MIKA 3:4 - Ka Baibala Hemolele

⁴ A laila, e kāhea aku lākou iā Iēhova, Akā, ʻaʻole ia e hoʻolohe mai iā lākou; A e hūnā nō ia i kona maka mai o lākou aku i kēlā manawa; No ka mea, ua hana hewa lākou ma ko lākou noʻonoʻo ʻana.

MIKA 3:4 Iomraidhean Croise

KA BUKE NO IOBA 27:9

“E hoʻolohe mai anei ke Akua i kona auē ʻana, I ka manawa e hiki mai ai ka pōpilikia ma luna ona?

KA BUKE NO IOBA 35:13

“He ʻoiaʻiʻo, ʻaʻole ke Akua e hoʻolohe mai i ka mea wahaheʻe, ʻAʻole ka Mea Mana e maliu mai ia.

KA BUKE O NĀ HALELŪ 18:41

Ua kāhea akula lākou, ʻaʻohe hoʻi mea e ola ai; Iā Iēhova hoʻi, ʻaʻole nō hoʻi ia i ʻae mai.

NĀ ʻŌLELO AKAMAI A SOLOMONA 1:28

“A laila, e hea mai lākou iaʻu, ʻaʻole au e pane aku; E ʻimi koke lākou iaʻu ʻaʻole e loaʻa mai;

NĀ ʻŌLELO AKAMAI A SOLOMONA 28:9

ʻO ka mea hāliu aku i kona pepeiao ʻaʻole hoʻolono i ke kānāwai, E hoʻopailua ʻia kāna pule.

KA WĀNANA A ʻISAIA 1:15

“Iā ʻoukou e hohola mai ai i ko ʻoukou mau lima, E hūnā nō wau i koʻu mau maka iā ʻoukou; A iā ʻoukou e hoʻomāhuahua i ka pule, ʻaʻole au e hoʻolohe aku; No ka mea, ua piha ko ʻoukou lima i ke koko.

KA WĀNANA A ʻISAIA 3:11

Auē hoʻi ka mea i hewa! E pōʻino nō ia; E hāʻawi ʻia aku nāna ka uku o kona mau lima.

KA WĀNANA A IEREMIA 11:11

No laila, ke ʻōlelo mai nei ʻo Iēhova penei, “Aia hoʻi, e lawe mai nō wau i ka hewa ma luna o lākou, i ka mea hoʻi e hiki ʻole ai iā lākou ke pakele aku; a inā kāhea mai lākou iaʻu, ʻaʻole au e hoʻolohe aku iā lākou.

KA WĀNANA A IEREMIA 14:12

“Iā lākou e hoʻokē ʻai ai, ʻaʻole au e hoʻolohe i ko lākou kāhea ʻana; a iā lākou e kaumaha ai i ka mōhai kuni, a me ka mōhai makana, ʻaʻole au e ʻae aku iā lākou; akā, e hoʻopau nō wau iā lākou i ka pahi kaua, a i ka wī, a i ka maʻi ahulau.”

KA WĀNANA A IEREMIA 33:5

‘Ke hele mai nei lākou e kaua me ko Kaledea, he mea naʻe ia e hoʻopiha ai iā lākou i nā kupapaʻu o nā kānaka, ka poʻe aʻu i luku ai i koʻu huhū, a i koʻu ukiuki, a ua hūnā hoʻi au i koʻu maka mai kēia kūlanakauhale aku, no ka hewa a pau o lākou.

KA WĀNANA A IEREMIA 5:31

“Wānana wahaheʻe mai nā kāula, A ma o lākou lā i noho aliʻi ai nā kāhuna; A ua makemake koʻu poʻe kānaka ia mea; A pehea hoʻi ʻoukou e hana ai i ka hopena o ia mea?

KA WĀNANA A ʻEZEKIʻELA 8:18

“No laila ʻo wau nō kekahi e hana aku me ka ukiuki; ʻaʻole e aloha kuʻu maka, ʻaʻole hoʻi au e menemene aku; a inā e kāhea lākou i loko o koʻu mau pepeiao me ka leo nui, ʻaʻole au e hoʻolohe aku iā lākou.”

MIKA 3:7

A laila, e hilahila nā mea ʻike, A e pilihua ka poʻe wānana; A e uhi lākou a pau i ko lākou lehelehe; No ka mea, ʻaʻole ke Akua i hōʻike mai.

MIKA 7:13

Akā, e lilo ka ʻāina i neoneo no ka poʻe e noho ana i loko, A no ka hua o kā lākou mau hana.

ZEKARIA 7:13

“No ia mea, me kā lākou i hoʻolohe ʻole ai ia e kāhea aku ana, pēlā hoʻi lākou i kāhea mai ai, ʻaʻole hoʻi au i hoʻolohe aku,” wahi a Iēhova o nā kaua.

KA ʻEUANELIO I KĀKAU ʻIA AI E MATAIO 7:22

“He nui ka poʻe e ʻōlelo mai ana iaʻu ia lā, ‘E ka Haku, E ka Haku, ʻaʻole anei mākou i aʻo aku ma kou inoa? I mahiki aku hoʻi i nā ʻuhane ʻino ma kou inoa? A i hana aku i nā hana mana he nui ma kou inoa?’

KA ʻEUANELIO I KĀKAU ʻIA AI E LUKA 13:25

“A i kū i luna ka haku nona ka hale a i pani i ka puka, a kū ʻoukou ma waho e kīkēkē ana ma ka puka, me ka ʻōlelo, ‘E ka Haku, e ka Haku, e wehe aʻe iā mākou;’ a e ʻōlelo nō ʻo ia iā ʻoukou, ‘ʻAʻole au i ʻike i ko ʻoukou wahi i hele mai ai.’

KA ʻEUANELIO I KĀKAU ʻIA AI E IOANE 9:31

“Ua ʻike nō kākou ʻaʻole ke Akua e hoʻolohe mai i ka poʻe hewa; akā, inā e haipule kekahi i ke Akua, a e hana hoʻi i kona makemake, ʻo ia kāna e hoʻolohe mai ai.

ʻO KA ʻEPISETOLE HOʻOLAHA A IAKOBO 2:13

ʻO ka mea i hana me ke aloha ʻole aku, e hoʻāhewa ʻia auaneʻi ʻo ia me ke aloha ʻole ʻia mai; ʻaʻole makaʻu ka lokomaikaʻi i ka hoʻohewa ʻia.

KA BUKE MUA A SAMUʻELA 8:18

“A e uē nui ʻoukou ia lā, no ko ʻoukou aliʻi a ʻoukou i koho ai no ʻoukou; ʻaʻole ʻo Iēhova e hoʻolohe mai iā ʻoukou ia lā.”