MIKA 3:8 - Ka Baibala Hemolele

⁸ Akā hoʻi, ua piha wau i ka mana Ma ka ʻUhane o Iēhova, A me ka pono, a me ka ikaika, E haʻi aku iā Iakoba i kona hala, A i kā ʻIseraʻela i kona hewa.

MIKA 3:8 Iomraidhean Croise

KA BUKE NO IOBA 32:18

“No ka mea, ua piha au i nā ʻōlelo, Ke koi mai nei iaʻu ka ʻuhane i loko oʻu.

KA WĀNANA A ʻISAIA 58:1

¶ “E kāhea nui aku, mai ʻuʻumi, E hoʻokiʻekiʻe i kou leo me he pū lā, E hōʻike i koʻu poʻe kānaka i ko lākou hewa, A i ko ka hale o Iakoba i ko lākou hala.

KA WĀNANA A ʻISAIA 61:1

¶ Eia nō ma luna oʻu ka ʻUhane o Iēhova, ka Haku, No ka mea, ua poni mai ʻo Iēhova iaʻu, E haʻi i ka ʻōlelo maikaʻi i ka poʻe hoʻohaʻahaʻa; Ua hoʻouna mai ʻo ia iaʻu e wahī i nā naʻau ʻehaʻeha, E haʻi aku i ke kuʻu ʻana no ka poʻe i pio, A me ka wehe ʻana o ka hale paʻahao no ka poʻe i paʻa;

KA WĀNANA A ʻISAIA 61:2

E haʻi aku hoʻi i ka makahiki ʻoluʻolu no Iēhova, A me ka lā o ka inaina o ko kākou Akua; E hoʻomaha hoʻi i ka poʻe i kaniʻuhū;

KA WĀNANA A IEREMIA 1:18

“No ka mea, aia hoʻi, ua hana aku au iā ʻoe i kēia lā i kūlanakauhale paʻa, a i kia hao, a i mau pā keleawe no ka ʻāina a pau, a no nā aliʻi o kā Iuda, a no ko lākou mau luna, a no ko lākou mau kāhuna, a no nā kānaka o ka ʻāina.

KA WĀNANA A IEREMIA 20:9

A laila, ʻōlelo ihola au, “ʻAʻole au e hoʻomanaʻo hou iā ia, ʻAʻole hoʻi e ʻōlelo hou ma kona inoa”; Akā, ua like ia i loko o koʻu naʻau, me ke ahi e ʻā ana, A pani ʻia hoʻi i loko o koʻu mau iwi; A ikiiki au i ka hoʻomanawanui ʻana, ʻAʻole hoʻi i hiki iaʻu.

KA WĀNANA A IEREMIA 6:11

No laila, ua piha au i ka inaina o Iēhova; Ua auka au i ka ʻuʻumi ʻana. “E ninini aku au ia ma luna o nā kamaliʻi ma waho, Ma luna pū nō me ka ʻaha kanaka uʻi; No ka mea, e lawe pio pū ʻia nō ke kāne me ka wahine, ʻO ka mea ʻelemakule me ka mea i nui kona mau lā.

KE KANIKAU A IEREMIA 2:14

Ua ʻike kou mau kaula i nā mea hewa, a me nā mea lapuwale nou; ʻAʻole naʻe lākou i wehe i ka pale o kou hewa, I mea e hoʻihoʻi ai i kou pio ʻana; Akā, ua ʻike lākou i nā wānana wahaheʻe nou, a me nā hoʻowalewale.

KA WĀNANA A ʻEZEKIʻELA 16:2

“E ke keiki a ke kanaka, e hōʻike ʻoe iā Ierusalema i kona mau hewa i inaina ʻia;

KA WĀNANA A ʻEZEKIʻELA 20:4

“E hoʻohewa ʻoe iā lākou, e hoʻohewa iā lākou, e ke keiki a ke kanaka? E hōʻike iā lākou i nā mea i hoʻopailua ʻia o ko lākou poʻe mākua.

KA WĀNANA A ʻEZEKIʻELA 22:2

“ʻĀnō hoʻi, e ke keiki a ke kanaka, e hoʻohewa anei ʻoe, e hoʻohewa ʻoe i ke kūlanakauhale koko? ʻO ia, e hōʻike nō ʻoe iā ia i kona mau mea a pau i inaina ʻia.

KA WĀNANA A ʻEZEKIʻELA 23:36

¶ ʻŌlelo hou maila ʻo Iēhova iaʻu, “E ke keiki a ke kanaka, e hoʻāhewa anei ʻoe iā ʻAhola, a me ʻAholiba? ʻO ia, e haʻi aku ʻoe iā lāua i ko lāua mea e inaina ʻia.

KA WĀNANA A ʻEZEKIʻELA 3:14

Kaʻikaʻi aʻela hoʻi ka ʻUhane iaʻu, a lawe aku iaʻu, a hele au me ke kaumaha loa a me ka wela o koʻu ʻuhane; akā, ua kau ikaika mai ka lima o Iēhova ma luna iho oʻu.

KA WĀNANA A ʻEZEKIʻELA 43:10

¶ “ʻO ʻoe, e ke keiki a ke kanaka, e hōʻike i ka hale i ka ʻohana a ʻIseraʻela, i hilahila lākou i ko lākou lawelawe ʻana; a e ana lākou i ke ʻano.

KA ʻEUANELIO I KĀKAU ʻIA AI E MATAIO 7:29

No ka mea, aʻo akula ia iā lākou me he mea mana lā, ʻaʻole e like me ka poʻe kākau ʻōlelo.

KA ʻEUANELIO I KĀKAU ʻIA AI E MAREKO 3:17

ʻo Iakobo a Zebedaio, a me kona kaikaina ʻo Ioane, kapa maila hoʻi ia iā lāua, ʻo Boanerege, ʻo ia hoʻi kēia, “Nā Keiki a ke Hekili”;

ʻO KA ʻEPISETOLE MUA A PAULO KA LUNAʻŌLELO I KO KORINETO 2:4

A ʻo kaʻu ʻōlelo, a me kaʻu aʻo ʻana aku, ʻaʻole ia ma ka ʻōlelo maʻalea a ko ke kanaka akamai; akā, ma ka ʻōlelo hoʻākāka a ka ʻUhane, a me ka mana;