MIKA 3:7 - Ka Baibala Hemolele

⁷ A laila, e hilahila nā mea ʻike, A e pilihua ka poʻe wānana; A e uhi lākou a pau i ko lākou lehelehe; No ka mea, ʻaʻole ke Akua i hōʻike mai.

MIKA 3:7 Iomraidhean Croise

KA BUKE O NĀ HALELŪ 74:9

ʻAʻole kākou i ʻike i ko kākou mau hōʻailona; ʻAʻole he kāula hou aʻe; ʻAʻohe mea i waena o kākou i ʻike i ka lōʻihi ʻana.

KA BUKE ʻALUA A MOSE, I KAPA ʻIA PUKA ʻANA 9:11

ʻAʻole i hiki i nā māgoi ke kū i mua o Mose, no nā maʻi hēhē; no ka mea, ma luna nō o ka poʻe māgoi ua maʻi hēhē lā, a ma luna nō o ko ʻAigupita a pau.

KA WĀNANA A ʻISAIA 44:25

“Ka Mea hoʻokahuli i nā ʻōuli o ka poʻe wahaheʻe, A hoʻohilahila hoʻi i ka poʻe kilokilo; Ka Mea alakaʻi hope i ka poʻe akamai, A hoʻolapuwale i ko lākou naʻauao;

KA WĀNANA A IEREMIA 18:18

¶ A laila, ʻōlelo maila lākou, “E hele mai, e ʻimi hala kākou no Ieremia; no ka mea, ʻaʻole e hāʻule ke kānāwai i ke kahuna, ʻaʻole hoʻi ka manaʻo akamai i ka poʻe akamai, a me ka ʻōlelo hoʻi i ke kāula. E hele mai, e hahau kākou iā ia i ke alelo; mai hoʻolohe kākou i kekahi o kāna mau ʻōlelo.”

KA WĀNANA A ʻEZEKIʻELA 24:17

“Waiho i ka auē ʻana, ʻaʻole e kanikau no nā mea make, e kau aʻe hoʻi i kou pāpale hainakā ma luna ou, a e hāwele aʻe i kou mau kāmaʻa ma kou mau wāwae, ʻaʻole hoʻi e uhi i kou mau lehelehe, ʻaʻole hoʻi e ʻai i ka berena a kānaka.”

KA WĀNANA A ʻEZEKIʻELA 24:22

‘A e hana ʻoukou me kaʻu i hana ai; ʻaʻole ʻoukou e uhi i ko ʻoukou mau lehelehe, ʻaʻole hoʻi e ʻai i ka berena a kānaka.

KA BUKE ʻAKOLU A MOSE, I KAPA ʻIA ʻOIHANA KAHUNA 13:45

¶ “A ʻo ka lēpera i loko ona ka maʻi, e uhae ʻia kona kapa, a e pāpale ʻole kona poʻo, a e uhi i kona lehelehe luna, a e kāhea aku, ‘He haumia, he haumia!’

ʻAMOSA 8:11

¶ “Aia hoʻi, e hiki mai ana nā lā,” wahi a Iēhova ka Haku, “E lawe mai ai au i ka wī ma luna o ka ʻāina, ʻaʻole ʻo ka wī i ka ʻai, ʻaʻole ʻo ka make inu i ka wai, Akā, ʻo ka lohe i ka ʻōlelo a Iēhova.

MIKA 3:4

A laila, e kāhea aku lākou iā Iēhova, Akā, ʻaʻole ia e hoʻolohe mai iā lākou; A e hūnā nō ia i kona maka mai o lākou aku i kēlā manawa; No ka mea, ua hana hewa lākou ma ko lākou noʻonoʻo ʻana.

MIKA 7:16

E ʻike mai nā lāhui kanaka, A e hilahila nō ko lākou ikaika a pau; A e kau lākou i ka lima ma luna o ka waha, E kuli hoʻi ko lākou mau pepeiao.

ZEKARIA 13:4

“Eia hoʻi kekahi ia lā, e hilahila nō kēlā kāula kēia kāula, i kona hihiʻo, iā ia i wānana mai ai; ʻaʻole hoʻi ia e hōʻaʻahu aʻe i ka ʻaʻahu hulu i mea e hoʻopunipuni ai;

KA BUKE MUA A SAMUʻELA 14:37

Nīnau akula ʻo Saula i ke Akua, “E hahai aku anei au i ko Pilisetia? E hoʻolilo mai anei ʻoe iā lākou i ka lima o kā ʻIseraʻela?” Akā, ʻaʻole ia i ʻōlelo mai iā ia ia lā.

KA BUKE MUA A SAMUʻELA 28:15

¶ ʻŌlelo maila ʻo Samuʻela iā Saula, “No ke aha lā ʻoe i hoʻonaue mai ai iaʻu, i ka hoʻāla mai iaʻu?” ʻĪ akula ʻo Saula, “Ua pilikia loa wau; no ka mea, ke kaua mai nei nā Pilisetia iaʻu, a ua haʻalele mai ke Akua iaʻu, ʻaʻole e ʻōlelo hou mai iaʻu, ʻaʻole ma ka lima o nā kāula, ʻaʻole ma nā moeʻuhane; no ia mea, i kāhea aku ai au iā ʻoe, i hōʻike mai ai ʻoe iaʻu i ka mea aʻu e hana aku ai.”

KA BUKE MUA A SAMUʻELA 28:6

A iā Saula i nīnau ai iā Iēhova, ʻaʻole ʻo Iēhova i ʻōlelo mai iā ia, ʻaʻole ma nā moeʻuhane, ʻaʻole ma ka ʻUrima, ʻaʻole ma nā kāula.

KA BUKE MUA A SAMUʻELA 9:9

(I ka manawa ma mua i loko o kā ʻIseraʻela, a i hele ke kanaka e nīnau i ke Akua, pēnēia ia i ʻōlelo ai, “Inā kākou e hele i ka mea ʻike”; no ka mea, ʻo ke kāula i kēia manawa, ua kapa ʻia ʻo ia ma mua, he mea ʻike.)