MIKA 3:12 - Ka Baibala Hemolele

¹² No laila, no ʻoukou E hoʻōʻō palau ʻia ʻo Ziona me he kīhāpai lā, A e lilo ʻo Ierusalema i mau puʻu, A ʻo ka mauna o ka hale e like me nā wahi kiʻekiʻe o ka ulu lāʻau.

MIKA 3:12 Iomraidhean Croise

KA BUKE O NĀ HALELŪ 107:34

A me ka ʻāina hua nui, i ʻāina hua ʻole, No ka hewa o ka poʻe e noho ana ma laila.

KA BUKE O NĀ HALELŪ 79:1

¶ E ke Akua ē, ua komo mai ko nā ʻāina ʻē i loko o kou hoʻoilina; Ua hoʻohaumia lākou i kou luakini hoʻāno; A ua hoʻolilo nō hoʻi iā Ierusalema, i ahu ʻōpala.

KA WĀNANA A ʻISAIA 32:14

No ka mea, e haʻalele ʻia nā hale aliʻi, A e neoneo nō hoʻi ke kūlanakauhale o nā kānaka lehulehu; ʻO ka puʻu a me ka hale kiaʻi e lilo nō i ana mau loa, I mea hoʻi e ʻoliʻoli ai nā hoki hihiu, I wahi hoʻi e hānai ai i nā holoholona;

KA WĀNANA A IEREMIA 17:3

E kuʻu mauna ma ke kula, E hāʻawi nō wau i kou waiwai, a me kou ukana a pau i pio, A me kou mau wahi kiʻekiʻe i hewa, ma kou mau mokuna a pau.

KA WĀNANA A IEREMIA 22:5

“Akā, inā ʻaʻole ʻoukou e hoʻolohe i kēia mau ʻōlelo, ke hoʻohiki nei au iaʻu iho,” wahi a Iēhova, “e lilo nō kēia hale i neoneo.”’”

KA WĀNANA A IEREMIA 22:6

No ka mea, penei ka ʻōlelo ʻana mai a Iēhova i ko ka hale o ke aliʻi o kā Iuda, ʻO ʻoe nō ʻo Gileada iaʻu, ʻO ke poʻo hoʻi o Lebanona. He ʻoiaʻiʻo, e hoʻolilo nō wau iā ʻoe i wao nahele, I kūlanakauhale noho ʻole ʻia.

KA WĀNANA A IEREMIA 26:18

“I nā lā o Hezekia, ke aliʻi o kā Iuda, ʻo Mika, no Moraseta, wānana maila ia, a ʻōlelo maila i nā kānaka a pau o kā Iuda, ʻī maila, ‘Ke ʻī mai nei ʻo Iēhova o nā kaua penei, “E mahi ʻia nō ʻo Ziona me he mahina ʻai lā, A e lilo nō ʻo Ierusalema i mau puʻu, A ʻo ka mauna hoʻi o ka hale, E like me nā wahi kiʻekiʻe o ka ulu lāʻau.”’

KA WĀNANA A IEREMIA 35:17

“No laila, ke ʻōlelo mai nei ʻo Iēhova, ke Akua o nā kaua, ke Akua o kā ʻIseraʻela, ‘Aia hoʻi, e lawe mai nō wau ma luna o kā Iuda, a ma luna o ka poʻe a pau e noho lā ma Ierusalema i ka hewa a pau aʻu i ʻōlelo ai iā lākou; no ka mea, ua ʻōlelo nō wau iā lākou, ʻaʻole lākou i lohe mai; ua hea aku au iā lākou, ʻaʻole lākou i ō mai.’”

KA WĀNANA A IEREMIA 44:2

“Ke ʻī mai nei ʻo Iēhova o nā kaua, ke Akua o kā ʻIseraʻela, ‘Ua ʻike nō ʻoukou i ka hewa a pau aʻu i lawe mai ai ma luna o Ierusalema, a ma luna o nā kūlanakauhale a pau o kā Iuda; a aia hoʻi lākou i kēia lā, ua ʻānai ʻia, ʻaʻohe kanaka e noho ana ma loko,

KA WĀNANA A IEREMIA 52:13

A puhi ihola ʻo ia i ka hale o Iēhova, a me ka hale o ke aliʻi, a me nā hale a pau o Ierusalema, a me nā hale o ka poʻe koʻikoʻi, puhi nō ʻo ia ia mau mea i ke ahi.

KA WĀNANA A IEREMIA 9:10

¶ E olo nō wau i ka pihe no nā mauna, me ka uē aku, A e kūmākena nō hoʻi no nā wahi mauʻu o ka wao nahele; No ka mea, ua pau lākou i ke ahi; No laila, ʻaʻole hiki kekahi ke hele ma laila, ʻAʻole hoʻi e lohe ʻia ka leo o nā holoholona. Ua holo aku nō ka manu o ka lewa, a me ka holoholona, Ua hala lākou.

KA WĀNANA A IEREMIA 9:11

A e hoʻolilo nō wau iā Ierusalema i mau puʻu, he noho ʻana hoʻi no nā ʻīlio hihiu; A e hoʻoneoneo nō wau i nā kūlanakauhale o kā Iuda, ʻaʻohe mea noho i loko.”

KE KANIKAU A IEREMIA 5:18

He mehameha ma luna o ka mauna ʻo Ziona, Hele nō nā ʻalopeke ma luna o laila.

MIKA 1:6

“A e hoʻohālike au iā Samaria me he puʻu lā o ke kula, A me he wahi kanu lā no ka pā waina; A e hoʻolei iho au i nā pōhaku ona ma ke awāwa, A e hōʻike aku au i kona mau kahua.

KA ʻEUANELIO I KĀKAU ʻIA AI E MATAIO 24:2

ʻĪ maila ʻo Iesū iā lākou, “Ke ʻike nei anei ʻoukou i kēia mau mea a pau? He ʻoiaʻiʻo kaʻu e ʻōlelo aku nei iā ʻoukou, e pau ia mau mea i ka hoʻohiolo ʻia; ʻaʻole e koe kekahi pōhaku ma luna o kekahi pōhaku.”