7 - Ka Baibala Hemolele

⁷ “A e hoʻolilo au i ka mea ʻoʻopa i koena, A i ka mea i hoʻokuke lōʻihi ʻia aku, i lāhui kanaka ikaika; A e noho aliʻi ʻo Iēhova ma luna o lākou ma ka mauna ʻo Ziona, Mai ia manawa aku, a i ka wā mau loa aku nō.

MIKA 4:7 Iomraidhean Croise

KA BUKE O NĀ HALELŪ 2:6

“Ua poni aʻe nei au i kaʻu Aliʻi ma luna o Ziona, Ma luna iho o koʻu mauna hoʻāno.”

KA WĀNANA A ʻISAIA 16:5

A laila, ma ka pono e hoʻopaʻa ʻia ai ka noho aliʻi, A e noho nō kekahi ma luna o ia me ka pono, ma ka hale hoʻi o Dāvida; He luna kānāwai e ʻimi ana i ka pololei, e hoʻoponopono koke ana nō hoʻi.

KA WĀNANA A ʻISAIA 24:23

E hilahila nō ka mahina, a e hilahila pū nō me ka lā; No ka mea, na Iēhova o nā kaua e noho aliʻi, Ma luna o ka mauna ʻo Ziona, a ma Ierusalema, A ma ke alo o kona poʻe kahiko ʻo ia e hoʻoleʻa ʻia ai.

KA WĀNANA A ʻISAIA 6:13

“Inā i koe kekahi hapaʻumi o nā mea, E ʻānai loa ʻia aku nō ia. Akā, e like me ka lāʻau hūkaʻa, a me ka ʻoka, I ka wā i kua ʻia, ua koe nō ke kumu; Pēlā nō e lilo ai kekahi mamo hemolele, I kumu hoʻolaha no lākou.”

KA WĀNANA A ʻISAIA 60:22

“E lilo auaneʻi ka mea ʻuʻuku i hoʻokahi tausani, A ʻo ka mea liʻiliʻi i lāhui kanaka ikaika; ʻO wau, ʻo Iēhova, e hoʻowikiwiki nō au ia i kona manawa.”

KA WĀNANA A ʻISAIA 66:8

“ʻO wai ka mea i lohe i ka mea e like me ia? ʻO wai ka mea i ʻike i nā mea e like me ia? E hoʻohānau ʻia mai anei ka honua i ka lā hoʻokahi? E hānau anei ka lāhui kanaka ma ka minute? No ka mea, iā Ziona i kuakoko mua ai, hānau maila nō kāna mau keiki.

KA WĀNANA A ʻEZEKIʻELA 43:7

A ʻōlelo maila ʻo ia iaʻu, “E ke keiki a ke kanaka, ʻo kahi o kuʻu noho mōʻī, a me kahi o nā poli o kuʻu mau wāwae, kahi e noho ai au i waenakonu o nā mamo a ʻIseraʻela a mau loa; a ʻo koʻu inoa hoʻāno, ʻaʻole loa ka ʻohana a ʻIseraʻela e hoʻohaumia hou mai, ʻaʻole ʻo lākou, ʻaʻole hoʻi ʻo ko lākou mau aliʻi, ma ko lākou moekolohe ʻana, ʻaʻole hoʻi ma nā kupapaʻu o kā lākou mau aliʻi ma ko lākou mau wahi kiʻekiʻe.

KA BUKE NO DANIʻELA 2:44

“Ma nā lā o kēia poʻe aliʻi, e kūkulu mai ai ke Akua o ka lani i aupuni mau loa, ʻaʻole hoʻi e hoʻohiolo ʻia ia aupuni; ʻaʻole naʻe ia e lilo no ka lāhui kanaka ʻē; akā, iā ia nō e weluwelu liʻiliʻi auaneʻi a okaoka loa kēia mau aupuni a pau, a e mau loa aku ana nō ia.

KA BUKE NO DANIʻELA 4:34

¶ “I ka pau ʻana o ua mau lā lā, ʻo wau ʻo Nebukaneza, ua leha aʻe au i kuʻu mau maka i ka lani, a hoʻi mai iaʻu kuʻu ʻike; a hoʻomaikaʻi aku au i ka Mea Kiʻekiʻe, hoʻonani aku au, a hoʻomana hoʻi i ka Mea e ola mau ana, Ua mau loa kona aliʻi ʻana, A ʻo kona aupuni ia hanauna aku a ia hanauna aku.

KA BUKE NO DANIʻELA 7:14

“A ua hāʻawi ʻia mai nona ke aliʻi ʻana, A me ka nani, a me ke aupuni, I hoʻokauā nāna nā lāhui kanaka, A me ko nā ʻāina, a me nā ʻōlelo ʻē. ʻO kona aliʻi ʻana ua mau loa ia, ʻAʻole ia e pau, A ʻo kona aupuni, ʻAʻole ia e auhulihia.

KA BUKE NO DANIʻELA 7:27

‘Akā, ʻo ke aupuni, a me ke aliʻi ʻana, a ʻo ka nani o ke aupuni ma lalo iho o nā lani a puni, e hāʻawi ʻia mai i nā kānaka haipule o ka Mea Kiʻekiʻe, ʻo kona aupuni he aupuni mau loa ia; a ʻo nā aliʻi a pau, e hoʻokauā aku, a e mālama aku nō hoʻi iā ia.’

HOSEA 1:10

¶ Akā, e like auaneʻi ka lehulehu o nā mamo a ʻIseraʻela, Me ke one o ke kai, ʻAʻole e hiki ke ana ʻia, ʻaʻole hoʻi ke helu ʻia; A ma kahi i ʻōlelo ʻia ai lākou, “ʻAʻole ʻo koʻu poʻe kānaka ʻoukou,” Ma laila e ʻōlelo ʻia ai lākou, “He poʻe keiki ʻoukou na ke Akua ola.”

IOʻELA 2:32

“A ʻo ka mea e kāhea aku i ka inoa ʻo Iēhova, e hoʻopakele ʻia ʻo ia; No ka mea, ma ka Mauna Ziona, a ma Ierusalema, ka mea hoʻopakele, e like me kā Iēhova i ʻōlelo mai ai, A ma waena o ka poʻe i koe a Iēhova e kāhea aku ai.

IOʻELA 3:17

Pēlā e ʻike ai ʻoukou, ʻo wau nō ʻo Iēhova ko ʻoukou Akua, E noho ana ma Ziona, kuʻu mauna hoʻāno; A e lilo ʻo Ierusalema i hemolele, ʻAʻole e hele hou nā malihini ma waena ona.

ʻOBADIA 1:21

A e piʻi mai nā mea hoʻōla ma ka mauna ʻo Ziona, E hoʻopaʻi i ka mauna o ʻEsau; A e lilo ke aupuni no Iēhova.

MIKA 2:12

¶ “E hoʻākoakoa ʻiʻo ana au i kāu a pau, e Iakoba; E hōʻuluʻulu ʻiʻo ana au i ke koena o kā ʻIseraʻela; E hui pū aku au iā lākou e like me nā hipa a Bozera, E like me ka poʻe hipa i waenakonu o ko lākou pā hipa; E piʻoloke nui lākou no ka nui o nā kānaka.

MIKA 2:13

“Ua piʻi aʻe ka mea wāwahi i mua o lākou; Ua wāwahi iho lākou, a ua komo lākou ma ka puka pā, a ua hele aku ma laila; A e hele ko lākou aliʻi i mua o lākou, ʻO Iēhova ma ko lākou poʻo.”

MIKA 5:3

No ia hoʻi, e hoʻolilo aku ʻo ia iā lākou, A hiki i ka manawa e hānau ai ka mea e hānau ana; A laila hoʻi, e hoʻi hou mai ke koena o kona mau hoahānau I nā mamo a ʻIseraʻela.

MIKA 7:18

ʻO wai lā ke Akua e like me ʻoe, e kala ana i ka hewa, A e māʻalo aʻe ana i ka hala o ke koena o kona hoʻoilina? ʻAʻole ia e hoʻomau loa aku i kona inaina; No ka mea, ke makemake nei nō ia i ke aloha.

ZEPANIA 3:13

“ʻAʻole e hana ʻino ke koena o kā ʻIseraʻela, ʻAʻole hoʻi e ʻōlelo hoʻopunipuni lākou; ʻAʻole nō hoʻi e loaʻa ka elelo wahaheʻe I loko o ko lākou waha; Akā, e ʻai auaneʻi lākou, a e moe iho, ʻAʻole kekahi mea e hoʻoweliweli ana iā lākou.”

ZEPANIA 3:20

“Ia manawa nō naʻu ʻoukou e alakaʻi mai, I ka manawa aʻu e hōʻuluʻulu ai iā ʻoukou; A e hoʻokaulana au i ko ʻoukou inoa no ka hoʻomaikaʻi ʻia i waena o nā kānaka a pau o ka honua, I kuʻu wā e hoʻihoʻi mai ai i ko ʻoukou pio ʻana, i mua o ko ʻoukou mau maka,” wahi a Iēhova.

KA ʻEUANELIO I KĀKAU ʻIA AI E LUKA 1:33

“E mau loa nō hoʻi kona aliʻi ʻana ma luna o ka ʻohana a Iakoba; a ʻo kona aupuni ʻaʻole ia e pau.”

KA HŌʻIKE ʻANA A IOANE KA HAIPULE 11:15

¶ Puhi aʻela ka ʻānela ʻahiku; a nui loa ihola nā leo ma ka lani, e ʻī mai ana, “Ua lilo ke aupuni o ke ao nei no ko kākou Haku, a no kona Kristo; a ʻo ia ke Aliʻi e mau loa ana i ke ao pau ʻole.”