MIKA 4:4 - Ka Baibala Hemolele

⁴ A e noho kēlā kanaka kēia kanaka ma lalo o kona kumu waina, A ma lalo o kona lāʻau fiku, ʻAʻohe mea nāna e hoʻomakaʻu mai; No ka mea, ʻo ka waha o Iēhova o nā kaua, kai ʻōlelo mai.

MIKA 4:4 Iomraidhean Croise

KA BUKE MUA NO NĀ ALIʻI 4:25

Noho maluhia aʻela ʻo kā Iuda a me kā ʻIseraʻela, kēlā kanaka kēia kanaka, ma lalo o kona kumu waina iho a ma lalo o kona lāʻau fiku iho, mai Dana a Bereseba, i nā lā a pau o Solomona.

KA BUKE MUA NO NĀ ALIʻI 5:5

“Eia nō hoʻi, ke manaʻo nei au e kūkulu i ka hale no ka inoa ʻo Iēhova koʻu Akua, ma muli o kā Iēhova i ʻōlelo mai ai iā Dāvida koʻu makua kāne, i ka ʻī ʻana mai, ‘ʻO kāu keiki aʻu e hoʻonoho ai ma luna o kou noho aliʻi ma kou wahi, ʻo ia ke hana mai i hale no koʻu inoa.’

KA BUKE NO IOBA 11:19

“A e moe iho ʻoe i lalo, ʻaʻohe mea nāna ʻoe e hoʻomakaʻu mai; A nui nā mea e hoʻālohaloha i mua ou.

KA BUKE O NĀ HALELŪ 72:3

A e halihali mai nō nā mauna i ka pōmaikaʻi i kānaka, A me nā puʻu liʻiliʻi hoʻi, ma ka pono.

NĀ ʻŌLELO AKAMAI A SOLOMONA 3:25

Mai weliweli ʻoe i ka mea e makaʻu ai ke hikilele mai, ʻAʻole hoʻi i ka luku ʻana o ka poʻe hewa ke hiki mai.

KA WĀNANA A ʻISAIA 1:20

“Akā, inā e hōʻole mai ʻoukou, a e hoʻopaʻakikī, E pau auaneʻi ʻoukou i ka pahi kaua”; Na ka waha o Iēhova i ʻōlelo mai.

KA WĀNANA A ʻISAIA 17:2

“Ua haʻalele ʻia nā kūlanakauhale o ʻAroera; E lilo lākou no nā ʻohana hipa, Ma laila lākou e moe ai, ʻaʻohe mea nāna lākou e hoʻomakaʻu.

KA WĀNANA A ʻISAIA 22:25

“A hiki aku ia lā,” wahi a Iēhova o nā kaua, “e unuhi ʻia ka mākia i hoʻopaʻa ʻia ma kahi paʻa, e kua ʻia ia i lalo a e hina hoʻi; a e hoʻopau ʻia auaneʻi ka mea i kau ʻia ma luna ona; no ka mea, ua ʻōlelo mai ʻo Iēhova.”

KA WĀNANA A ʻISAIA 26:16

E Iēhova, ma loko o ke kaumaha, ua ʻimi aku lākou iā ʻoe, I ka wā i hoʻokaumaha ai ʻoe iā lākou, nonoi ikaika loa aku lākou.

KA WĀNANA A ʻISAIA 32:17

E lilo nō ka hana pono ʻana i mea e malu ai, A ʻo ka hope o ka maikaʻi, he kuapapa nui mau loa, a me ka malu.

KA WĀNANA A ʻISAIA 36:16

‘Mai hoʻolohe i ka Hezekia’; no ka mea, ke ʻōlelo mai nei ke aliʻi o ʻAsuria penei, ‘E hana ʻoukou me aʻu i kuʻikahi, a e puka mai i waho i oʻu nei; a e ʻai kēlā mea kēia mea o ʻoukou i ko kona kumu waina, a i ko kona lāʻau fiku, a e inu hoʻi kēlā mea, kēia mea o ʻoukou i ka wai o kona luawai iho;

KA WĀNANA A ʻISAIA 40:5

“E hōʻike ʻia mai nō ka nani o Iēhova, A e ʻike pū aku nō nā kānaka a pau; No ka mea, na ka waha o Iēhova i ʻōlelo mai.”

KA WĀNANA A ʻISAIA 54:14

“Ma ka pono nō ʻoe e hoʻokumu ʻia ai; E mamao aku ʻoe i ka hoʻokaumaha, No ka mea, ʻaʻole ʻoe e makaʻu ana; A i ka weliweli hoʻi; no ka mea, ʻaʻole ia e hoʻokokoke mai iā ʻoe.

KA WĀNANA A ʻISAIA 58:14

“A laila, e ʻoliʻoli nō ʻoe iā Iēhova; A naʻu nō e hoʻoholo iā ʻoe ma nā wahi kiʻekiʻe o ka honua, A e hānai aku au iā ʻoe i ka hoʻoilina a Iakoba, a kou kupuna kāne; No ka mea, na ka waha o Iēhova i ʻōlelo mai.”

KA WĀNANA A IEREMIA 23:4

“A e hoʻonoho wau i kahu ma luna o lākou, he poʻe hānai aku iā lākou; ʻaʻole lākou e makaʻu hou, ʻaʻole e weliweli, ʻaʻole hoʻi lākou e hoʻopaʻi hou ʻia,” wahi a Iēhova.

KA WĀNANA A IEREMIA 30:10

‘No laila, mai makaʻu ʻoe, e kuʻu kauā, e Iakoba,’ wahi a Iēhova, ‘Mai weliweli hoʻi, e kā ʻIseraʻela; No ka mea, aia hoʻi, e hoʻōla nō wau iā ʻoe, mai kahi lōʻihi aku, A i kāu hua hoʻi, mai ka ʻāina o ko lākou pio ʻana; A e hoʻi mai nō ʻo Iakoba, a e hoʻomaha nō, a e maluhia, ʻAʻohe mea e hoʻomakaʻu iā ia.

KA WĀNANA A ʻEZEKIʻELA 34:25

¶ “A e hana au i berita hoʻomalu me lākou, a e hoʻōki aku au i nā holoholona ʻino mai loko aku o ka ʻāina; a e noho maluhia lākou ma ka wao nahele, a e moe hoʻi ma loko o nā ulu lāʻau.

KA WĀNANA A ʻEZEKIʻELA 34:28

“ʻAʻole loa aku lākou he waiwai pio no nā lāhui kanaka, ʻaʻole hoʻi e ʻai nā holoholona o ka ʻāina iā lākou; akā, e noho maluhia lākou, ʻaʻohe mea nāna lākou e hoʻoweliweli.

KA WĀNANA A ʻEZEKIʻELA 38:11

“A e ʻōlelo ʻoe, ‘E piʻi aku au i ka ʻāina kauhale paʻa ʻole i ka paia, e hele au i ka poʻe e noho maluhia ana, e noho ana lākou a pau me nā pā ʻole, ʻaʻole o lākou kaola pā, ʻaʻole o lākou puka pā;

KA WĀNANA A ʻEZEKIʻELA 39:26

“Ma hope o ko lākou halihali ʻana i ko lākou hōʻino ʻia, a me ko lākou mau lawehala ʻana a pau i hana hewa mai ai lākou iaʻu i ko lākou wā i noho maluhia ai i ko lākou ʻāina, ʻaʻohe mea o lākou i hoʻoweliweli ʻia.

KA BUKE ʻAKOLU A MOSE, I KAPA ʻIA ʻOIHANA KAHUNA 26:6

‘A e hāʻawi aku nō wau i ka malu ma ko ʻoukou ʻāina, a e moe iho ʻoukou i lalo, ʻaʻohe mea nāna ʻoukou e hoʻoweliweli; a e hoʻopau aku au i nā holoholona ʻino mai loko aku o ko ʻoukou ʻāina; ʻaʻole hoʻi e hele aʻe ka pahi kaua ma waena aʻe o ko ʻoukou ʻāina.

MIKA 5:3

No ia hoʻi, e hoʻolilo aku ʻo ia iā lākou, A hiki i ka manawa e hānau ai ka mea e hānau ana; A laila hoʻi, e hoʻi hou mai ke koena o kona mau hoahānau I nā mamo a ʻIseraʻela.

ZEPANIA 3:13

“ʻAʻole e hana ʻino ke koena o kā ʻIseraʻela, ʻAʻole hoʻi e ʻōlelo hoʻopunipuni lākou; ʻAʻole nō hoʻi e loaʻa ka elelo wahaheʻe I loko o ko lākou waha; Akā, e ʻai auaneʻi lākou, a e moe iho, ʻAʻole kekahi mea e hoʻoweliweli ana iā lākou.”

ZEKARIA 3:10

‘Ia lā lā, e kāhea aku kēlā kanaka kēia kanaka i kona hoalauna, ma lalo o ke kumu waina, a ma lalo o ka lāʻau fiku,’” wahi a Iēhova o nā kaua.