MIKA 4:2 - Ka Baibala Hemolele

² A e hele nā lāhui kanaka he nui, a e ʻōlelo aku, “E hele mai, a e piʻi aku kākou i ka mauna o Iēhova, A i ka hale o ke Akua o Iakoba; A e aʻo mai ia iā kākou i kona mau ʻaoʻao, A e hele kākou ma kona mau alanui.” No ka mea, e hele ke kānāwai mai Ziona aku, A ʻo ka ʻōlelo a Iēhova mai Ierusalema aku.

MIKA 4:2 Iomraidhean Croise

KA BUKE O NĀ HALELŪ 110:2

E hoʻouna mai nō ʻo Iēhova i ke koʻokoʻo o kou ikaika, mai Ziona mai; “E noho aupuni hoʻi ʻoe ma waena o kou poʻe ʻenemi.”

KA BUKE O NĀ HALELŪ 119:1

¶ Pōmaikaʻi ka poʻe i pono ka noho ʻana, A hele hoʻi ma ke kānāwai o Iēhova.

KA BUKE O NĀ HALELŪ 119:171

E hōʻike aku nō koʻu mau lehelehe i ka halelū, Ke aʻo mai ʻoe iaʻu i kāu mau ʻōlelo paʻa.

KA BUKE O NĀ HALELŪ 122:1

¶ ʻOliʻoli akula au, iā lākou i ʻōlelo mai ai iaʻu, “E hele kākou i loko o ka hale o Iēhova.”

KA BUKE O NĀ HALELŪ 25:12

¶ ʻO wai lā ke kanaka i weliweli aku iā Iēhova? ʻO ia kāna e aʻo mai ai i ka ʻaoʻao āna e koho ai.

KA WĀNANA A ʻISAIA 2:3

A e nui loa nā kānaka e hele me ka ʻōlelo, “E hele mai e piʻi kākou i ka mauna o Iēhova, I ka hale hoʻi o ke Akua o Iakoba; Nāna nō e aʻo mai iā kākou i kona mau ʻaoʻao, I hele ai kākou ma kona mau alanui.” No ka mea, mai Ziona aku e laha aku ai ke kānāwai, A ʻo ka ʻōlelo a Iēhova hoʻi, mai Ierusalema aku.

KA WĀNANA A ʻISAIA 54:13

“E aʻo ʻia nō hoʻi kāu mau keiki a pau e Iēhova, A e nui loa auaneʻi ka pōmaikaʻi o kāu mau keiki.

KA WĀNANA A ʻISAIA 56:7

“ʻO lākou nō kaʻu e lawe ai i koʻu mauna hoʻāno, A e hoʻohauʻoli au iā lākou ma loko o koʻu hale pule; E maliu ʻia ko lākou mōhai kuni, a me ko lākou ʻālana ma luna o koʻu kuahu; No ka mea, e kapa ʻia koʻu hale, He hale pule no nā lāhui kanaka a pau.”

KA WĀNANA A IEREMIA 31:6

“No ka mea, e hiki mai auaneʻi ka lā E hea aku ai ka poʻe kiaʻi ma luna o ka mauna ʻo ʻEperaima, ‘E ala mai ʻoukou, a e piʻi aku kākou i Ziona, I o Iēhova lā, i ko kākou Akua.’”

KA WĀNANA A IEREMIA 42:3

i hōʻike mai ai ʻo Iēhova, kou Akua iā mākou i ke ala e pono ai mākou ke hele, a i ka mea hoʻi e pono ai mākou ke hana.”

HOSEA 6:3

“A laila e ʻike kākou, ke hahai kākou e ʻike iā Iēhova; Ua mākaukau kona hele ʻana aku, e like me ka wanaʻao; A e hele mai ia iā kākou e like me ka ua; E like me ke kuāua mua, a me ke kuāua hope ma luna o ka honua.”

ZEKARIA 14:16

¶ Eia hoʻi kēia, ʻo nā mea a pau e koe, ʻo nā lāhui kanaka a pau i hele kūʻē mai iā Ierusalema, e piʻi aʻe lākou i kēlā makahiki i kēia makahiki, e hoʻomana i ke Aliʻi iā Iēhova o nā kaua, a e mālama i ka ʻAhaʻaina Kauhalelewa.

ZEKARIA 2:11

“Ia lā hoʻi, he nui nā lāhui kanaka e hui aku iā lākou iho me Iēhova, a e lilo lākou i kānaka noʻu, a e noho nō wau i waena pū o ʻoukou; a e ʻike auaneʻi ʻoukou na Iēhova o nā kaua wau i hoʻouna mai i ou lā.

ZEKARIA 9:10

E hoʻopau auaneʻi hoʻi au i nā hale kaʻa mai ko ʻEperaima aku, A me ka lio mai Ierusalema aku; E hōʻoki ʻia hoʻi ke kakaka kaua; A e haʻi aku auaneʻi ʻo ia i ka maluhia i nā lāhui kanaka; A mai kekahi kai a hiki i kēlā kai kona aupuni, A mai ka Muliwai aku a hiki i nā palena o ka honua.

KA ʻEUANELIO I KĀKAU ʻIA AI E MAREKO 16:20

Hele aʻe lākou, a aʻo akula ma nā wahi a pau; hana pū maila nō hoʻi ka Haku me lākou, e hōʻoiaʻiʻo ana i ka ʻōlelo, me nā hana mana e pili ana. ʻĀmene.

KA ʻEUANELIO I KĀKAU ʻIA AI E LUKA 24:47

a e haʻi ʻia aku hoʻi ka mihi a me ke kala ʻana i ka hala ma kona inoa ma waena o nā lāhui kanaka a pau, e hoʻomaka ana ma Ierusalema.

KA ʻEUANELIO I KĀKAU ʻIA AI E IOANE 6:45

“Ua palapala ʻia e nā kāula, ‘«E aʻo ʻia lākou a pau e ke Akua».’ No ia hoʻi, ʻo ka mea i hoʻolohe i kā ka Makua, a i aʻo ʻia hoʻi, ʻo ia ke hele mai i oʻu nei.

KA ʻEUANELIO I KĀKAU ʻIA AI E IOANE 7:17

“Inā makemake kekahi e hana i kona makemake, e ʻike nō ia i ka mea aʻu e ʻōlelo nei, na ke Akua mai ia, ʻaʻole naʻu iho.

NĀ ʻOIHANA A KA POʻE LUNAʻŌLELO 1:8

“Akā, e loaʻa nō iā ʻoukou ka mana, ke hiki mai ka ʻUhane Hemolele ma luna iho o ʻoukou; a e lilo auaneʻi ʻoukou i poʻe hōʻike noʻu ma Ierusalema, a ma Iudea a pau, a ma Samaria, a hiki wale aku i ke kihi o ka honua.”

NĀ ʻOIHANA A KA POʻE LUNAʻŌLELO 13:42

¶ I ka hele ʻana o nā Iudaio i waho o ka hale hālāwai, nonoi akula nā kānaka e ʻae i haʻi hou ʻia mai kēia mau ʻōlelo iā lākou ia lā Sābati mai.

ʻO KA ʻEPISETOLE A PAULO KA LUNAʻŌLELO I KO ROMA 15:19

ma ka mana o nā hōʻailona, a me nā mea kupanaha, a ma ka mana o ka ʻUhane o ke Akua; ua hoʻolaha nui aku au i ka ʻeuanelio a Kristo, mai Ierusalema a puni, a hiki aku i ʻIluriko.

KA BUKE ʻALIMA A MOSE, I KAPA ʻIA KĀNĀWAI LUA 6:1

¶ “Eia nā kauoha, nā kānāwai, a me nā ʻōlelo kūpaʻa, a Iēhova ko ʻoukou Akua i kauoha mai ai e aʻo aku iā ʻoukou, i mālama aku ai ʻoukou ma ka ʻāina e hele aku nei ʻoukou e noho;