MIKA 4:12 - Ka Baibala Hemolele

¹² “Akā, ʻaʻole lākou i ʻike i nā manaʻo o Iēhova, ʻAʻole i ʻike lākou i kona noʻonoʻo ʻana; No ka mea, e hoʻākoakoa ʻo ia iā lākou, me he pūʻā lā ma kahi hehi palaoa.

MIKA 4:12 Iomraidhean Croise

KA BUKE O NĀ HALELŪ 147:19

Hōʻike mai nō ʻo ia i kāna ʻōlelo i kā Iakoba, I kāna mau ʻōlelo paʻa hoʻi, a me kāna hoʻoponopono ʻana i kā ʻIseraʻela.

KA BUKE O NĀ HALELŪ 147:20

ʻAʻole ia i hana pēlā i ko nā ʻāina ʻē a pau; ʻO kāna hoʻoponopono ʻana, ʻaʻole lākou i ʻike mai ia. E halelū aku ʻoukou iā Iēhova.

KA WĀNANA A ʻISAIA 10:7

ʻAʻole pēlā kona manaʻo, ʻAʻole i noʻonoʻo kona naʻau pēlā; ʻO ka luku nō ka mea i loko o kona naʻau, A e ʻānai aku i nā ʻāina he nui loa.

KA WĀNANA A ʻISAIA 21:10

Auē kuʻu mea i hahi ʻia, ke keiki hoʻi o koʻu kahua hahi! ʻO ka mea aʻu i lohe ai, no Iēhova o nā kaua mai, Ke Akua o kā ʻIseraʻela, ʻo ia kaʻu e haʻi aku nei iā ʻoukou.

KA WĀNANA A ʻISAIA 29:7

E like me ka moeʻuhane, i ka wā e hihiʻo ai i ka pō, Pēlā auaneʻi ka lehulehu o nā lāhui kanaka a pau, I kaua aku iā ʻAriʻela, Ka poʻe hoʻi i kaua aku i kona pā kaua, A hoʻokaumaha aku iā ia.

KA WĀNANA A ʻISAIA 55:8

“No ka mea, ʻo koʻu mau manaʻo, ʻaʻole ia ʻo ko ʻoukou mau manaʻo, A ʻo ko ʻoukou mau ʻaoʻao, ʻaʻole ia ʻo koʻu mau ʻaoʻao,” wahi a Iēhova.

KA WĀNANA A IEREMIA 29:11

‘No ka mea, ua ʻike nō wau i nā manaʻo aʻu e manaʻo nei iā oukou,’ wahi a Iēhova, ‘he mau manaʻo no ka hoʻomalu, ʻaʻole no ke ʻāhewa, e hāʻawi iā ʻoukou i hope maikaʻi, a me ka hoʻolana.

KA WĀNANA A IEREMIA 51:20

“He hāmare nō ʻoe noʻu, A me koʻu mau mea kaua e kaua ai; No ka mea, iā ʻoe nō wau e wāwahi ai i nā ʻāina, A iā ʻoe nō hoʻi e luku aku ai au i nā aupuni;

KA WĀNANA A IEREMIA 51:33

¶ No ka mea, ke ʻōlelo mai nei ʻo Iēhova o nā kaua, ke Akua o kā ʻIseraʻela penei, “Ua like ke kaikamahine o Babulona me kahi hahi palaoa, Ua hiki mai ka manawa e hahi ai iā ia; He manawa iki e koe, a hiki mai kona hōʻiliʻili ʻai ʻana.”

IOʻELA 3:2

“E hoʻākoakoa hoʻi au i nā lāhui kanaka a pau, A e lawe mai iā lākou i lalo i ke awāwa ʻo Iehosapata, A e hoʻokolokolo au me lākou no kuʻu poʻe kānaka, A no kuʻu hoʻoilina, no kā ʻIseraʻela, Ka poʻe a lākou i hoʻopuehu aku ai i waena o nā lāhui kanaka, A i puʻunaue hoʻi i kuʻu ʻāina.

KA ʻEUANELIO I KĀKAU ʻIA AI E LUKA 3:17

“A ʻo kona peʻahi, aia nō i kona lima, a e hoʻomaʻemaʻe loa ʻo ia i kāna huapalaoa, a e hōʻiliʻili i kāna huapalaoa i loko o kona hale papaʻa, a e hoʻopau hoʻi ʻo ia i ka ʻōpala i ke ahi pio ʻole.”