MIKA 2:2 - Ka Baibala Hemolele

² A kuko aku lākou i nā mahina ʻai, i kāʻili wale, A me nā hale, a lawe hoʻi ia mau mea; A ʻālunu lākou i kā ke kanaka, a me kona hale, I kā ke kanaka a me kona ʻāina hoʻoili.

MIKA 2:2 Iomraidhean Croise

KA BUKE MUA NO NĀ ALIʻI 21:1

¶ Eia hoʻi kekahi mea ma hope mai o ia mau mea, he māla waina iā Nabota no Iezereʻela, ma loko ia o Iezereʻela, e pili ana i ka hale aliʻi o ʻAhaba ke aliʻi o Samaria.

KA BUKE ʻALUA NO NĀ ALIʻI 9:26

‘Ua ʻike ʻiʻo nō au i nehinei i ke koko o Nabota, a me ke koko o kāna mau keiki,’ wahi a Iēhova; ‘a e hoʻopaʻi aku au iā ʻoe ma kēia ʻāina,’ wahi a Iēhova. ʻĀnō hoʻi, e lawe, a e hoʻolei aku iā ia i loko o ua ʻāina lā, e like me ka ʻōlelo a Iēhova.”

KA BUKE NO IOBA 31:38

¶ “Inā e uē kuʻu ʻāina noʻu, A ʻo nā ʻauwaha hoʻi ona e kanikau mai;

KA BUKE ʻALUA A MOSE, I KAPA ʻIA PUKA ʻANA 20:17

¶ “Mai kuko ʻoe i ka hale o kou hoalauna, mai kuko i ka wahine a kou hoalauna, ʻaʻole hoʻi i kāna kauā kāne, ʻaʻole hoʻi i kāna kauā wahine, ʻaʻole hoʻi i kona bipi, ʻaʻole hoʻi i kona hoki, ʻaʻole hoʻi i kekahi mea a kou hoalauna.”

KA WĀNANA A ʻISAIA 3:14

E hele mai ana nō ʻo Iēhova e hoʻopaʻi, I nā lunakahiko o kona poʻe kānaka, a me ko lākou poʻe aliʻi. “Ua hoʻopau ʻoukou i nā pā waina; Aia hoʻi ma ko ʻoukou hale ka waiwai kāʻili wale ʻia o ka poʻe hune.

KA WĀNANA A ʻISAIA 5:8

¶ Auē ka poʻe i hoʻopili i kekahi hale i kekahi hale, A me ka poʻe i hui i kekahi mahina ʻai i kekahi mahina ʻai, A koe ʻole kahi kaʻawale, I noho ʻo ʻoukou wale nō i waenakonu o ka ʻāina!

KA WĀNANA A IEREMIA 22:17

“Akā, ʻaʻohe mea ma kou mau maka, a ma kou naʻau, ʻo kou makeʻe waiwai nō, A me ka hoʻokahe i ke koko hala ʻole, A me ka hoʻokaumaha, a me ka lawe wale, e hana hoʻi.”

KA WĀNANA A ʻEZEKIʻELA 18:12

ua hoʻoluhi hewa i ka mea haʻahaʻa a me ka nele, ua kāʻili i kā haʻi ma ka lalau wale, ʻaʻole hoʻi i hoʻihoʻi aku i ka uku pānaʻi i hāʻawi ʻia mai, ua leha aʻe kona mau maka i nā akua kiʻi, ua hana hoʻi i ka mea inaina ʻia;

KA WĀNANA A ʻEZEKIʻELA 22:12

“Ma loko ou ua lawe lākou i nā kīpē e hoʻokahe i ke koko; ua lawe ʻoe i ke kuala a me ka uku paneʻe, a ua loaʻa iā ʻoe me ka makeʻe, ʻo kā kou mau hoalauna, ma ka hoʻoluhi hewa, a ua hoʻopoina mai iaʻu,” wahi a Iēhova ka Haku.

KA WĀNANA A ʻEZEKIʻELA 22:13

¶ “No laila ʻeā, ua paʻi au i kuʻu mau lima i kou waiwai ʻālunu i loaʻa iā ʻoe, a me kou koko i hoʻokahe ʻia i waenakonu ou.

KA WĀNANA A ʻEZEKIʻELA 33:26

“Ke kū nei ʻoukou ma luna o kā ʻoukou pahi kaua, ke hana nei ʻoukou i ka mea inaina ʻia; ke hoʻohaumia nei ʻoukou, kēlā kanaka kēia kanaka, i ka wahine a kona hoalauna; e loaʻa anei iā ʻoukou ka ʻāina?”’

KA WĀNANA A ʻEZEKIʻELA 45:9

¶ ‘Ke ʻī mai nei Iēhova ka Haku, penei, “He nui iā ʻoukou, e nā mōʻī o kā ʻIseraʻela; e hoʻokaʻawale aʻe i ka lālau wale a me ka waiwai pio, a e hana ma ka pono, a me ka pololei, e lawe aʻe i ko ʻoukou lawe wale ʻana mai koʻu poʻe kānaka aʻe,” wahi a Iēhova ka Haku.

KA WĀNANA A ʻEZEKIʻELA 46:18

“A ʻaʻole e lawe ka mōʻī i kauwahi o kā kānaka hoʻoilina ma ka hoʻoluhi hewa, e kipaku aku ai iā lākou mai ko lākou hoʻoilina aʻe; akā, e hāʻawi ʻo ia i hoʻoilina no kāna mau keiki no loko o kona hoʻoilina iho, i ʻole e hele liʻiliʻi aʻe koʻu poʻe kānaka mai ko lākou hoʻoilina aʻe.”’”

KA WĀNANA A ʻEZEKIʻELA 8:17

A laila nīnau maila ia iaʻu, “Ua ʻike anei ʻoe i kēia, e ke keiki a ke kanaka? He mea māmā anei i ka ʻohana a Iuda kā lākou hana ʻana i nā mea e inaina ʻia a lākou e hana nei ma ʻaneʻi? No ka mea, ua hoʻopiha lākou i ka ʻāina i ka hewa, a ua huli mai lākou e hoʻonāukiuki mai iaʻu; aia hoʻi, ua kau lākou i ka lālā ma ko lākou ihu.

ʻAMOSA 2:7

“E kuko ana i ka lepo o ka honua ma luna o ke poʻo o nā ʻilihune, A hoʻololi aʻe i ka hoʻāpono ʻia o ka poʻe pōpilikia; A komo aku ke kanaka, a me kona makua kāne i loko i ke kaikamahine hoʻokahi, I mea e hoʻohaumia ai i koʻu inoa hoʻāno.

ʻAMOSA 4:1

¶ E hoʻolohe ʻoukou i kēia ʻōlelo, e nā bipi wahine o Basana, Nā mea ma nā mauna o Samaria, Nā mea e hoʻokaumaha ana i ka poʻe ʻilihune, Nā mea e hoʻoluhi ana i ka poʻe nele, Nā mea e ʻōlelo ana i ko lākou mau haku, “E lawe mai, a e inu kākou.”

ʻAMOSA 8:4

¶ E hoʻolohe i kēia, e ʻoukou ka mea e moni i ka poʻe ʻilihune, a hoʻopau i ka poʻe nele o ka ʻāina,

MIKA 3:9

Ke noi aku nei au iā ʻoukou, e hoʻolohe i kēia, e nā luna o kā Iakoba, A me nā luna kānāwai o kā ʻIseraʻela, Ka poʻe e hoʻowahāwahā ana i ka pono, A e hoʻololi ana i ka pololei a pau.

MIKA 6:12

“No ka mea, ua piha kona poʻe kānaka waiwai i ka hana ʻino, A ua ʻōlelo wahaheʻe kona poʻe kānaka, A ua hoʻopunipuni ko lākou alelo ma ko lākou waha.

MALAKI 3:5

“Ke hoʻokokoke aku nei au i o ʻoukou lā e hoʻokō i ke kānāwai; e wikiwiki au i ka hōʻike kūʻē i nā kāhuna ʻanāʻanā, me nā moekolohe, a i nā mea hoʻohiki wahaheʻe, me ka poʻe hoʻonele i nā mea hoʻolimalima i kā lākou uku, a i ka poʻe hoʻonele i ka wahine kāne make, a me ke keiki makua ʻole, a i ka poʻe hoʻohuli aʻe i ko ka malihini, ʻaʻole hoʻi i makaʻu iaʻu,” wahi a Iēhova o nā kaua.

KA ʻEUANELIO I KĀKAU ʻIA AI E MATAIO 23:13

¶ “Auē ʻoukou, e ka poʻe kākau ʻōlelo a me ka poʻe Parisaio, nā hoʻokamani! No ka mea, ke papani nei ʻoukou i ke aupuni o ka lani i mua o nā kānaka; no ka mea, ʻaʻole ʻoukou e komo aʻe, ʻaʻole hoʻi ʻoukou e ʻae aku e komo i loko ka poʻe e komo ana.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 6:10

No ka mea, ʻo ka puni kālā ʻo ka mole nō ia o ka hewa a pau; ua kuko nui ʻia ia e kekahi poʻe, a ua haʻalele lākou i ka manaʻoʻiʻo, a ua houhou lākou iā lākou iho i nā ʻehaʻeha he nui.