MIKA 2:4 - Ka Baibala Hemolele

⁴ “Ia lā e lawe kekahi i mele no ʻoukou, A e kanikau i ke kanikau nui, i ka ʻī ʻana aʻe, ‘I ka luku ʻana ua luku ʻia kākou; Ua hoʻololi ʻia ka hoʻoilina o kuʻu poʻe kānaka; Nani ka lawe ʻia aku ia mai oʻu lā! A no ka mea hoʻihoʻi, ua puʻunaue ʻia ko kākou mau mahina ʻai.’”

MIKA 2:4 Iomraidhean Croise

KA BUKE ʻALUA A SAMUʻELA 1:17

¶ Kanikau akula ʻo Dāvida i kēia kanikau ʻana iā Saula a iā Ionatana kāna keiki.

KA BUKE ʻALUA O KA ʻOIHANA ALIʻI 35:25

A kanikau ʻo Ieremia no Iosia; a ʻo ka poʻe mele kanikau a pau, ka poʻe kāne a me ka poʻe wāhine, ʻōlelo lākou no Iosia i ko lākou kanikau ʻana a hiki i kēia lā, a hoʻolilo lākou ia mau mea lā i mea mau i loko o kā ʻIseraʻela; aia hoʻi, ua kākau ʻia i loko o nā Kanikau.

KA BUKE NO IOBA 27:1

¶ A ʻōlelo hou maila ʻo Ioba i kāna ʻōlelo nane, ʻī maila,

KA WĀNANA A ʻISAIA 14:4

a laila ʻoe e haku ai i kēia mele no ke aliʻi o Babulona, i ka ʻī ʻana iho, “Nani ka pau ʻana o ka mea nāna i hoʻokaumaha, Ka pau ʻana hoʻi o ka mea ʻauhau i ke gula!

KA WĀNANA A ʻISAIA 24:3

E hoʻoneoneo loa ʻia ka ʻāina, e ʻānai loa ʻia aku nō; no ka mea, na Iēhova i ʻōlelo mai ia ʻōlelo.

KA WĀNANA A ʻISAIA 6:11

A laila, ʻī akula au, “E ka Haku, pehea ka lōʻihi?” ʻĪ maila ia, “A neoneo nā kūlanakauhale, ʻaʻohe mea noho i loko, A kanaka ʻole ko lākou hale, A ʻānai loa ʻia aku ka ʻāina,

KA WĀNANA A IEREMIA 14:18

‘Inā e hele aku au i ke kula, A laila, e nānā i ka poʻe i luku ʻia i ka pahi kaua! A inā komo wau i loko o ke kūlanakauhale, A laila, e nānā aku i ka poʻe i maʻi no ka wī! ʻO ia, kaʻahele aku nō ke kāula, a me ke kahuna i loko o ka ʻāina a lākou i ʻike ʻole ai.’”

KA WĀNANA A IEREMIA 4:13

“Aia hoʻi, e piʻi mai nō ia e like me nā ao, A e like auaneʻi kona mau kaʻa kaua me ka puahiohio; Ua ʻoi aku ka māmā o kona mau lio ma mua o ko nā ʻaeto. Auē kākou; no ka mea, ua ʻānai ʻia kākou!”

KA WĀNANA A IEREMIA 6:12

“A e hoʻolilo ʻia ko lākou hale no nā kānaka ʻē, A me nā mahina ʻai, a me nā wāhine pū; No ka mea, e kīkoʻo aku nō au i koʻu lima, Ma luna o ka poʻe e noho ana ma ka ʻāina,” wahi a Iēhova.

KA WĀNANA A IEREMIA 8:10

“No laila, e hāʻawi aku au i kā lākou poʻe wāhine na haʻi, A me ko lākou mahina ʻai no ka poʻe hou e noho iho ai; No ka mea, ua makeʻe waiwai kēlā mea, kēia mea o lākou, Mai ka mea ʻuʻuku o lākou a i ka mea nui; A mai ke kāula a i ke kahuna, Hana nō kēlā mea kēia mea ma ka wahaheʻe.

KA WĀNANA A IEREMIA 9:10

¶ E olo nō wau i ka pihe no nā mauna, me ka uē aku, A e kūmākena nō hoʻi no nā wahi mauʻu o ka wao nahele; No ka mea, ua pau lākou i ke ahi; No laila, ʻaʻole hiki kekahi ke hele ma laila, ʻAʻole hoʻi e lohe ʻia ka leo o nā holoholona. Ua holo aku nō ka manu o ka lewa, a me ka holoholona, Ua hala lākou.

KA WĀNANA A IEREMIA 9:16

“A e hoʻopuehu aku au iā lākou i waena o ko nā ʻāina ʻē, i ka poʻe i ʻike ʻole ʻia e lākou, ʻaʻole hoʻi e ko lākou mau mākua; a e hoʻouna aku au i ka pahi kaua ma hope o lākou, a hoʻopau au iā lākou.”

KA WĀNANA A ʻEZEKIʻELA 16:44

¶ “Eia hoʻi, ʻo nā mea a pau e ʻōlelo ana ma nā ʻōlelo nane, e lawe lākou i kēia ʻōlelo nane nāu, e ʻī ana, ‘E like me ka makuahine, pēlā nō kāna kaikamahine.’

KA WĀNANA A ʻEZEKIʻELA 2:10

A hohola maila ʻo ia ia mea i mua o koʻu alo; a ua kākau ʻia ma loko a ma waho, a ua kākau ʻia hoʻi ma laila: nā kanikau, a me ka uē ʻana, a me ka pōʻino.

IOʻELA 1:13

¶ E kāʻei iā ʻoukou iho, a e kanikau, e nā kahuna; E ʻaoa ʻoukou, e nā lawehana o ke kuahu; E hele mai, e noho a ao ka pō i loko o ke kapa ʻinoʻino, e nā lawehana a kuʻu Akua; No ka mea, ua hoʻōki ʻia ka mōhai makana, a me ka mōhai inu mai ka hale aku o ko ʻoukou Akua.

IOʻELA 1:8

¶ E uē iho e like me ka wahine mare i kāʻei ʻia i ke kapa ʻinoʻino No ke kāne o kona wā ʻōpiopio.

ʻAMOSA 5:1

¶ E hoʻolohe ʻoukou i kēia ʻōlelo, aʻu e hāpai aku nei no ʻoukou, ʻO ia hoʻi, he kanikau, e ka hale o kā ʻIseraʻela.

ʻAMOSA 5:17

“A ma nā pā waina a pau ka uē ʻana: No ka mea, e hele auaneʻi au i waena ou,” wahi a Iēhova.

MIKA 1:15

Akā hoʻi, e lawe mai nō au i hoʻoilina nou, E ka mea e noho ana ma Maresa; A e hele mai ka nani o kā ʻIseraʻela i ʻAdulama.

MIKA 1:8

¶ No kēia mea, e auwē iho au, a e ʻaoa, A e hele wale au, me ke kapa ʻaʻahu ʻole; E hoʻohālike au i ka auē ʻana me ko ka ʻīlio hihiu, A i ka ʻalalā ʻana me ko ka iana wahine.

MIKA 2:10

“E kū mai ʻoukou, a hele aku; No ka mea, ʻaʻohe kēia ko ʻoukou wahi maha; No ka mea, ua haumia ia, e luku aku ia iā ʻoukou Me ka luku nui.

HABAKUKA 2:6

¶ “ʻAʻole anei e hāpai o kēia poʻe a pau i mele nona, A i wahi ʻōlelo hōʻino nona, A e ʻī aku, ‘Auwē ka mea e hoʻomāhuahua i ka waiwai, ʻaʻohe nona! Pehea ka lōʻihi! ʻO ka mea e hoʻonui ana ma luna ona i ka ʻaiʻē?’

ZEPANIA 1:2

¶ “E lawe loa aku auaneʻi au i nā mea a pau Mai luna aku o ka ʻāina,” wahi a Iēhova.

KA BUKE ʻAHĀ A MOSE, I KAPA ʻIA NĀ HELU 23:18

Haʻi akula ia i kāna ʻōlelo nane, ʻī akula, “E kū aʻe ʻoe i luna, e Balaka, e hoʻolohe mai! E maliu mai ʻoe iaʻu, e ke keiki a Zipora!

KA BUKE ʻAHĀ A MOSE, I KAPA ʻIA NĀ HELU 23:7

Hāpai aʻela ia i kāna ʻōlelo nane, ʻī akula, “Na Balaka ke aliʻi o Moaba au i lawe mai nei Mai ʻArama mai, mai nā mauna o ka hikina. ‘E hele mai, e hōʻino noʻu i kā Iakoba, E hele mai, e hoʻohewa aku i kā ʻIseraʻela!

KA BUKE ʻAHĀ A MOSE, I KAPA ʻIA NĀ HELU 24:15

Hāpai aʻela ia i kāna ʻōlelo nane, ʻī akula, “ʻO ka wānana a Balaʻama ke keiki a Beora, Ka wānana a ke kanaka i hoʻokaʻakaʻa ʻia aʻe kona maka;

KA BUKE ʻAHĀ A MOSE, I KAPA ʻIA NĀ HELU 24:3

Hāpai aʻela ia i kāna ʻōlelo nane, ʻī akula, “ʻO ka wānana a Balaʻama a ke keiki a Beora, ʻO ka wānana a ke kanaka i hoʻokaʻakaʻa ʻia kona mau maka,

KA ʻEUANELIO I KĀKAU ʻIA AI E MAREKO 12:12

ʻImi ihola lākou e hopu iā ia, a makaʻu aʻela lākou i kānaka; no ka mea, ua ʻike lākou, ua ʻōlelo ʻo ia i kēia ʻōlelo nane no lākou; a haʻalele lākou iā ia, a hele aku.

KA BUKE ʻALIMA A MOSE, I KAPA ʻIA KĀNĀWAI LUA 28:29

“A e hāhā aku ʻoe i ka wā awakea e like me ka makapō i hāhā ai i ka pouli, ʻaʻole e pōmaikaʻi ʻoe ma kou ʻaoʻao; a e hoʻokaumaha wale ʻia ʻoe, a e kāʻili wale ʻia ʻoe i nā lā a pau, ʻaʻohe mea nāna ʻoe e hoʻopakele.