MIKA 4:10 - Ka Baibala Hemolele

¹⁰ “E haʻalulu, a e kuakoko, E ke kaikamahine o Ziona, Me he wahine hānau lā; No ka mea, ʻānō e hele aku ʻoe mai ke kūlanakauhale aku, A e noho ʻoe ma ke kula, A e hele aku ʻoe a Babulona; A ma laila e hoʻopakele ʻia ʻoe; Ma laila e hoʻōla mai ai ʻo Iēhova iā ʻoe Mai ka lima mai o ko ʻoukou poʻe ʻenemi.

MIKA 4:10 Iomraidhean Croise

KA BUKE ʻALUA NO NĀ ALIʻI 20:18

‘A e lawe aku lākou i kāu poʻe keiki kāne e puka ana mai ou mai lā, i nā mea āu e hoʻohānau ai, a e lilo lākou i poʻe luna i poʻa ʻia ma ka hale aliʻi o ke aliʻi o Babulona.’”

KA BUKE ʻALUA NO NĀ ALIʻI 25:4

A ua hoʻopio ʻia ke kūlanakauhale, a holo akula nā kānaka koa a pau i ka pō, ma ke ala o ka ʻīpuka ma waena o nā pā pōhaku ʻelua, ma ke kīhāpai o ke aliʻi; (a ʻo ko Kaledea e noho ana a puni ke kūlanakauhale); a hele akula ke aliʻi i ke ala o ka pāpū.

KA BUKE ʻALUA O KA ʻOIHANA ALIʻI 33:11

A laila, alakaʻi kūʻē maila ʻo Iēhova i nā luna o ka poʻe koa no ke aliʻi o ʻAsuria, a hoʻopaʻa lākou iā Manase i nā lou, a hana paʻa iā ia i nā kūpeʻe keleawe, a lawe aku iā ia i Babulona.

KA BUKE ʻALUA O KA ʻOIHANA ALIʻI 36:20

A ʻo ke koena, ka poʻe i pakele i ka pahi kaua, lawe akula ʻo ia iā lākou i Babulona; a lilo lākou i poʻe kauā nāna, a na kāna poʻe keiki a hiki i ka lanakila ʻana o ke aupuni o Peresia;

KA BUKE ʻALUA O KA ʻOIHANA ALIʻI 36:23

“Pēnēia i ʻōlelo ai ʻo Kuro ke aliʻi o Peresia, ‘Ua hāʻawi mai ʻo Iēhova ke Akua o ka lani iaʻu i nā aupuni a pau o ka honua, a ua kauoha mai nō hoʻi ʻo ia iaʻu e hana i hale nona ma Ierusalema, ma Iuda. ʻO wai lā ka mea ma waena o ʻoukou no kona poʻe kānaka a pau? E piʻi aʻe ʻo ia, a ʻo Iēhova kona Akua kekahi pū me ia!’”

KA BUKE O NĀ HALELŪ 106:10

Hoʻōla maila ʻo ia iā lākou mai ka lima mai o ka poʻe inaina, A hoʻōla pānaʻi hoʻi iā lākou mai ka lima mai o ka ʻenemi.

KA WĀNANA A ʻISAIA 43:14

¶ Ke ʻōlelo mai nei ʻo Iēhova, ko ʻoukou Hoʻōla Pānaʻi, ka Mea Hemolele hoʻi o kā ʻIseraʻela, penei, “Ua hoʻouna aku au i Babulona no ʻoukou, A ua kiola au i lalo i ko lākou poʻe ʻauheʻe a pau, A me ko Kaledea, ka poʻe e ʻoliʻoli ana i nā moku.

KA WĀNANA A ʻISAIA 45:13

“Ua hoʻāla nō au iā ia, no ka pono, Naʻu nō e hoʻopololei i kona mau ʻaoʻao, Nāna nō e hana i koʻu kūlanakauhale, A nāna nō e hoʻokuʻu aku i koʻu poʻe pio; ʻAʻole no ka uku, a me ka waiwai kīpē,” Wahi a Iēhova o nā kaua.

KA WĀNANA A ʻISAIA 48:20

¶ Ō haele ʻoukou ma waho o Babulona, E holo ʻoukou, mai ko Kaledea aku, Me ka leo o ke ʻoli, e haʻi aku, e hoʻokaulana i kēia, E hoʻolaha aku a i nā kūkulu o ka honua; E ʻī aku, “Ua hoʻōla pānaʻi ʻo Iēhova i kā Iakoba, kāna kauā.”

KA WĀNANA A IEREMIA 13:4

“E lawe ʻoe i ke kāʻei i loaʻa iā ʻoe, ka mea ma kou pūhaka, a e kū i luna, a e hele i ʻEuperate, a e hūnā ia mea ma laila, ma ke ana o ka pōhaku.”

KA WĀNANA A IEREMIA 15:21

“A e hoʻopakele aku au iā ʻoe, mai ka lima aku o ka poʻe hewa, A e hoʻōla pānaʻi aku au iā ʻoe, mai loko aku o ka lima o ka poʻe hoʻoweliweli.”

KA WĀNANA A IEREMIA 29:20

“E hoʻolohe hoʻi ʻoukou i ka ʻōlelo a Iēhova, e ʻoukou a pau o nā mea pio, nā mea aʻu i hoʻouna aku ai, mai Ierusalema a Babulona.

KA WĀNANA A IEREMIA 4:31

No ka mea, ua lohe nō au i ka leo, e like me ko ka wahine e hānau keiki ana, A i ke kuakoko, e like me ko ka wahine i hānau i kāna hiapo, I ka leo hoʻi o ke kaikamahine o Ziona e kūmākena ana iā ia iho, E hohola ana hoʻi i kona mau lima, me ka ʻōlelo iho, “Auē au ʻānō! No ka mea, ua paupauaho kuʻu ʻuhane No ka poʻe pepehi kanaka!”

KA WĀNANA A IEREMIA 48:41

“Ua hoʻopio ʻia ʻo Keriota, ua hoʻopio ʻia nō nā pā kaua, A i kēlā lā, e like auaneʻi nā naʻau o nā kānaka ikaika o Moaba, Me ka naʻau o ka wahine nahu kuakoko.

KA WĀNANA A IEREMIA 52:27

Pepehi akula ke aliʻi o Babulona iā lākou, a make lākou iā ia ma Ribela i ka ʻāina ʻo Hamata. A ua lawe ʻia akula ʻo kā Iuda mai ko lākou ʻāina aku.

HOSEA 1:10

¶ Akā, e like auaneʻi ka lehulehu o nā mamo a ʻIseraʻela, Me ke one o ke kai, ʻAʻole e hiki ke ana ʻia, ʻaʻole hoʻi ke helu ʻia; A ma kahi i ʻōlelo ʻia ai lākou, “ʻAʻole ʻo koʻu poʻe kānaka ʻoukou,” Ma laila e ʻōlelo ʻia ai lākou, “He poʻe keiki ʻoukou na ke Akua ola.”

HOSEA 13:13

ʻO nā ʻehaʻeha o ka wahine hānau, e hiki mai ia ma luna ona: He keiki naʻaupō ia; No ka mea, ʻaʻohe ona pono e kū lōʻihi ma kahi e hānau ai nā keiki.

HOSEA 2:14

¶ “No laila, aia hoʻi, e hoʻowalewale au iā ia, a e alakaʻi aku iā ia i ka wao nahele, A e ʻōlelo ʻoluʻolu aku iā ia.

MIKA 5:2

“A ʻo ʻoe, Betelehema ʻEperata, Ka mea ʻuʻuku i waena o nā tausani o Iuda, Mai loko mai ou e hele mai ai i oʻu nei, Ka mea e aliʻi ana i loko o kā ʻIseraʻela; Ma mua mai kona puka ʻana, mai ka manawa kahiko loa mai.”

MIKA 5:3

No ia hoʻi, e hoʻolilo aku ʻo ia iā lākou, A hiki i ka manawa e hānau ai ka mea e hānau ana; A laila hoʻi, e hoʻi hou mai ke koena o kona mau hoahānau I nā mamo a ʻIseraʻela.

KA HŌʻIKE ʻANA A IOANE KA HAIPULE 12:14

Hāʻawi ʻia maila i ka wahine ʻelua ʻēheu o ka ʻaeto nui, i lele aku ai ʻo ia i ka wao nahele, i kona wahi, ua hānai ʻia ʻo ia ma laila i ka makahiki, a me nā makahiki, a me ka hapa o ka makahiki, mai ke alo aku o ua moʻo lā.