MIKA 2:8 - Ka Baibala Hemolele

⁸ “ʻĀnō iho nei ua kūʻē mai kuʻu poʻe kānaka me he ʻenemi lā; Ke kāʻili nei ʻoukou i ka ʻaʻahu, A me ka lole komo o ka poʻe e hele maluhia ana, Me he poʻe lā e hoʻi ana, mai ke kaua mai.

MIKA 2:8 Iomraidhean Croise

KA BUKE ʻALUA A SAMUʻELA 20:19

“ʻO wau nō ke noho mālie a me ka mālama i loko o kā ʻIseraʻela; ke manaʻo nei ʻoe e luku mai i kekahi kūlanakauhale a me ka makuahine i loko o kā ʻIseraʻela. No ke aha lā ʻoe e hoʻopau ai i ka ʻāina a Iēhova i hoʻoili mai ai?”

KA BUKE O NĀ HALELŪ 55:20

Ua kīkoʻo ʻo ia i kona lima i ka mea e kuʻikahi ana me ia; Ua uhaʻi ʻo ia i kāna berita.

KA WĀNANA A ʻISAIA 9:21

ʻO Manase iā ʻEperaima, a ʻo ʻEperaima hoʻi iā Manase, A e hui nō hoʻi lāua e kūʻē iā Iuda; ʻAʻole naʻe i huli aku kona huhū no kēia mau mea a pau, Akā, ke ʻō mai nei nō kona lima i kēia manawa.

KA WĀNANA A IEREMIA 12:8

“Ua like koʻu ʻāina hoʻoili iaʻu me ka liona i loko o ka ulu lāʻau. Uō kūʻē mai ʻo ia iaʻu. No laila i ukiuki aku ai au iā ia.

MIKA 3:2

“Ke inaina nei ʻoukou i ka maikaʻi, a makemake i ka hewa; Ke lole nei i ko lākou ʻili mai o lākou aku, A me ka haehae i ko lākou ʻiʻo mai ko lākou mau iwi aku;

MIKA 3:3

“Ka poʻe e ʻai ana i ka ʻiʻo o kuʻu poʻe kānaka, A hoʻolole i ko lākou ʻili mai o lākou aku, A haʻi iho i ko lākou mau iwi, A ʻoki liʻiliʻi iā lākou e like me ka mea no ka ipu hao, A e like hoʻi me ka ʻiʻo i loko o ka ipu keleawe.”

MIKA 7:2

Ua nalo ka mea lokomaikaʻi mai ka ʻāina aku; ʻAʻohe mea pono i waena o nā kānaka; Ke hoʻohālua nei lākou a pau no ke koko; Hoʻohei iho lākou, ʻo kēlā mea kēia mea i kona hoahānau, i ka ʻupena.

MIKA 7:3

Hana hewa ikaika hoʻi lākou me nā lima; Noi aku ka luna, a me ka luna kānāwai i uku; A ʻo ke kanaka nui, ʻo ia ke hōʻike aku i ka makemake o kona naʻau; Pēlā nō lākou e huikau ai ia mea.