MIKA 2:3 - Ka Baibala Hemolele

³ No ia mea, pēnēia i ʻōlelo mai ai ʻo Iēhova; “Aia hoʻi, ke manaʻo nei au i ka hewa no kēia ʻohana, ʻAʻole ʻoukou e hiki ke hoʻoneʻe aku i ko ʻoukou mau ʻāʻī mai ia mea aku; ʻAʻole hoʻi ʻoukou e hele hoʻokiʻekiʻe; No ka mea, he manawa ʻino kēia.

MIKA 2:3 Iomraidhean Croise

KA WĀNANA A ʻISAIA 29:20

No ka mea, ua oki loa ka mea ʻoʻoleʻa, Ua pau hoʻi ka mea hoʻowahāwahā, Ua luku ʻia ka poʻe a pau i makaʻala i ka hewa;

KA WĀNANA A ʻISAIA 3:16

¶ Ua ʻōlelo mai nō hoʻi ʻo Iēhova, No ka lana haʻakei o nā kaikamāhine o Ziona, A hele me ka oeoe o nā ʻāʻī, A me ka maka leho hilahila ʻole; He hele hōʻoiʻoi ko lākou hele, A kanikani nā kūpeʻe o ko lākou wāwae;

KA WĀNANA A ʻISAIA 5:19

Ka poʻe i ʻōlelo, “E hana wikiwiki ʻo ia i kāna hana, I ʻike mākou; E neʻeneʻe hoʻi a hoʻokō ʻia mai ka manaʻopaʻa o ka Mea Hemolele o kā ʻIseraʻela, I hoʻomaopopo mākou!”

KA WĀNANA A IEREMIA 18:11

“ʻĀnō lā hoʻi, e ʻōlelo aku ʻoe i kānaka o kā Iuda, a i ka poʻe e noho lā ma Ierusalema, e ʻī aku, ‘Ke ʻōlelo mai nei ʻo Iēhova penei, “Aia hoʻi, ke hana nei au i ka hewa iā ʻoukou; ke noʻonoʻo nei hoʻi i manaʻo kūʻē iā ʻoukou. E hoʻi mai ʻoukou, ʻānō lā, ʻo kēlā mea, ʻo kēia mea, mai kona ʻaoʻao hewa mai, a e hoʻomaikaʻi i ko ʻoukou ʻaoʻao a me kā ʻoukou hana ʻana.”’

KA WĀNANA A IEREMIA 27:12

¶ ʻŌlelo nō hoʻi au iā Zedekia, i ke aliʻi o kā Iuda e like me kēia mau ʻōlelo a pau, ʻī akula, “E hoʻokomo ʻoukou i ko ʻoukou mau ʻāʻī, ma lalo iho o ka ʻauamo o ke aliʻi o Babulona, a e hoʻokauā aku nāna, a na kona poʻe kānaka, i ola.

KA WĀNANA A IEREMIA 34:17

¶ “No laila, ke ʻōlelo mai nei ʻo Iēhova penei, ‘ʻAʻole ʻoukou i hoʻolohe mai iaʻu ma ke kūkala ʻana i ke kuʻu wale ʻia ʻo kēlā kanaka no kona hoahānau, ʻo kēlā kanaka no kona hoalauna. Aia hoʻi, ke kūkala aku nei au i ke kuʻu wale iā ʻoukou i ka pahi kaua, a i ka maʻi ahulau, a i ka wī, a e hoʻoʻauheʻe aku au iā ʻoukou i loko o nā aupuni a pau o ka honua.

KA WĀNANA A IEREMIA 36:23

A heluhelu ʻo Iehudi i ʻekolu, a i ʻehā paha lālani, a laila, ʻokiʻoki aʻela ʻo ia ia mea i ka pahi peni, a hoʻolei akula i loko o ke ahi ma ka ipu ahi, a pau ka ʻōwili i ke ahi ma luna o ka ipu ahi.

KA WĀNANA A IEREMIA 43:2

a laila, ʻōlelo maila ʻo ʻAzaria, ke keiki a Hosaia, a me Iohanana, ke keiki a Karea, a me nā kānaka hoʻokiʻekiʻe a pau, ʻī maila iā Ieremia, “Ke ʻōlelo wahaheʻe mai nei ʻoe; ʻaʻole i hoʻouna mai nei ʻo Iēhova ko mākou Akua iā ʻoe, e ʻōlelo, ‘Mai hele i ʻAigupita e noho ma laila’;

KA WĀNANA A IEREMIA 8:3

“A e koho ʻia ka make, ʻaʻole ʻo ke ola, e nā kānaka i koe, ʻo kēia poʻe i hoʻokoe ʻia o kēia hanauna hewa, ʻo ka poʻe i koe ma nā wahi a pau aʻu i kipaku aku ai iā lākou,” wahi a Iēhova o nā kaua.

KE KANIKAU A IEREMIA 1:14

“Ua hoʻopaʻa ʻia e kona lima ka ʻauamo o koʻu mau hewa; Ua ulana ʻia, a ua kau ʻia ma luna o koʻu ʻāʻī; Ua hoʻonāwaliwali mai ʻo ia i koʻu ikaika, Ua hāʻawi mai ka Haku iaʻu i loko o nā lima, Hiki ʻole iaʻu ke kū i luna.

KE KANIKAU A IEREMIA 2:17

Ua hana ʻo Iēhova i ka mea āna i manaʻo ai, Ua hoʻokō ʻo ia i kāna ʻōlelo āna i kauoha mai ai i nā lā ma mua; Ua hoʻohiolo ʻo ia, ʻaʻole i aloha mai; Ua hoʻohauʻoli ʻo ia i ka ʻenemi ma luna ou, Ua hoʻokiʻekiʻe ʻo ia i ka pepeiaohao o kou poʻe ʻenemi.

KE KANIKAU A IEREMIA 5:5

Ua hoʻomaʻau ʻia mai mākou ma ko mākou mau ʻāʻī, Ua hoʻoluhi ʻia mākou, ʻaʻole hoʻomaha.

KA BUKE NO DANIʻELA 4:37

“ʻĀnō ʻo wau ʻo Nebukaneza ke hoʻonani aku nei au, ke hoʻoleʻa aku hoʻi me ka mahalo i ke Aliʻi o ka lani, ʻo kāna mau hana ua pau i ka ʻoiaʻiʻo, a ʻo kona mau ʻaoʻao ua pololei loa; a ʻo ka poʻe e hele ana ma ka haʻaheo, e hiki nō iā ia ke hoʻohaʻahaʻa iho iā lākou.”

ʻAMOSA 2:14

“A e nalowale ka māmā mai ka mea māmā aku, A ʻo ka mea ikaika, ʻaʻole ia e hoʻokūpaʻa i kona ikaika, ʻAʻole hoʻi e hoʻopakele ka mea mana iā ia iho.

ʻAMOSA 3:1

¶ E hoʻolohe i kēia ʻōlelo a Iēhova i ʻōlelo mai ai no ʻoukou, e nā mamo a ʻIseraʻela, No ka ʻohana a pau, aʻu i lawe mai ai mai ka ʻāina ʻo ʻAigupita mai, ʻī maila,

ʻAMOSA 3:2

“ʻO ʻoukou wale nō kaʻu i ʻike ai, ma mua o nā ʻohana a pau o ka honua; No ia mea, e hoʻopaʻi aku ai au iā ʻoukou no ko ʻoukou hewa a pau.”

ʻAMOSA 5:13

No ia mea, e noho mālie ka mea naʻauao i kēlā manawa; No ka mea, he manawa ʻino ia.

MIKA 2:1

¶ Auē ka poʻe e noʻonoʻo ana i ka ʻino, A e ʻimi ana i ka hewa, ma luna o ko lākou wahi moe! I ka mālamalama o ke ao, hana lākou ia mea; No ka mea, ma ka ikaika o ko lākou lima e hiki ai ia.

ʻO KA ʻEPISETOLE A PAULO KA LUNAʻŌLELO I KO ROMA 16:4

no kuʻu ola, waiho iho lāua i ko lāua mau ʻāʻī; ʻaʻole wau wale nō ke hāʻawi aku i ke aloha iā lāua, ʻo nā ʻekalesia nō hoʻi a pau no nā ʻāina ʻē;

ʻO KA ʻEPISETOLE A PAULO KA LUNAʻŌLELO I KO ʻEPESO 5:16

e mālama pono ana i ka manawa; no ka mea, he mau lā ʻino kēia.

KA BUKE ʻALIMA A MOSE, I KAPA ʻIA KĀNĀWAI LUA 28:48

no ia mea, e hoʻokauā auaneʻi ʻoe na kou poʻe ʻenemi a Iēhova e hoʻouna mai ai e kūʻē iā ʻoe, me ka pōloli, a me ka make wai, a me ka ʻōlohelohe, a me ka nele i nā mea a pau; a e kau mai ia i ka ʻauamo hao ma luna o kou ʻāʻī, a e hoʻopau mai ia iā ʻoe.

ʻO KA ʻEPISETOLE HOʻOLAHA A IAKOBO 2:13

ʻO ka mea i hana me ke aloha ʻole aku, e hoʻāhewa ʻia auaneʻi ʻo ia me ke aloha ʻole ʻia mai; ʻaʻole makaʻu ka lokomaikaʻi i ka hoʻohewa ʻia.