MIKA 3:6 - Ka Baibala Hemolele

⁶ No ia hoʻi, e hiki mai ai ka pō iā ʻoukou, ʻaʻohe hihiʻo; A iā ʻoukou ka pouli, ʻaʻohe wānana; A e napoʻo ana ka lā ma luna o nā kāula, A he pouli ke ao ma luna o lākou.

MIKA 3:6 Iomraidhean Croise

KA BUKE O NĀ HALELŪ 74:9

ʻAʻole kākou i ʻike i ko kākou mau hōʻailona; ʻAʻole he kāula hou aʻe; ʻAʻohe mea i waena o kākou i ʻike i ka lōʻihi ʻana.

KA WĀNANA A ʻISAIA 29:10

Ua ninini mai ʻo Iēhova ma luna o ʻoukou i ka manaʻo hiamoe loa, A ua hoʻopili hoʻi i ko ʻoukou mau maka; Ua uhi nō ʻo ia i nā kāhuna, a me ko ʻoukou poʻe aliʻi a me nā kāula.

KA WĀNANA A ʻISAIA 59:10

Ke kolo nei mākou e hāhā i ka pā, me he makapō lā, Ke kolo nei nō mākou, me he mea maka ʻole lā, Kūlanalana mākou i ke awakea, e like me ka pō; Me he poʻe make lā, ma loko o nā wahi momona.

KA WĀNANA A IEREMIA 13:16

E hoʻonani aku iā Iēhova, i ko ʻoukou Akua, Ma mua o kona hoʻopōʻeleʻele ʻana mai, A ma mua hoʻi o ke kūlanalana ʻana o ko ʻoukou mau wāwae Ma nā mauna pouli, A ʻoiai ʻoukou e kakali i ka mālamalama, Hoʻolilo ʻo ia ia i aka no ka make, A hana hoʻi i pouli loa.

KA WĀNANA A IEREMIA 15:9

“Mae wale aku ka mea i hānau i nā mea ʻehiku, E kāʻili ana ke ea. Ua napoʻo kona lā I ke ao ʻokoʻa; Ua hilahila ʻo ia, ua hoʻopalai maka hoʻi. A e hāʻawi nō wau i ke koena o lākou i ka pahi kaua I mua o ko lākou poʻe ʻenemi,” wahi a Iēhova.

KA WĀNANA A IEREMIA 18:18

¶ A laila, ʻōlelo maila lākou, “E hele mai, e ʻimi hala kākou no Ieremia; no ka mea, ʻaʻole e hāʻule ke kānāwai i ke kahuna, ʻaʻole hoʻi ka manaʻo akamai i ka poʻe akamai, a me ka ʻōlelo hoʻi i ke kāula. E hele mai, e hahau kākou iā ia i ke alelo; mai hoʻolohe kākou i kekahi o kāna mau ʻōlelo.”

KA WĀNANA A ʻEZEKIʻELA 13:9

“A e kau nō koʻu lima ma luna o ka poʻe kāula i ʻike i ka mea lapuwale, a i wānana hoʻi i ka mea wahaheʻe; ʻaʻole lākou e noho i loko o ke anaina o koʻu poʻe kānaka, ʻaʻole hoʻi lākou e kākau ʻia ma ka palapala o ka ʻohana a ʻIseraʻela, ʻaʻole hoʻi lākou e komo i ka ʻāina o kā ʻIseraʻela; a e ʻike nō hoʻi ʻoukou, ʻo wau nō Iēhova ka Haku.

KA WĀNANA A ʻEZEKIʻELA 7:26

‘E kau mai kekahi hewa ma luna o kekahi hewa, a ʻo kekahi lono ma luna o kekahi lono; a laila e ʻimi lākou i ka hihiʻo o ke kāula; akā, e pau ʻē ke kānāwai mai ke kahuna aku, a me ka ʻōlelo aʻo, mai nā lunakahiko aku.

ʻAMOSA 8:11

¶ “Aia hoʻi, e hiki mai ana nā lā,” wahi a Iēhova ka Haku, “E lawe mai ai au i ka wī ma luna o ka ʻāina, ʻaʻole ʻo ka wī i ka ʻai, ʻaʻole ʻo ka make inu i ka wai, Akā, ʻo ka lohe i ka ʻōlelo a Iēhova.

MIKA 2:6

¶ “Mai haʻi aku i ka wānana,” ʻAʻole lākou e wānana iā lākou, ʻAʻole e lawe i ka hilahila.