MIKA 3:5 - Ka Baibala Hemolele

⁵ ¶ Pēnēia i ʻōlelo mai ai ʻo Iēhova no nā kāula, Ka poʻe i hoʻoʻauana i kuʻu poʻe kānaka, Ka poʻe i nahu me ko lākou niho, A kāhea aku, “Ua maluhia”; A ʻo ka mea hāʻawi ʻole aku no ko lākou waha, Hoʻomākaukau nō lākou i ke kaua iā ia.

MIKA 3:5 Iomraidhean Croise

NĀ ʻŌLELO AKAMAI A SOLOMONA 28:21

ʻO ka manaʻo ʻana i ko ke kanaka kino, ʻaʻole ia he maikaʻi; No kahi ʻāpana ʻai e lawehala nō ua kanaka lā.

KA WĀNANA A ʻISAIA 3:12

ʻO koʻu poʻe kānaka, ʻo nā kamaliʻi ko lākou poʻe luna ʻālunu, ʻO nā wāhine hoʻi kai noho aliʻi ma luna o lākou. E kuʻu poʻe kānaka, he poʻe hoʻolalau kou poʻe alakaʻi, A ke hoʻopau nei lākou i ko ʻoukou mau alanui.

KA WĀNANA A IEREMIA 23:27

he poʻe manaʻo e hāʻawi i koʻu poʻe kānaka i ka hoʻopoina i koʻu inoa, no ko lākou mau moeʻuhane, nā mea a kēlā mea kēia mea o lākou i haʻi aʻe i kona hoalauna, e like me ko lākou poʻe mākua i hoʻopoina i koʻu inoa ma o Baʻala lā.

KA WĀNANA A IEREMIA 23:32

“Aia hoʻi, ke kūʻē nei au i ka poʻe wānana iho i nā moeʻuhane wahaheʻe,” wahi a Iēhova, “a haʻi aʻe ia mau mea, a alakaʻi hewa i koʻu poʻe kānaka, i kā lākou mau mea wahaheʻe, a i kā lākou kaena ʻana; ʻaʻole naʻe au i hoʻouna iā lākou, ʻaʻole i kauoha aku iā lākou; no laila, ʻaʻole lākou e hoʻopōmaikaʻi iki i kēia poʻe kānaka,” wahi a Iēhova.

KA WĀNANA A IEREMIA 6:14

“Ua hoʻōla hapa lākou i ka ʻeha o koʻu poʻe kānaka, Me ka ʻōlelo iho, ‘He malu, he malu’; ʻAʻole hoʻi he malu.

KA WĀNANA A IEREMIA 6:4

“E hoʻomākaukau ʻoukou e kaua iā ia; E kū mai, e piʻi kūʻē kākou iā ia i ke awakea. Auē kākou! No ka mea, e pau ana ka lā; Ua hohola aʻe ka mōlehulehu o ke ahiahi.

KE KANIKAU A IEREMIA 2:14

Ua ʻike kou mau kaula i nā mea hewa, a me nā mea lapuwale nou; ʻAʻole naʻe lākou i wehe i ka pale o kou hewa, I mea e hoʻihoʻi ai i kou pio ʻana; Akā, ua ʻike lākou i nā wānana wahaheʻe nou, a me nā hoʻowalewale.

KA WĀNANA A ʻEZEKIʻELA 13:9

“A e kau nō koʻu lima ma luna o ka poʻe kāula i ʻike i ka mea lapuwale, a i wānana hoʻi i ka mea wahaheʻe; ʻaʻole lākou e noho i loko o ke anaina o koʻu poʻe kānaka, ʻaʻole hoʻi lākou e kākau ʻia ma ka palapala o ka ʻohana a ʻIseraʻela, ʻaʻole hoʻi lākou e komo i ka ʻāina o kā ʻIseraʻela; a e ʻike nō hoʻi ʻoukou, ʻo wau nō Iēhova ka Haku.

HOSEA 4:5

No laila e hina ʻoe i ke ao, ʻO ke kāula hoʻi, e hina pū ia me ʻoe i ka pō; A e luku aku au i kou makuahine.

IOʻELA 3:9

¶ E haʻi aku ʻoukou i kēia i waena o nā lāhui kanaka; E hoʻomākaukau ʻoukou no ke kaua, E hoʻāla mai i ka poʻe ikaika, E hoʻokokoke mai nā kānaka kaua a pau; E piʻi mai lākou.

MIKA 2:11

“Inā e hele ke kanaka ma ka makani, a ma ka hoʻopunipuni, A wahaheʻe ʻo ia, i ka ʻī ʻana aʻe, ‘E wānana aku au iā ʻoe no ka waina, a me ka mea inu ʻawaʻawa’; ʻO ia nō ke kāula o kēia poʻe kānaka.

MIKA 3:11

Ua hoʻoponopono ka luna ona no ka uku, A ua aʻo aku kāna mau kāhuna no ke kumu, A ua wānana kāna mau kāula no ke kālā; Akā, e hilinaʻi lākou ma luna o Iēhova, i ka ʻī ʻana aʻe, “ʻAʻole anei ʻo Iēhova i waena o kākou? ʻAʻole e hiki mai ka ʻino ma luna o kākou.”

MALAKI 2:8

“Akā, ua kāpae aʻe ʻoukou mai ka ʻaoʻao aku; ua hoʻohina ʻoukou i nā mea he nui loa i loko o ke kānāwai; ua hoʻolilo ʻoukou i ka berita a Levi i mea ʻole,” wahi a Iēhova o nā kaua.

KA ʻEUANELIO I KĀKAU ʻIA AI E MATAIO 15:14

“E waiho pēlā iā lākou; he poʻe alakaʻi makapō lākou no nā makapō; inā he makapō e alakaʻi i ka makapō, e hāʻule pū lāua i loko o ka lua.”

KA ʻEUANELIO I KĀKAU ʻIA AI E MATAIO 7:15

¶ “E mālama hoʻi iā ʻoukou no ka poʻe kāula hoʻopunipuni ke hele mai i o ʻoukou nei me ka ʻaʻahu hipa; akā, ma loko, he poʻe ʻīlio hihiu hae lākou.

ʻO KA ʻEPISETOLE A PAULO KA LUNAʻŌLELO I KO ROMA 16:18

No ka mea, ke mālama ʻole nei ua poʻe lā i ka Haku iā Iesū Kristo; akā, i ko lākou ʻōpū iho nō; a ma ka malimali a me ka ʻōlelo hoʻomaikaʻi, ke hoʻowalewale nei lākou i nā naʻau o ka poʻe noʻonoʻo ʻole.