MIKA 3:9 - Ka Baibala Hemolele

⁹ Ke noi aku nei au iā ʻoukou, e hoʻolohe i kēia, e nā luna o kā Iakoba, A me nā luna kānāwai o kā ʻIseraʻela, Ka poʻe e hoʻowahāwahā ana i ka pono, A e hoʻololi ana i ka pololei a pau.

MIKA 3:9 Iomraidhean Croise

KA BUKE A NEHEMIA 13:17

A laila pāpā akula au i nā kaukaualiʻi o kā Iuda, a ʻōlelo aku au iā lākou, “He aha kēia mea hewa a ʻoukou e hana nei, a hana ʻino i ka lā Sābati?

KA BUKE ʻALUA A MOSE, I KAPA ʻIA PUKA ʻANA 3:16

“Ō hele ʻoe, a e hoʻākoakoa aʻe i ka poʻe lunakahiko o kā ʻIseraʻela, a e ʻōlelo aku iā lākou, ‘Ua ʻike ʻia aku e aʻu ʻo Iēhova ke Akua o ko ʻoukou poʻe kūpuna, ke Akua o ʻAberahama, ʻo ʻIsaʻaka a ʻo Iakoba; ua ʻōlelo mai ʻo ia, “Ua ʻike ʻiʻo nō au iā ʻoukou, a me ka mea i hana ʻia mai iā ʻoukou ma ʻAigupita.”’

NĀ ʻŌLELO AKAMAI A SOLOMONA 17:15

ʻO ka mea hoʻāpono aku i ka mea hewa, A ʻo ka mea hoʻāhewa aku i ka mea pono, He mau mea hoʻopailua lāua iā Iēhova.

NĀ ʻŌLELO AKAMAI A SOLOMONA 17:23

Kāʻili aʻe ka mea hewa i ka waiwai kīpē, I kona hoʻohaunaele ʻana i ka ʻaoʻao pono.

NĀ ʻŌLELO AKAMAI A SOLOMONA 18:5

ʻO ka hōʻoluʻolu aku i ka mea hewa, ʻaʻole ia he maikaʻi; ʻAʻole hoʻi ka ʻōpeʻa aku i ka mea pono ma ka hoʻokolokolo ʻana.

NĀ ʻŌLELO AKAMAI A SOLOMONA 21:7

ʻO ke kāʻili wale o ka poʻe hewa, e kāʻili aku ia iā lākou; No ka mea, hōʻole lākou, ʻaʻole e hana ma ka hoʻopono.

KA WĀNANA A ʻISAIA 1:23

He poʻe hoʻokekeʻe kou poʻe aliʻi, He poʻe hoa no nā ʻaihue; Ua makemake lākou a pau i ka waiwai kīpē, Ua ʻimi nō i ka uku ʻia mai; ʻAʻole lākou i hoʻopono i nā keiki makua ʻole, ʻAʻole hoʻi i hiki i mua o lākou ka mea hoʻopono ʻia o ka wahine kāne make.

KA WĀNANA A IEREMIA 5:28

‘Ua momona aʻe nei lākou, ua hinuhinu hoʻi; ʻO ia, ua hele lākou, a ua pākela ma mua o ka hana ʻana a ka poʻe hewa; ʻAʻole lākou i kōkua i ka pono, I ka pono hoʻi o nā keiki makua ʻole, Ua pōmaikaʻi naʻe lākou; ʻAʻole lākou i hoʻopono ma ka hoʻopiʻi ʻana o ka poʻe kaumaha.

KA WĀNANA A ʻEZEKIʻELA 44:23

“A e aʻo aku lākou i kuʻu poʻe kānaka i ka like ʻole o ka mea hoʻāno a me ka haumia, a hana hoʻi e hoʻokaʻawale lākou i waena o ka mea maʻemaʻe, a me ka maʻemaʻe ʻole.

HOSEA 5:1

¶ E hoʻolohe ʻoukou i kēia, e nā kāhuna, E hāliu mai ʻoukou, e ko ka hale o kā ʻIseraʻela, A e lohe nā pepeiao, e ko ka hale o ke aliʻi; No ka mea, no ʻoukou ka hoʻohewa, No ka mea, ua lilo ʻoukou i pahele ma Mizepa, A i ʻupena hohola hoʻi ma luna o Tabora.

KA BUKE ʻAKOLU A MOSE, I KAPA ʻIA ʻOIHANA KAHUNA 26:15

a inā e hoʻowahāwahā ʻoukou i kaʻu mau kauoha, a e inaina mai ko ʻoukou ʻuhane i koʻu mau kānāwai, i ʻole ai ʻoukou e hana ma kaʻu mau kauoha a pau; akā, e pale ʻoukou i kaʻu berita;

ʻAMOSA 5:7

“E ka poʻe i hoʻolilo i ka ʻōlelo hoʻopono i mea ʻawaʻawa, A hoʻolei i ka pono ma ka honua,”

MIKA 1:1

¶ Ka ʻōlelo a Iēhova ka mea i hiki mai iā Mika no Moreseta, i nā lā o Iotama, ʻAhaza, a ʻo Hezekia, nā aliʻi o kā Iuda, ka mea āna i ʻike ai no Samaria, a no Ierusalema.

MIKA 3:1

¶ A ʻōlelo akula au, “Ke noi aku nei au, e hoʻolohe ʻoukou, e nā luna o kā Iakoba, A, e nā luna kānāwai o ka hale o kā ʻIseraʻela, ʻAʻole anei no ʻoukou ka ʻike i ka hoʻopono?

KA BUKE ʻALIMA A MOSE, I KAPA ʻIA KĀNĀWAI LUA 27:19

¶ ‘E pōʻino ke kanaka ke hoʻokeʻekeʻe i ka pono o ka malihini, a me ke keiki makua ʻole, a me ka wahine kāne make.’ A ʻo nā kānaka a pau e ʻōlelo mai, ‘Pēlā ʻiʻo nō!’