MIKA 4:11 - Ka Baibala Hemolele

¹¹ “ʻĀnō hoʻi, ua nui nā lāhui kanaka i ʻākoakoa kūʻē mai iā ʻoe, Ka mea e ʻōlelo ana, ‘E hoʻohaumia ʻia ʻo ia, A e nānā aku ko kākou maka i Ziona.’

MIKA 4:11 Iomraidhean Croise

KA BUKE O NĀ HALELŪ 129:5

¶ E hoʻohilahila ʻia a e hoʻihoʻi hope ʻia mai, Ka poʻe a pau e inaina mai iā Ziona.

KA BUKE O NĀ HALELŪ 83:5

No ka mea, ua kūkākūkā lōkahi pū lākou; Ua hana nō lākou i berita kūʻē iā ʻoe.

KA WĀNANA A ʻISAIA 10:7

ʻAʻole pēlā kona manaʻo, ʻAʻole i noʻonoʻo kona naʻau pēlā; ʻO ka luku nō ka mea i loko o kona naʻau, A e ʻānai aku i nā ʻāina he nui loa.

KA WĀNANA A ʻISAIA 17:12

¶ Auē ke kūpikipikiʻō o nā lāhui kanaka he nui; Ua like ko lākou kūpikipikiʻō ʻana, me ka halulu ʻana o nā kai, Ka halulu o ko nā ʻāina; Halulu nō lākou e like me ka halulu ʻana o nā wai.

KA WĀNANA A ʻISAIA 29:7

E like me ka moeʻuhane, i ka wā e hihiʻo ai i ka pō, Pēlā auaneʻi ka lehulehu o nā lāhui kanaka a pau, I kaua aku iā ʻAriʻela, Ka poʻe hoʻi i kaua aku i kona pā kaua, A hoʻokaumaha aku iā ia.

KA WĀNANA A IEREMIA 52:4

A hiki i ka makahiki ʻeiwa o ka makahiki o kona noho aupuni ʻana, i ka malama ʻumi, i ka ʻumi o ka lā o ka malama, hele maila ʻo Nebukaneza, ke aliʻi o Babulona, ʻo ia a me kona poʻe kaua a pau e kūʻē iā Ierusalema, a hoʻomoana kūʻē ʻo ia ia wahi, a hana ihola i mau puʻu kaua a puni ia.

KA WĀNANA A ʻEZEKIʻELA 26:3

“No laila, ke ʻōlelo nei Iēhova ka Haku, ‘Eia hoʻi, e kūʻē au iā ʻoe, e Turo, a e kono au i nā lāhui kanaka he nui e piʻi kūʻē iā ʻoe, e like me ke kai e hoʻopiʻi ai i kona mau ʻale.

KA WĀNANA A ʻEZEKIʻELA 38:17

¶ ‘Ke ʻī mai nei Iēhova ka Haku, penei, “ʻO ʻoe anei ka mea nona wau i ʻōlelo ai i ka wā kahiko, ma kuʻu mau kauā nā kāula o kā ʻIseraʻela, nā mea i wānana i nā makahiki ia manawa e lawe au iā ʻoe e kūʻē iā lākou?

ʻOBADIA 1:12

“ʻAʻole naʻe i pono kou nānā ʻana i ka lā o kou hoahānau, I ka lā o kona malihini ʻana; ʻAʻole hoʻi he pono kou hauʻoli ʻana ma luna o nā mamo a Iuda, I ka lā i luku ʻia ai lākou; ʻAʻole pono kāu ʻōlelo hoʻokiʻekiʻe ʻana i ka wā i pilikia ai lākou.

MIKA 7:10

A e ʻike kou ʻenemi ia mea, A e uhi mai ka hilahila i ka mea i ʻōlelo mai ai iaʻu, “ʻAuhea ʻo Iēhova kou Akua?” E ʻike auaneʻi koʻu mau maka iā ia; ʻĀnō e hehi ʻia ʻo ia i lalo, e like me ka lepo o nā alanui.

ZEKARIA 12:3

“Ia lā hoʻi, e hoʻolilo au iā Ierusalema i pōhaku kaumaha no nā kānaka a pau; a ʻo ka poʻe a pau i kaʻikaʻi ia mea, e haehae ʻia lākou; a e hoʻākoakoa ʻia auaneʻi nā lāhui kanaka a pau o ka honua e kūʻē ia wahi.