MIKA 3:11 - Ka Baibala Hemolele

¹¹ Ua hoʻoponopono ka luna ona no ka uku, A ua aʻo aku kāna mau kāhuna no ke kumu, A ua wānana kāna mau kāula no ke kālā; Akā, e hilinaʻi lākou ma luna o Iēhova, i ka ʻī ʻana aʻe, “ʻAʻole anei ʻo Iēhova i waena o kākou? ʻAʻole e hiki mai ka ʻino ma luna o kākou.”

MIKA 3:11 Iomraidhean Croise

NĀ ʻŌLELO AKAMAI A SOLOMONA 17:23

Kāʻili aʻe ka mea hewa i ka waiwai kīpē, I kona hoʻohaunaele ʻana i ka ʻaoʻao pono.

KA WĀNANA A ʻISAIA 1:23

He poʻe hoʻokekeʻe kou poʻe aliʻi, He poʻe hoa no nā ʻaihue; Ua makemake lākou a pau i ka waiwai kīpē, Ua ʻimi nō i ka uku ʻia mai; ʻAʻole lākou i hoʻopono i nā keiki makua ʻole, ʻAʻole hoʻi i hiki i mua o lākou ka mea hoʻopono ʻia o ka wahine kāne make.

KA WĀNANA A ʻISAIA 48:2

“No ka mea, ua kapa ʻia lākou ma muli o ke kūlanakauhale hoʻāno, A hilinaʻi lākou ma ke Akua o kā ʻIseraʻela, ʻO Iēhova o nā kaua kona inoa.

KA WĀNANA A ʻISAIA 5:23

Ka poʻe i hoʻāpono aku i ka mea hewa no ke kīpē ʻia, A kāʻili aku i ka hoʻāpono o ka mea i pono, mai ona aku lā!

KA WĀNANA A ʻISAIA 56:11

ʻO ia, he poʻe ʻīlio pōloli wale, ʻAʻole i ʻike lākou i ka māʻona; He poʻe kahu hipa lākou hiki ʻole ke hoʻomaopopo; Huli nō lākou a pau i ko lākou ʻaoʻao iho, ʻO kēlā mea kēia mea i kona waiwai paneʻe, ma kona wahi iho.

KA WĀNANA A IEREMIA 23:17

“Ke ʻōlelo ikaika mai nei lākou i ka poʻe hoʻowahāwahā mai iaʻu, ‘Ua ʻōlelo mai ʻo Iēhova, “E loaʻa iā ʻoukou ka maluhia’; A ʻōlelo nō hoʻi lākou i kēlā mea i kēia mea i hele ma muli o ka paʻakikī o kona naʻau iho, ‘ʻAʻohe hewa e hiki mai ana ma luna o ʻoukou.’

KA WĀNANA A IEREMIA 26:7

¶ A lohe nō nā kāhuna, a me nā kāula a me nā kānaka a pau iā Ieremia e ʻōlelo ana i kēia mau ʻōlelo i loko o ka hale o Iēhova.

KA WĀNANA A IEREMIA 5:12

Ua hōʻole lākou iā Iēhova, A ua ʻōlelo iho, “ʻAʻole ia; ʻAʻole e hiki mai ka hewa ma luna o mākou, ʻAʻole hoʻi e ʻike mākou i ka pahi kaua, a me ka wī.

KA WĀNANA A IEREMIA 6:13

“No ka mea, mai ka mea ʻuʻuku o lākou a ka mea nui o lākou, Ua makeʻe waiwai lākou a pau; A mai ke kāula mai a ke kahuna, Hana ma ka wahaheʻe kēlā mea kēia mea.

KA WĀNANA A IEREMIA 7:4

“Mai hilinaʻi ʻoukou ma nā ʻōlelo wahaheʻe, me ka ʻōlelo iho, ‘Ka luakini o Iēhova, ka luakini o Iēhova, ka luakini o Iēhova, kēia mau mea.’

KA WĀNANA A IEREMIA 8:10

“No laila, e hāʻawi aku au i kā lākou poʻe wāhine na haʻi, A me ko lākou mahina ʻai no ka poʻe hou e noho iho ai; No ka mea, ua makeʻe waiwai kēlā mea, kēia mea o lākou, Mai ka mea ʻuʻuku o lākou a i ka mea nui; A mai ke kāula a i ke kahuna, Hana nō kēlā mea kēia mea ma ka wahaheʻe.

KA WĀNANA A ʻEZEKIʻELA 22:12

“Ma loko ou ua lawe lākou i nā kīpē e hoʻokahe i ke koko; ua lawe ʻoe i ke kuala a me ka uku paneʻe, a ua loaʻa iā ʻoe me ka makeʻe, ʻo kā kou mau hoalauna, ma ka hoʻoluhi hewa, a ua hoʻopoina mai iaʻu,” wahi a Iēhova ka Haku.

KA WĀNANA A ʻEZEKIʻELA 22:27

“ʻO kona mau aliʻi, i waenakonu ona, ua like me nā ʻīlio hihiu hae e haehae ana i ka mea pio, e hoʻokahe i ke koko, a e luku hoʻi i nā ʻuhane e loaʻa iā lākou ka waiwai ʻālunu.

KA WĀNANA A ʻEZEKIʻELA 34:2

“E ke keiki a ke kanaka, e wānana kūʻē aku ʻoe i nā kahu hipa a kā ʻIseraʻela, e wānana hoʻi, a e ʻōlelo aku iā lākou, ‘Ke ʻī mai nei Iēhova ka Haku i nā kahu hipa, penei, “Auē nā kahu hipa o kā ʻIseraʻela, nā mea e hānai ana iā lākou iho! ʻAʻole anei he pono ke hānai nā kahu hipa i ka ʻohana?

HOSEA 4:18

Ua hewa kā lākou ʻaha inu, Ua mau ko lākou moekolohe ʻana; A ake kona poʻe aliʻi i ka hilahila.

HOSEA 4:8

Ua ʻai lākou i ka hewa o kuʻu poʻe kānaka, A ua kau i ko lākou mau naʻau ma ko lākou lā hala.

ʻAMOSA 5:14

¶ E ʻimi ʻoukou i ka maikaʻi, ʻaʻole i ka hewa, i ola ʻoukou; A pēlā e mau ai ʻo Iēhova, ke Akua o nā kaua me ʻoukou, e like me kā ʻoukou i ʻōlelo ai.

ʻAMOSA 9:10

“E make ka poʻe hewa a pau o kuʻu poʻe kānaka i ka pahi kaua, Ka poʻe e ʻōlelo ana, ‘ʻAʻole e hiki mai ka hewa ma hope, ʻaʻole hoʻi ma mua o kākou.’

MIKA 3:5

¶ Pēnēia i ʻōlelo mai ai ʻo Iēhova no nā kāula, Ka poʻe i hoʻoʻauana i kuʻu poʻe kānaka, Ka poʻe i nahu me ko lākou niho, A kāhea aku, “Ua maluhia”; A ʻo ka mea hāʻawi ʻole aku no ko lākou waha, Hoʻomākaukau nō lākou i ke kaua iā ia.

MIKA 7:3

Hana hewa ikaika hoʻi lākou me nā lima; Noi aku ka luna, a me ka luna kānāwai i uku; A ʻo ke kanaka nui, ʻo ia ke hōʻike aku i ka makemake o kona naʻau; Pēlā nō lākou e huikau ai ia mea.

ZEPANIA 3:3

ʻO nā aliʻi i loko ona, he poʻe liona uō lākou; ʻO nā luna kānāwai ona, he poʻe ʻīlio hae o ke ahiahi; ʻAʻole lākou e hoʻokoe a hiki i ke kakahiaka.

ZEPANIA 3:4

He poʻe haʻaheo nā kāula ona, nā kānaka hoʻopunipuni; Ua hoʻohaumia nā kāhuna ona i ke keʻena kapu, Ua haʻihaʻi lākou i ke kānāwai.

MALAKI 1:10

“ʻO wai lā ka mea o ʻoukou e pani wale i nā puka? ʻAʻole ʻoukou e kuni makehewa ma luna o kuʻu kuahu. ʻAʻole au i ʻoluʻolu iā ʻoukou, wahi a Iēhova o nā kaua; “ʻaʻole hoʻi e maliu au i ka mōhai na ko ʻoukou lima mai.

MALAKI 2:9

“Eia hoʻi, e hoʻolilo auaneʻi au iā ʻoukou, i poʻe wahāwahā ʻia a me ka ʻinoʻino i mua o nā kānaka a pau, me kā ʻoukou i mālama ʻole i koʻu mau ʻaoʻao, a ua nānā ʻoukou ma ko ka helehelena i loko o ke kānāwai.

KA BUKE ʻAHĀ A MOSE, I KAPA ʻIA NĀ HELU 16:15

¶ Huhū loa ihola ʻo Mose, a ʻī akula iā Iēhova, “Mai maliu mai ʻoe i kā lākou mōhai; ʻaʻole au i lawe noʻu i kekahi hoki o lākou, ʻaʻole hoʻi au i hana ʻeha aku i kekahi o lākou.”

KA BUKE ʻAHĀ A MOSE, I KAPA ʻIA NĀ HELU 22:7

¶ Hele akula nā lunakahiko o Moaba me nā lunakahiko o Midiana, me ka uku no ka ʻanāʻanā ʻana; a hiki akula lākou i o Balaʻama lā, a haʻi akula iā ia i ka ʻōlelo a Balaka.

KA ʻEUANELIO I KĀKAU ʻIA AI E MATAIO 3:9

“Mai manaʻo ʻoukou e ʻōhumu i loko o ʻoukou iho, ‘ʻO ʻAberahama ko kākou kupuna’; no ka mea, ke ʻī aku nei au iā ʻoukou, e hiki nō i ke Akua ke hoʻāla aʻe mai kēia mau pōhaku mai i poʻe mamo na ʻAberahama.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 3:3

ʻaʻole e lilo i ka waina, ʻaʻole e kipikipi, ʻaʻole hoʻi ʻālunu wale; akā, e ahonui, a e hakakā ʻole, ʻaʻole hoʻi makeʻe waiwai;

ʻO KA ʻEPISETOLE A PAULO IĀ TITO 1:11

E pono ke hoʻopaʻa ʻia ko lākou mau waha, ko ka poʻe i hoʻokahuli i ko nā hale ʻokoʻa, me ke aʻo ʻana aku i nā mea e pono ʻole ai iā lākou ke aʻo, no ka waiwai ʻino.

ʻO KA ʻEPISETOLE HOʻOLAHA MUA A PETERO 5:2

E hānai ʻoukou i ka poʻe o ke Akua i waena o ʻoukou, e kiaʻi ana, ʻaʻole no ka hoʻokoi ʻia mai, no ka makemake nō; ʻaʻole hoʻi no ka puni waiwai; akā, no ka manaʻo pono.

ʻO KA ʻEPISETOLE HOʻOLAHA A IUDA 1:11

Auē lākou! No ka mea, ua hahai lākou ma ka ʻaoʻao o Kaina, ua holo kikī lākou ma ka lalau ʻana o Balaʻama i mea e uku ʻia ai, ua hōkai ʻia ihola lākou ma ke kipi ʻana aʻe o Kora.

KA BUKE MUA A SAMUʻELA 8:3

Akā, ʻaʻole i hele kāna mau keiki ma kona ʻaoʻao; huli aʻela lāua ma muli o ka waiwai ʻālunu, a lawe lāua i ke kīpē, a hoʻokahuli i ka pono.